Балкан

Поранешен помошник на Нетанјаху ќе биде испрашуван од израелската полиција во Србија

Истражителите од Одделот за тешки кривични дела Лахав 433 на израелската полиција оваа недела ќе допатуваат во Србија за да го испрашаат Јисраел Ајнхорн, поранешен висок советник на премиерот Бенјамин Нетанјаху, објавија српски медиуми.

Ајнхорн ќе биде испрашуван во врска со неговото учество во таканаречената афера Катаргејт и случајот со документи што ја потресоа канцеларијата на израелскиот премиер во изминатите неколку месеци, пишува „Тајмс оф Израел“, пренесоа српски медиуми.

Ајнхорн живеел во Белград изминатата година додека работел како советник на српскиот претседател Александар Вучиќ, и не се вратил во Израел откако лани започна истрагата за протекување на разузнавачки информации.

Ајнхорн, заедно со поранешниот помошник на премиерот, Јонатан Урих, и поранешниот портпарол Ели Фелдштајн, е клучен осомничен во случајот со протекување на разузнавачки информации, што вклучува кражба на класифицирани израелски воени документи и протекување на еден од нив до германскиот дневен весник „Билд“.

Сите тројца се осомничени и во тековната истрага за Катаргејт, при што истражителите се обидуваат да го испрашуваат Ајнхорн за неговата ПР работа за Катар преку неговата ПР фирма Перцепција, која ја водеше заедно со Урих.

Според „Тајмс оф Израел“, двајцата предводеле про-Катарска кампања за да ја претстават земјата од Персискиот Залив во позитивно светло пред Светското првенство во фудбал во 2022 година, кое се одржа во Доха, според извештаите на хебрејските медиуми во тоа време, што се совпаѓа со почетокот на временската рамка на истрагата.

Ајнхорн претходно се обидел да преговара за договор со Канцеларијата на државниот обвинител во Израел за да сведочи без апсење, објави јавниот сервис Кан, но разговорите не успеале.

Според медиуми во Израел, тој потоа побарал да биде испрашуван во Србија, но ова првично било одбиено од обвинителството, кое претпочитало или да почека самиот да се врати во Израел, а потоа да го уапси, или, алтернативно, да покрене постапка за екстрадиција.

Но, по промената на ставот на обвинителот, истражителите ќе го испрашуваат Ајнхорн во Србија.

Тагови: Бенјамин Нетанјаху Израел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Николоски: За околу два месеци ќе добиеме модерен, проширен и целосно нов реконструиран аеродорм во Охрид

Во завршна фаза е реконструкцијата и проширувањето на аеродромот Св. Апостол Павле во Охрид.

За околку два месеци, ќе добиеме целосно нов модерен аеродром, истакна заменик претседателот на Владата и министер за транспорт Александар Николоски, кој денеска заедно со директорот на ТАВ, Неџат Курт, извршија увид во градежните работи.

Вицепремиерот Николоски истакна дека оваа модернизација на охридскиот аеродром е за прв пат од неговата изградба и треба да овозможи зголемување на капацитетот на патници и бројот на нови авиолинии.

“Реконструкцијата и надградувањето на охридскиот аеродром е нешто што долго време му требаше на аеродромот и еве конечно се случува. Некаде за два месеци од денес ќе имаме аеродром кој што ќе изгледа како вчера да се изградил, целосно ново решение, проширување на терминалната зграда, проширување на делот за слетување, проширување на делот за полетување, значи за патници на доаѓање, патници на заминување што дополнително ќе значи голем економски стимул. Ако на тоа го ставиме и автопатот Охрид-Кичево, делот кој што води до аеродромот, гледате дека веќе е завршен, за брзо време ќе имаме отварање на нови делници од овој автопат, тоа значи една целосна преродба за целиот регион. Би сакал тука да се заблагодарам на Изведувачите за одличната работа тука на аеродромот и за работата на популарната Воена болница, градската болница во Скопје, каде што за прв пат се случи реконструкција по нејзината градба и во моментов имаме најмодерна болница буквално од Атина до Виена” истакна Николоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Автобусот со фудбалерите на Курасао хит на социјалните мрежи

Стотици навивачи на Курасао ја прославија победата на фудбалската репрезентација од 4-0 против соседот Аруба во пријателски натпревар.

Тоа беше последен тест за 82-ро рангираната репрезентација во светот според ранг-листата на ФИФА пред да замине за Соединетите Американски Држави, каде што малата карипска нација ќе се натпреварува на своето прво Светско првенство. Курасао инаку ќе биде најмалата држава која некогаш учествувала на Светско првенство.

На социјалните мрежи кружи видео од пристигнувањето на репрезентацијата на стадионот во главниот град Вилемстад. Тие пристигнаа во шарен автобус без прозорци, со музика, а играчите го удираа автобусот во ритам.

Прославата започна на преполниот стадион „Ергилио Хато“ во Вилемстад, каде што речиси 15.000 гледачи, или секој 16 жители на Курасао, беа сведоци на убедливата победа на својот тим.

Old-school bus. No windows. Music playing. Curaçao‘s team bus arrival is unmatched. pic.twitter.com/mj1OuLKD0m
— Sports Illustrated FC (@SI_FootballClub) June 7, 2026

Со површина од 444 квадратни километри и население од околу 160.000 жители, Курасао стана најмалата земја во историјата што се квалификувала за Светското првенство.

Курасао е аутсајдер во група во која се Германија, Брегот на Слоновата Коска и Еквадор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: СДСМ се држи до суштината, правда наместо привилегии, солидарност наместо страв

СДСМ останува доследен на суштинските вредности на социјалдемократијата, правда наместо привилегии, солидарност наместо страв и поддршка за обичниот човек, порача претседателот на СДСМ, Венко Филипче, во своето обраќање

СДСМ останува доследен на суштинските вредности на социјалдемократијата, правда наместо привилегии, солидарност наместо страв и поддршка за обичниот човек, порача претседателот на СДСМ, Венко Филипче, во своето обраќање на 32 програмски Конгрес на партијата „Твоја држава-твоја шанса“.

Филипче потенцираше дека најважни се темелите и принципи врз кои е изградена социјалдемократијата и јасна определба за политики што ќе обезбедат еднакви шанси, социјална правда и достоинствен живот за граѓаните.

„СДСМ се држи до суштината на социјалдемократијата: правда наместо привилегија, солидарност наместо страв, фер оданочување наместо товар врз трудот, силни институции наместо партиска држава и европска иднина наместо националистичка магла“, рече Филипче.

Во своето обраќање, Филипче нагласи дека социјалдемократијата е идеја што го става човекот во центарот на политиките и се грижи за оние на кои им е најпотребна поддршка.

„Социјалдемократијата е длабоко човечка идеја. Таа почнува од едно едноставно, но големо убедување: дека државата не постои за силните да станат уште посилни, туку за послабите да не останат сами. Дека слободата без еднаква шанса е привилегија. Дека пазарот без правила станува џунгла. Дека профитот без одговорност станува алчност. Вистинската социјалдемократија не ја мери државата по висината на говорницата, туку по висината на платата, по правото на лекување, по квалитетот на училиштето, по достоинството на пензионерот, по сигурноста на работникот, по шансата на младиот човек да остане дома не од инает, туку од надеж. Таа не верува во милостина, туку во праведност“, рече претседателот на СДСМ.

Скопје, 07.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.