Поранешен информатор на ФБИ обвинет за лазење за улогата на семејството Бајден - Канал 5

Живот

Поранешен информатор на ФБИ обвинет за лазење за улогата на семејството Бајден

Поранешен информатор на ФБИ обвинет дека лажел за улогата на семејството Бајден во украински бизнис.

Поранешен информатор на ФБИ обвинет за лазење за улогата на семејството Бајден

Политика.рс

Специјалниот советник кој ја водеше повеќегодишната истрага против Хантер Бајден, Дејвид Вајс, го обвини поранешниот информатор на ФБИ Александар Смирнов дека лажел за вмешаноста на претседателот Џозеф Бајден и неговиот син Хантер Бајден во деловни трансакции со украинската енергетска компанија Бурисма Холдингс.

Смирнов (43) се соочува со обвиненија поврзани за лажење на ФБИ и создавање лажни досиеја.

Тој е уапсен утрово на меѓународниот аеродром Хари Рид во Лас Вегас, по пристигнувањето во САД од странство, а подоцна во текот на денот ќе се појави пред федерален суд. Обвинението против Смирнов го доведува во прашање клучниот аспект на тврдењата на републиканците дека актуелниот американски претседател имал финансиска корист од бизнисот на неговиот син во Украина. Според судските записи, Смирнов му рекол на агент на ФБИ дека разговарал со сопственикот на Бурисма за напорите на компанијата да купи компанија во САД.

Во својот извештај до ФБИ, се наведува во обвинението, Смирнов исто така забележал дека некој што тој го нарекува „бизнисмен 1“ бил во одборот на Бурисма и исто така бил син на поединец наречен „јавен службеник 1“.

Иако обвинението не ги прецизира овие лица, изворите го идентификуваа „јавниот службеник 1“ како Џозеф Бајден и „бизнисменот 1“ како Хантер Бајден. За време на претседателската кампања на Бајден, Смирнов наводно поднел извештаи до ФБИ за две средби со директори на Бурисма во 2015 и 2016 година, за време на кои директорите признале дека го ангажирале Хантер Бајден за „да ги заштити од секакви неволји преку неговиот татко“.

Смирнов, исто така, информирал дека директорите на украинската компанија им платиле по 5 милиони долари на Џозеф и Хантер Бајден додека Џозеф Бајден беше потпретседател, за Хантер „да се погрижи за сите овие работи преку неговиот татко“, мислејќи на кривичната истрага што ја водеше тогашниот украински обвинител за работењето на Бурисма.

„За волја на вистината, обвинетиот имал контакт со директорите на Бурисма во 2017 година, по завршувањето на администрацијата на Обама-Бајден и откако тогашниот украински јавен обвинител беше разрешен во февруари 2016 година, со други зборови, кога Џозеф Бајден повеќе немал можност да влијае врз политиката на Америка и кога јавниот обвинител повеќе не беше на функцијата“, се наведува во обвинението.

Се заклучува дека Смирнов ги „трансформирал“ своите рутински и невообичаени деловни контакти со Бурисма во 2017 година и подоцна, во обвинувања за поткуп против Џозеф Бајден, претпоставениот кандидат на една од двете главни политички партии за претседателската функција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петровска до Агенцијата за разузнавање: Дали лица од политиката, бизнисот и медиумите контактирале со Мацура за Алта банка?

Пратеничката Славјанка Петровска во Собранието ја праша директорката на Агенцијата за разузнавање дали Агенцијата имала сознанија за можни безбедносни ризици поврзани со Алта банка.

Петровска до Агенцијата за разузнавање: Дали лица од политиката, бизнисот и медиумите контактирале со Мацура за Алта банка?

Пратеничката Славјанка Петровска во Собранието на денешната надзорна расправа за причините за воведувањето администрација во Алта банка АД Битола, улогата и постапувањето на Народната банка и институционалната одговорност, ја праша директорката на Агенцијата за разузнавање дали Агенцијата имала сознанија за можни безбедносни ризици поврзани со Алта банка пред случајот да стане предмет на јавна дебата и дали за тоа биле известени Владата или други надлежни институции.

Петровска го заснова прашањето на надлежностите утврдени во членовите 2, 3 и 4 од Законот за Агенција за разузнавање. Притоа посочи дека Агенцијата нема регулаторна улога во банкарскиот систем.

„Дали Агенцијата имала сознанија за можни ризици по безбедноста во смисла на нарушување на политичката и економската стабилност, но и за можни трансакции кон земји кон кои имаме воведено санкции, пред случајот со Алта банка да стане предмет на дебата во јавноста? Дали за тоа беа известени Владата или други надлежни институции?“, праша Петровска.

Во дополнителното прашање, Петровска побара одговор дали Агенцијата располага со потврдени или непотврдени сознанија за евентуални контакти со Давор Мацура во врска со Алта банка. Прашањето се однесуваше на можни контакти во текот на 2026 година, директно или преку посредници, со лица од политички партии во земјава или лица поврзани со нив, како и со лица од бизнис или медиумските кругови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Повторно гори во теснецот (ВИДЕО)

Иранската војска денеска соопшти дека два нафтени танкера се запалиле откако удриле во поморски мини во Ормускиот теснец.

Повторно гори во теснецот (ВИДЕО)

Морнарицата на Иранската револуционерна гарда (ИРГЦ) наведе дека два нафтени танкера – кои ги прекршиле прописите – ги исклучиле своите системи за навигација и идентификација и се обиделе да го напуштат Ормускиот теснец преку неовластена рута, под закрила на американските воени сили. Притоа, тие удриле во поморски мини и се запалиле, пренесува агенцијата ИРНА.

Во соопштението се додава дека, и покрај напорите на американскиот воен персонал да ги изгаснат пожарите, пловилата остануваат зафатени од пламени и се напуштени.

Во соопштението, упатено до сопствениците на бродовите, се напоменува дека за безбедно поминување низ Ормускиот теснец е неопходна „координација со иранските вооружени сили“.

Тагови: Ормускиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Повторно зачестени измамнички пораки за наводна наплата на сообраќајни прекршоци

МВР апелира на внимателност

Повторно зачестени измамнички пораки за наводна наплата на сообраќајни прекршоци

Министерството за внатрешни работи ја информира јавноста дека во изминатиот период повторно е забележана зачестена појава на измамнички пораки преку СМС, електронска пошта и социјалните мрежи, со кои граѓаните се доведуваат во заблуда дека треба да извршат уплата за наводно направен сообраќаен прекршок регистриран од системот „Безбеден град“.

Станува збор за обиди за фишинг измами, при што преку лажни пораки и линкови се бара од граѓаните да пристапат до веб-страници и да внесат лични и банкарски податоци, со цел нивна злоупотреба.

МВР апелира до граѓаните да бидат особено внимателни и да не отвораат сомнителни линкови, да не внесуваат податоци од платежни картички, лозинки и други лични информации на непроверени веб-страници, ниту да вршат уплати преку линкови добиени во сомнителни пораки.

Воедно, потсетуваме дека официјалните СМС известувања за сообраќајни прекршоци од системот „Безбеден град“ се испраќаат од испраќачот „MVR-SC“, задолжително ја содржат регистарската ознака на возилото со кое е направен прекршокот, а линкот води до официјалната веб-страница со домен http://safecountry.mvr.gov.mk

Секторот за компјутерски криминал при Министерството за внатрешни работи презема мерки и активности за откривање и санкционирање на сторителите на ваков вид измами.

Тагови: пораки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер