Поранешен сопственик на Порнхаб сака да го купи Лукоил - Канал 5

Економија

Поранешен сопственик на Порнхаб сака да го купи Лукоил

САД воведоа санкции за Лукоил, најголемиот приватен производител на нафта во Русија, како дел од притисокот врз Москва да стави крај на војната во Украина.

Поранешен сопственик на Порнхаб сака да го купи Лукоил

Австрискиот бизнисмен Бернд Бергмаир, поранешен мнозински сопственик на групација за индустрија за забава за возрасни, во која спаѓа и сајтот Порнхаб, се обратил до американското Министерство за финансии во врска со купување на меѓународните средства на руската нафтена компанија Лукоил, која е под санкции.

САД воведоа санкции за Лукоил, најголемиот приватен производител на нафта во Русија, како дел од притисокот врз Москва да стави крај на војната во Украина.

Поради санкциите, Лукоил беше принуден да објави продажба на своите странски средства, а повеќе потенцијални купувачи побараа дозвола од американските власти за разговори со компанијата, меѓу нив и нафтените гиганти Ексон Мобил и Шеврон.

Бергмаир преку својот адвокат не сакал да наведе за кои точно зделки на Лукоил е заинтересиран, дали веќе контактирал со руската компанија, дали настапува самостојно или како дел од инвестициски конзорциум.

„Lukoil International GmbH секако би била одлична инвестиција и секој би имал среќа да дојде во позиција да го поседува тој имот“, изјави Бергмаир за Ројтерс. „По правило не коментирам потенцијални инвестиции“, додаде тој.

Интересот за меѓународниот имот на Лукоил порасна откако американското Министерство за финансии минатиот месец им одобри на компаниите да почнат разговори со Лукоил. Тоа одобрение важи до 13 декември, а секое евентуално купување ќе мора да добие зелено светло од Министерството.

Lukoil International GmbH, со седиште во Виена, поседува рафинерии во Европа, удели во нафтени полиња во Казахстан, Узбекистан, Ирак и Мексико, како и стотици бензински пумпи ширум светот. Вредноста на овој имот се проценува на околу 22 милијарди долари, според податоците од 2024 година.

Портпаролот на американското Министерство за финансии одби да коментира дали Бергмаир веќе ја контактирал институцијата.

Бергмаир работел во Goldman Sachs во Њујорк како инвестициски банкар во текот на 1990-те, пред да се префрли на приватни инвестиции. Тој беше мнозински сопственик на MindGeek – луксембуршката компанија која управува со Pornhub, RedTube и YouPorn сè до 2023 година, кога беше купена од канадски инвестициски фонд за непозната сума.

Британската листа на најбогати The Sunday Times Rich List во 2021 година го процени неговото богатство на најмалку 1,2 милијарди фунти.

Тагови: лукоил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Реконструкцијата на спортската сала во СОУ „Добри Даскалов“ се одвива согласно предвидената динамика

Продолжуваат градежните активности во спортската сала на СОУ Гимназија „Добри Даскалов“.

Јанчев: Реконструкцијата на спортската сала во СОУ „Добри Даскалов“ се одвива согласно предвидената динамика

Реконструкцијата на спортската сала во СОУ „Добри Даскалов“ се одвива согласно предвидената динамика, со што чекор по чекор создаваме современ и функционален простор за учениците. Во текот на активностите се работи на обновување на салата, со цел поставување нов спортски под, уредување на ѕидните површини, модернизација на осветлувањето, како и подобрување на системите за греење, вентилација и противпожарна заштита.

Со инвестицијата од 4.200.000 денари, Општина Кавадарци продолжува со унапредување на спортската инфраструктура во Гимназијата и создавање побезбедни и подобри услови за наставата и спортските активности.

Работиме на терен, со јасна цел, современи услови за нашите ученици и подобра спортска инфраструктура за Кавадарци.- објави градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДЗР: Слабости во јавните набавки во ЕСМ, ревизорите чешлале 27 постапки вредни околу 143,6 милиони евра

Сериозни слабости во јавните набавки во ЕСМ откри Државниот завод за ревизија.Ревизорите чешлале 27 постапки вредни околу 143,6 милиони евра.

ДЗР: Слабости во јавните набавки во ЕСМ, ревизорите чешлале 27 постапки вредни околу 143,6 милиони евра

Пропусти имало уште при планирањето и утврдувањето на потребите.во само една година биле направени 19 измени на планот за набавки.

ДЗР констатирал и ограничена конкуренција и постапки со само една понуда. Особено внимание привлекува набавката на гасен мотор вредна околу 2,48 милиони евра.

Моторот бил платен, но не бил ставен во функција и подолг период бил складиран.за адитив биле платени околу 2,29 милиони евра, а најголемиот дел останал неискористен.

Ревизорите нотирале и проблеми со договорите, техничките спецификации и контролите.

Заводот бара поголема транспарентност и поекономично и поефикасно користење на јавните средства.

Тагови: ДЗР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утринава продолжува судењето против апелациониот судија Ѓоко Ристов

Утринава продолжува судењето против апелациониот судија Ѓоко Ристов, обвинет за прикривање имот и перење пари.

Утринава продолжува судењето против апелациониот судија Ѓоко Ристов

Утринава продолжува судењето против апелациониот судија Ѓоко Ристов, обвинет за прикривање имот и перење пари, откако во домот на неговите родители беа пронајдени 350 илјади евра соѕидани во ѕид.

Парите беа пронајдени спакувани во 13 поединечни пакувања, и тоа 610 банкноти во апоени од по 500 евра и 225 банкноти во апоени од по 200 евра, од кои дел со обележани рачно испишани износи на средствата, скриени во заѕидан простор во шуплините од цигли во ѕид на кујната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер