Здравје

Поради непријатна ситуација во лунапарк, ослабела 83 килограми (фото/видео)

Губењето на тежината ја довел до нов проблем поради што ја нарекуваат летечка верверица! 

Кимберли Несторик (27) е жена од Пенсилванија која во еден момент се соочила со фактот дека тежи дури 140 кг. Таа го променила личниот опис, но сепак трпи негативни коментари на социјалните мрежи.

Нејзината четиригодишна ќерка бара големо внимание, а Кимберли поради својата тежина честопати не можела да ја следи својата ќеркичка, па била принудена да ја пушта сама.

Најмногу килограми добила за време на пандемијата, кога не излегувала никаде и јадела исклучиво купена храна. Цел живот живеелa на брза храна, а тоа резултирало со фактот да тежи дури 140 кг. Во еден момент, сфатила дека мора да ослабе за да учествува во животот и растењето на својата ќерка.

Едно летно попладне Кимберли ја одвела својата ќерка во лунапарк, но таму се соочила со голема непријатност.

- Сакав да се качам на вртелешката со ќерка ми за да не биде сама, но вработените ми рекоа дека сум претешка. Не можеа да ми стават ни безбедносен појас, зашто „таков“ не постои. врзат појас, пошто „таков“ појас не постои. Тоа беше црвено светло за тревога, аларм дека морам итно да променам нешто. Отидов дома и бев решена да започнам со план за исхрана и вежбање. Почнав да јадам само храна што сама ја приготвувам. Го намалив месото и внесов повеќе зеленчук, што ме заситуваше. Почнав да тренирам четири пати неделно. Ослабев дури 83 килограми за рекордно време – објаснила Несторик за „Мирор“.

Таа сега има 57 кг., но се соочува со проблем настанат поради вишокот кожа.

Според Кимберли, виснатата кожа не само што е естетски проблем, туку ја спречува во секојдневното функционирање. Таа мора да носи стегачи, од кои добива осип кога е топло. Операцијата за отстранување на вишокот кожа изнесува од 8 до 15 илјади долари, и штом собере пари, таа е решена да се ослободи од неа. Како што кажува, шест месеци откако ослабела, успеала да најде нов партнер.

Поради проблемот со вишокот кожа, на социјалните мрежи ја нарекуваат летечка верверица или падобран. Иако партнерот ѝ вели да не обрнува внимание, сепак на оваа млада жена ѝ е тешко кога ќе прочита такво нешто за себе и своето тело.

@shrinking.kim My smile was so big 🥺 It makes me want to cry. The progress I have made over the past two years is incredible and the hardest thing I have done in my entire life. 175lbs and over 90% of my excess body weight ARE GONE. It took me 27 years, but I finally got healthy. #weightloss #looseskincheck #weightlosscheck #weightlosstransformation #weightlossjourney #weightlossmotivation #wls #nsv #vsg #healthy #bodypositivity #caloriedeficit #gymtok #fittok #momtok #weightlossprogress #beforeandafter #transformation #progressphoto ♬ it's been a year - Ashley Cooke

Свет

Бајден: На студентските протести поради војната во Газа мора да владее ред

Бајден во Белата куќа рече дека изразувањето различно мислење е од суштинско значење за демократијата, но нагласи дека правото на протест никогаш не смее да доведе до нереди.

Американскиот претседател Џозеф Бајден денеска изјави дека правото на протест е загарантирано демократско право, но истакна дека поредокот мора да надвладее по судирите меѓу полицијата и студентите кои протестираа во универзитетските кампуси низ САД поради војната во Појасот Газа.

Бајден во Белата куќа рече дека изразувањето различно мислење е од суштинско значење за демократијата, но нагласи дека правото на протест никогаш не смее да доведе до нереди.

Тој додаде дека студентските протести не го натерале да го преиспита својот пристап кон војната во Појасот Газа.

Пред повеќе од една недела американскиот претседател ги осуди „антисемитските протести“ на американските универзитети и, како што наведе, „оние кои не сфаќаат што се случува со Палестинците“.

Портпаролката на Белата куќа, Карин Жан-Пјер, вчера рече дека Бајден „будно ја следи ситуацијата“ и оти некои универзитетски демонстрации ја преминале границата што ја дели слободата на говорот од незаконското однесување, наведувајќи го примерот на Универзитетот Колумбија каде, според неа, студентите насилно ја зазеле зградата. /МИА

Свет

Поголемиот дел од Кенија е без струја, земјата е зафатена од поројни врнежи

Прекин на струја вечерва погоди голем дел од Кенија, соопшти дистрибутерот на електрична енергија Кенија Пауер (Kenya Power), обвинувајќи го за тоа „прекинот во системот“.

„Жалиме за сите предизвикани непријатности и бараме од нашите клиенти трпение додека работиме да го вратиме нормалното напојување што е можно поскоро“, се вели во соопштението на Kenya Power.

Прекинот во снабдувањето со струја доаѓа додека Кенија се бори со поројните дождови кои предизвикаа поплави во кои загинаа најмалку 188 луѓе и 165.000 се раселени.

Покрај главниот град Најроби, каде живеат околу пет милиони луѓе, прекин на електрична енергија има и во други градови, вклучително и Момбаса. /МИА

Македонија

Скопјанец насила изваден од неговиот дом, нанесени му се неколку убодни рани

Скопјанец насила изваден од неговиот дом, со возило одведен кај Транспортен центар каде му се нанесени неколку убодни рани.

К.Б.(34) од Скопје вчера во 7:40 часот во Полициската станица Аеродром пријавил дека ноќта меѓу 24 и 25 април годинава околу 1:30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач.

Како што информира МВР, според пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле.

Се преземаат мерки за расчистување на случајот.

притисни ентер