Шоу биз

Поранешната менаџерка на Том Круз: Опседнат е со самиот себеси и својот изглед

Пензионираната извршна директорка за естрада, Ајлин Берлин, која стана менаџерка на Том Круз кога имал 18 години, изјави за Дејли Мејл дека актерот бил опседнат со својот изглед кога бил помлад.

„Том беше толку опседнат со изгледот што го помина цел ден експериментирајќи со пози за неговата прва фотосесија“, открива таа.

„Тој се подготвуваше за фотосесијата парадирајќи во долна облека. Имавме ѕид од огледала и тој се шеташе во шорцеви и ги стискаше тупаниците и бицепсите восхитувајќи се од себеси во огледалото“, рече таа.

"Бев засрамена, но тој сакаше да го покажува своето тело. Беше многу горд на тоа. Се грижеше дека е висок само пет стапки. Тој рече дека би сакал да носи чевли што ќе му дадат малку висина".

Иако демантира дека имал пластична операција, се шпекулира дека направил операција на носот, трансплантација на коса и ретуширање на забите. Берлин рече дека нема да биде изненадена кога ќе дознае дека Круз навистина бил подложен на процедури.

„Мислам дека ќе направи сѐ што е потребно за да го задржи својот младешки изглед што е можно подолго“, тврди таа.

Таа додаде дека актерот отсекогаш бил многу егоцентричен.

"Секогаш сè се вртеше околу него. Само јас, јас, јас и јас", рекла таа и открила дека тој имал проблеми и со контрола на бесот.

„Не ме изненади што сите негови три брака, со Мими Роџерс, Никол Кидман и Кејти Холмс, завршија со развод. Мислам дека не му се допаѓаат луѓето. Му се допаѓа тоа што го прави.

Тажна сум поради него. Се грижам дека е осамен. Се додека може да работи и да ги снима своите филмови, ќе биде добро. Што ќе се случи кога веќе нема да може да го прави тоа, не знам". заклучила таа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена локална облачност.

Информација за времето. Ќе биде сончево, со услови за локален дожд и грмежи во југоисточните делови..

Ќе дува слаб до умерен ветер од североисточен правец. Максималната температура ќе биде во интервал од 27 до 34 степени.

Следува период на стабилно и потопло време, освен во вторник кога ќе има локален развој на нестабилна облачност проследена со пороен дожд, грмежи и засилен ветер.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп изјави дека ќе го прогласи Ормутскиот теснец за американска територија

Американскиот претседател Доналд Трамп изјави дека ќе го прогласи Ормускиот теснец за„територија на САД“..

Американски медиуми јавија дека не е јасно колку е сериозен коментарот на Трамп и дали го одразува неговиот нов политички став, со оглед дека тој изјавата ја даде со насмевка за време на митинг во Гарден сити, во близина на Њујорк..

Изјавата доаѓа два дена откако Трамп тврдеше на својата социјална мрежа дека САД имаат „тотална контрола“ над Ормускиот теснец..

Од Иран веднаш возвратија дека теснецот останува под иранска контрола и дека Вашингтон не може да го преземе ниту со воени закани, ниту со политички изјави.

-Откако ќе завршиме и ќе го победиме Иран, кој е многу тешко поразен.Ќе го прогласам Ормутскиот теснец за територија на САД.Навистина ни оди добро, ни оди добро во секој поглед. Знаете, ја изградив војската и ја користев малку повеќе отколку што сакав, искрено, но во ред. Не смееме да дозволиме Иран да има нуклеарно оружје. Дали се согласуваме? - истакна Трамп.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

14.440 евра без докажано потекло пронајдени во возило кај Бучим, 35-годишник заврши во притвор

Полицијата пронашла 14.440 евра во различни апоени при преглед на автомобил на магистралниот пат Радовиш–Штип, по што бил лишен од слобода 35-годишен жител на Бучим.

Полициски службеници пред два дена запреле возило„ауди“, управувано од 35-годишник од село Бучим, за кого претходно била изречена мерка на претпазливост –за кривично дело поврзано со неовластено пуштање во промет на наркотични дроги.. При прегледот на возилото возачот не приложил доказ за нивното потекло. По насоки на Јавното овнителство, осомничениот бил изведен пред судија во Основниот суд Гевгелија, кој му определил 30-дневен притвор, а потоа бил спроведен во „Затворот Скопје“.

Тој се сомничи за кривично дело „перење пари и други приноси од казниво дело“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.