На 25 јануари 2006 година, полицијата влегла во нејзиниот дом во Вуд Грин, северен Лондон и го пронашла нејзиното тело на каучот. Околу неа биле завиткани новогодишни подароци, па дури и телевизорот бил вклучен.

Полицијата заклучила дека Џојс била мртва со години.

Како што не потсетува на оваа приказна британски The Sun, храната во нејзиниот замрзнувач имала рок на траење кој истекол во 2003 година. По истрагата, се покажало дека најверојатно имала напад на астма додека гледала телевизија во декември истата година. Шокантните околности на нејзината смрт ја згрозиле нацијата бидејќи прашањата почнале да се натрупуваат.

Како може една многу социјална и активна млада жена, која била толку популарна, да лежи мртва во својот стан три години пред некој да забележи?

Џојс Керол Винсент била родена во 1965 година во западниот дел на Лондон. Таа била најмладата од петте деца. Нејзиниот татко бил Африканец, а нејзината мајка Индијка. Рано ја изгубила мајка си, а за неа се грижеле постарите сестри, додека со татко ѝ никогаш не се сложувала. Го напуштила училиштето на 15-годишна возраст.

Во осумдесеттите години на минатиот век, таа се опкружила со група пријатели од музичката индустрија и вечерите ги поминувала во ноќни клубови. Преку нејзините врски, Џојс вечерала со мегаѕвезди како Стиви Вондер и живеела со тур-менаџерот на пејачката Бети Рајт. Во исто време, таа била украсена со аура на мистерија, засилена со фактот дека криела информации за своето минато.

Сите исто така се согласуваат дека била паметна и позитивна, што сè прави уште помистериозно.

Кога имала 25 години, Џојс присуствувала на концертот на Нелсон Мандела на Вембли. Преку еден дечко, менаџер на шоуто, таа успеала да излезе на сцената и да го запознае Мендела.

Била постојано вработена до 2001 година, кога сè во животот тргнало во погрешна насока. Ја напуштила работата и почнала да се повлекува од пријателите и семејството.

Во тоа време Џојс се нашла во насилна врска, па веднаш како жртва на семејно насилство добила социјален стан за луѓе на кои им е потребен. Откако го пронашла телото, полицијата се обидела да го пронајде нејзиното насилното момче, но безуспешно.

Нејзините познаници изјавиле дека контактите со неа станувале сѐ поретки и дека таа едноставно престанала да одговара на нивните повици. Наводно, пред да дојде во станот за жртви на насилство, често се движела и никому не кажувала каде е. Слично било и со членовите на семејството со кои исто така изгубила контакт.

Патолозите не ја утврдиле точната причина за смртта, а се шпекулира дека таа починала од напад на астма или перфорација на чир на желудникот. Соседите три години чувствувале непријатна миризба, но тоа го препишале на кантите за отпадоци кои биле во близина на зградата.

Нејзината смрт е една од оние кои ве тераат да се запрашате дали би недостасувале ако едноставно исчезнете, дали вашите најблиски би забележале.

Така се запрашала и режисерката Керол Морли, која го снимила документарно-играниот филм „Dreams of a Life“ за нејзиниот живот. Тоа бил нејзиниот начин да се справи со овој случај и со сите осамени луѓе во еден од најнаселените градови во светот.

Нејзиниот стан бил во сопственост на Метрополитен Хаусинг Траст и се користел за сместување на луѓе кои доживеале семејно насилство.

Познато е дека Џојс еднаш завршила во болница откако повраќал крв и ѝ бил дијагностициран пептичен улкус и била испратена дома. Ништо не се слушнало за неа после тоа, сè до 25 јануари 2006 година, кога работниците на Метрополитен Хаусинг Траст ја скршиле бравата.

Тие, кои дошле да видат што се случувало со насобраните неплатени сметки, зад вратата ги пречекала куп фрлена пошта, меѓу кои и коверти со печати од 2003 година.

Џојс била пронајдена како лежи на грб на софата пред телевизорот, а парното се уште било вклучено. Обдукцијата не успеала недвосмислено да ја утврди причината за смртта бидејќи од нејзиното тело претежно останале само коски.

Таа е идентификувана преку стоматолошка евиденција.

Зградата била нормално бучна, па на жителите не им бил необичен звукот што доаѓал од нејзиниот телевизор.

Дури и кога бубачки почнале да лазат во соседните станови, никому не му паднало на памет дека имаат мртво тело во зградата.

Струјата и парното не биле исклучени бидејќи социјалната служба редовно ги плаќала сметките. Било забележано само дека нешто не е во ред кога нејзините бенефиции за социјално осигурување престанале преку постојани налози за покривање на киријата и заостанатите долгови за други комунални услуги.

Семејството се обидело да ја најде, но кога таа не одговорила на нивните повици, тие се откажале. Тоа го препишале на нејзиното често дистанцирање, поради што решиле да ѝ дадат простор и да не ѝ се мешаат во животот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.