Живот

Поранешен лидер на „Гордите момчиња“ доби 22 години затворска казна

Поранешниот претседател на организацијата „Горди момчиња“, Енрике Тарио, беше осуден синоќа на 22 години затворска казна поради подготвка на заговор за бунт и ковање неуспешен заговор да се спречи трансфер на власта од Доналд Трамп на Џо Бајден.

Казната изречена од судијата Тимоти Кели во федерален суд во Вашингтон е најдолга досега доделена поврзано со 6 јануари 2021 година и нападот на американскиот Капитол и произлегува од обвинението засновано на борба против домашниот тероризам и екстремизам преводени од групи како „Гордите момчиња“ или “Чувари на заклетвата“.

За водење заговор за бунт претходно беа осудени уште три членови и лидери на „Гордите момчиња“ – Џозеф Бигс доби 17 години, Итан Нордеан 18 години и Зак Рел, кој доби 15 години. Четвртиот со долга затворска казна е Доминик Пецола кој не беше осуден за заговор, туку за напад на службени лица, опструкција на официјална процедура и уништување на државна сопственост, за што доби 10 години затвор.

Неколку денови пред нападот на Капитолот, Тарио (39) бил уапсен во Вашингтон за палење на банер поставен на црква со симболот на движењето „Животите на црномурестите се важни“ и за носење муниција за автоматски пушки во округот Колумбија. Тогаш судија му нареди да го напушти градот и му забрани влез во престолнината.

Иако Тарио кој е од Мајами не бил во Вашингтон на денот на нападот на Капитолот, обвинителите укажаа дека тој го водел и го координирал движењето на групата од далечина.

Адвокатите се обидуваа да ги отфрлат аргументите дека групата била некако координирана или организирана, давајќи слика за оваа екстремистичка организација како „децентралзиран клуб на љубители на пиењето чии членови се собрале на спонтан бунт, гневни од резултатите од изборите“.

Околу 1,100 луѓе се оптужени за учество во нападот на Капитолот на 6 јануари 2021 година, од кои 630 се изјасниле за виновни и околу 110 се осудени.

За време на насилствата и хаосот пред американскиот Конгрес загинаа пет лица, од кои еден полицаец, а 140 службени лица беа повредени. Штетата предизвикана од нападот беше во висина од повеќе милиони долари.

Во врско со ова, федерална тужба доби и експретседателот Доналд Трамп, кој тогаш ја охрабри толпата да оди на Капитолот, а тужбата е за обид да влијае на резултатите од изборите за да остане на власт. Тој се соочува со уште четири тужби меѓу кои е обвинение од Њујорк за давање поткуп за молчење, случајот од Флорида со криење на доверливи документи и за вмешаност во изборите во Џорџија.

Првото судење на Трамп е закажано за 23 октомври.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Новата снимка од Мараја Кери предизвика загриженост, фановите коментираат

Снимка од Мараја Кери во Бразил предизвика загриженост кај нејзините обожаватели.

На социјалните мрежи, луѓето почнаа да се прашуваат дали сè е во ред со 57-годишната пејачка, откако видео од нејзино јавно појавување покажа дека таа се движи малку нестабилно додека излегува од автомобил.

За време на престојот во Бразил, пејачката делеше автограми и се фотографираше со фановите кои се собраа да ја поздрават, држејќи транспаренти. Иако изгледаше добро расположена, некои гледачи забележаа дека ѝ треперат рацете и дека чекори несигурно. Снимката беше објавена на „TikTok“.

Фановите се прашуваат дали сè е во ред

„Дали треба да се грижиме?“ – праша еден корисник на „TikTok“. „Изгледа како да чувствува болка“, напиша друг, додека трет ѝ посака добро здравје на пејачката: „Се молам за неа и ѝ испраќам убави желби на нашата Божиќна кралица“.

Сепак, не сите ја протолкуваа оваа ситуација како причина за загриженост. Некои укажаа на конкретните услови во кои се движеше пејачката: врнеше дожд, теренот беше закосен, а Кери носеше високи потпетици.

„Како прво, врне дожд. Второ, теренот е закосен. Трето, таа носи високи потпетици. Четврто, не сака да падне“, напиша еден корисник. На снимката се гледа и како нејзиниот асистент ја држи околу половината додека таа поминува покрај фановите. Засега нема информации кои укажуваат на тоа дека Мараја Кери има некакви здравствени проблеми, а самата снимка не е доволна за да се донесе таков заклучок.

Тагови: Мараја Кери

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ и големиот прекин – што навистина се случи?

Услугите на „Microsoft“ конечно работат правилно по повеќе од 24 часа –што навистина тргна наопаку?

„Microsoft“ го реши големиот проблем што предизвика повеќе од 24 часа застој на „Microsoft 365“, тоа предизвика сериозни прекини во работењето на бизнисите и владините агенции низ целиот свет.

Проблемите започнаа на 12 ноември околу 17:17 часот по средноевропско време, кога услугата „Exchange Online“ падна. Малку повеќе од два часа подоцна, проблемите се проширија на остатокот од платформата „Microsoft 365“.

Што го предизвика тоа?

„Microsoft“ првично се сомневаше дека невообичаено големиот сообраќај е причина за проблемите. Сепак, последователната истрага покажа дека неколку серверски системи неочекувано престанаа да работат, оставајќи ги преостанатите сервери неспособни да се справат со зголеменото оптоварување.

Обидите за рестартирање на серверите беа неуспешни, бидејќи тие повторно престанаа да реагираат откако се врати сообраќајот. Компанијата на крајот утврди дека проблемот е поврзан со претходно надградување на капацитетот на мрежата, предизвикано од последователна промена во мрежната инфраструктура.

Потоа инженерите применија поправка на компонента одговорна за автентикација и насочување на сообраќајот. Обновувањето беше спроведено постепено, со обработка на заостанати е-пораки.

„Microsoft“ нагласи дека нема докази за злонамерна активност и дека вештачката интелигенција не е причина за проблемот.

Кој беше засегнат?

Покрај „Outlook“ и „Exchange Online“, прекините влијаеја на календарите на „Teams“, закажувањето состаноци, „Copilot“, „SharePoint“ и „Intune“. Некои функции продолжија да работат за време на прекинот.

Влијанието се почувствува надвор од технолошкиот сектор. Националната здравствена служба на Велика Британија (NHS) мораше да се потпре на алтернативни системи, додека индиските авиокомпании „Air India“, „IndiGo“ и „Akasa Air“ пријавија проблеми со поддршката за е-пошта.

Проблемите влијаеја и на финансиските институции. Една тајванска компанија дури мораше да користи факс за да ги потврди трансакциите со акции.

Според „Downdetector“, имало повеќе од 7,4 милиони пријави за проблеми низ целиот свет. Сепак, овој број не го претставува вкупниот број на индивидуални корисници погодени од прекинот.

Извор: Б92

Тагови: Microsoft

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција на нозе: 200.000 луѓе на улиците

Француската полиција уапси 121 лице за време на протестите одржани низ целата земја, објави француското Министерство за внатрешни работи.

Според Министерството, околу 106.000 луѓе учествувале во демонстрациите, додека синдикатите проценуваат дека околу 200.000 граѓани се собрале на улиците.

22 лица се приведени во Париз, вклучувајќи тројца малолетници. Апсењата се главно за носење оружје од категорија Д, навреди и кршење на забраните за посетување одредени места или учество во демонстрации, објавува „BFMTV“.

Според полициските податоци, околу 24.000 луѓе протестираа во француската престолнина, додека младинските синдикати проценуваат дека на улиците имало близу 100.000 демонстранти.

Низ цела Франција се одржаа повеќе од 60 протестни собири. Во Париз истовремено се одржаа три одделни демонстрации - против предлог-закон за претпоставка за легална употреба на оружје од страна на безбедносните сили, меѓународен марш против насилството врз децата и протест на движењето „Жолти елеци“ против зголемувањето на трошоците за живот.

Тензии беа пријавени во Париз, Бордо, Нант, Лион и Руан. На Плоштадот на нацијата во Париз, полицијата употреби солзавец за да ја растера толпата, што предизвика први знаци на паника кај демонстрантите.

Во Нант, полицијата употреби водени топови, додека во Бордо беа пријавени судири за време на кои некои демонстранти фрлаа предмети кон полицијата.

Во Тулуз, според организаторите, протестираа 6.000 луѓе, додека полицијата соопшти дека имало 1.800. Собирот помина без инциденти.

The Protests in France are Massive https://t.co/CefTcDvpqL
— Ryan Rozbiani (@RyanRozbiani) November 14, 2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.