Поради состојбата со Ковид-19, во Велес нема да се одржат традиционалните Рацинови средби - Канал 5

Култура

Поради состојбата со Ковид-19, во Велес нема да се одржат традиционалните Рацинови средби

Традиционалната културна манифестација Рацинови средби посветени на делото на големиот Коста Солев Рацин кои годинава на почетокот на јуни требаше да се одржат по 57-ми пат во неговиот роден Велес, ќе изостанат поради состојбата со Ковид-19.

Поради состојбата со Ковид-19, во Велес нема да се одржат традиционалните Рацинови средби

Има можност да се оджат на есен, но и тоа засега е неизвесно и ќе зависи од понатамошната состојба со вирусот.

Од локалната власт, како што информира на последната прес-конференција градоначалникот Аце Коцевски, се размислува истите да се поместат во ноември/декември и да се поврзат со раѓањето на Коста Солев Рацин кое е во декември.

Но, и тоа како што појасни Коцевски, засега е неизвесно дали ќе се одржи, и ќе зависи дали евентуално ќе има втор бран на Ковид-19 наесен.

До 2001 годинина манифестацијата Рацинови средби се одржуваше секој ноември со што се одбележуваше годишнината од објавувањето на Рациновата стихозбирка „Бели Мугри", а од 2002 година токму на иницијатива на тогашниот и сега актуелен градоначалник Аце Коцевски манифестацијата од ноември беше преместена во јуни кога се одбележува смртта на Рацин.

Инаку, во ова време лани, во текот на мај, Општина Велес го распишуваше конкурсот за востановеното Рациново и Почесно Рациново признание, а манифестацијата почна на 6 јуни и заврши на 13 јуни со посета на Лопушник.

Градоначалникот Коцевски одговарајќи на новинарски прашања информира дека засега е извесно дека нема да се одржат традиционалните манифестации Меѓународниот фолклорен фестивал „Велес" кој овој јули требаше да се одржи по 17 пат и Интернационалниот фестивал на античка драма ИФАД „Стоби", кој изостана и минатата година.

– До овој момент немаме организирано ниту една културна манифестација така како што е предвидено со Програмата за култура на Општина Велес и не очекуваме во брзо време да имаме право тоа да го правиме, со оглед на насоките на Централниот кризен штаб, појасни Коцевски.

Тој најави дека Програмата за култура на Општина Велес ќе претрпи сериозни измени, а намалените средства од општинскиот буџет поради корона кризата ќе бидат пренаменети за набавка на заштитни средства на здравствените институции во градот и за помош на социјално ранливите категории.

Коцевски ги повика уметниците и музичарите од градот да бидат иновативни и да и понудат на Општината нови културни содржини прилагодени на моменталната состојба со Ковид-19, а Општината во зависност од финансиската состојба ќе поддржи некои од нив. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер