Со забраната се опфатени пигментите сино 15 и зелено 7, кои се содржани во две третини од сите бои за тетоважи, пишува Дојче веле.

ЕСНА посочува дека според регулативите на ЕУ, овие пигменти во козметиката веќе се забранети. И она што не треба да се применува на кожата, не треба да се нанесува под кожата, смета Агенцијата.

Боите за тетоважа има сомневања дека содржат карциногени материи , но малку се знае за долгорочните ефекти на честичките боја во организмот. Дури и ЕСНА признава дека хемикалиите се штетни за здравјето, но дека последиците од нивната употреба не се познати.

Во Германија, уметниците за тетоважи, нивните клиенти и креаторите на бои заеднички се спротивставуваат на планираната забрана. Кон средината на јануари, мајсторот за тетоважи Јорн Елсенбрук покрена онлајн петиција, „Зачувај ги тетоважните во боја“.

Целта е да се реши проблемот со владата и да се изврши притисок врз Европската комисија за спречување на забраната. До крајниот рок за потпишување на петицијата на 16 февруари, тој успеа да собере повеќе од 150.000 потписи. Така, се исполни условот неговото барање да се најде на маса на Комисијата за петиции во Бундестагот.

Студијата на германското списание „ Apotheken Umschau “ покажа дека 21 отсто од Германците биле тетовирани. Ова значи дека процентот на тетоважи кај популацијата скоро двојно се зголемил во последните седум години - 11,4 проценти во 2012 година. Ако пигментите сино 15 и зелено 7 исчезнат од пазарот, тоа би имало огромни последици за индустријата за тетоважи.

„Тетоважите без бои не одат“, раскажува тату мајсторот Свен Шинке за ДВ.

Тој се плаши дека уметниците за тетоважа сега би можеле да започнат да работат незаконски, на пример, со нарачување боја од САД и да работат во скриени простории.

„Повеќе би сакал да ја завршам мојата работа без една нога во затвор“, вели Шинке.

Неговиот колега Денис Клотен смета дека планираната регулатива е всушност скриена забрана за работа. Тој вели дека не постојат долгорочни студии, но дека постои долго искуство на многу мајстори кога станува збор за ефектот на бојата врз кожата.

Земјите на ЕУ ќе одржат консултации за забраната во април. Ако се случи тоа, ќе има преоден период кога пигментите сè уште ќе бидат во употреба. Во исто време, ќе се бараат алтернативи на пигментите сина 15 и зелена 7. Но, производителите на бои и занаетчиите се сомневаат дека потрагата ќе вроди со плод.

„Пигментите не можат да се заменат со нешто друго и забраната би го уништила тетовирањето во боја“, напиша еден производител на бои.

И Денис Клотен смета дека транзицијата е безначајна.

„Ако пигментите се навистина толку штетни и канцерогени, тогаш зошто може да се користат во преодниот период? Ништо од ова не е правилно осмислено“, заклучува Денис.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.