Популарен италијански остров воведува казна од 500 евра за агресивно наговарање на туристите - Канал 5

Живот

Популарен италијански остров воведува казна од 500 евра за агресивно наговарање на туристите

Италијанскиот остров Капри воведува нова мерка за подобрување на искуството за посетителите и олеснување на секојдневниот живот на локалното население.

Популарен италијански остров воведува казна од 500 евра за агресивно наговарање на туристите

Властите забранија ненадејно запирање на туристите на улица, а на прекршителите им се закануваат високи казни. Целта е да се стави крај на „наметливото и упорно“ однесување на туристичките работници, угостителите и уличните продавачи.

Казните се движат од 25 до 500 евра

За време на шпицот на сезоната, овој карпест остров го посетуваат до 50.000 туристи, поради што локалните претприемачи честопати се натпреваруваат силно за нивното внимание. Новата регулатива им забранува да им се приближуваат на туристите на јавни места. Прекршителите сега се соочуваат со казна до 500 евра.

Минималната казна ќе биде 25 евра, но може да се искачи на неколку стотици евра. За туристите, ова значи дека ќе можат слободно да шетаат и да разгледуваат менија во ресторани или понуди за патување со брод без страв дека ќе бидат вознемирувани.

Притисокот го оштетува угледот на островот

Градоначалникот Паоло Фалко, кој се залага за подобро управување со туризмот, рече дека притисокот на претприемачите врз туристите „штетно влијае на перцепцијата за островот“.

„Знам дека има туристи кои застануваат повеќе од пет пати од моментот кога ќе се симнат од бродот до влезот на жичарницата со понуди за екскурзии и ресторани“, изјави тој за италијанските медиуми. „Таа агресивност остава непријатен впечаток“.

„Ја разбираме потребата да се пренесе промотивна порака, но нема да отстапиме од барањето да го сториме тоа со класичност и елеганција што му доликува на Капри“, додаде тој.

Нови мерки и за туристичките групи

Ова не е единствената промена за туристите воведена во Капри оваа година. Во обид да се намали гужвата, советот ја ограничи големината на туристичките групи на 40 лица за да не изгледаат како „стадо овци“, изјави Фалко за „Тајмс“.

Слична мерка воведе и Мајорка, каде што во Палма големината на водените пешачки тури е ограничена на 20 лица по група. Габриел Росалес, претседател на здружението „Прогиес Туристикс де Балеарес“, ја коментираше одлуката велејќи дека се однесува кон туристите „како кон животни“, но тоа не го одврати Капри од воведување слични правила.

@shefiyvh Unpopular opinion but I did not like Capri. The ferry made me throw up and everyone and their mom was in the same 2 block radius #capri #travel #italy #tourist #reality ♬ suono originale - Lapolissia

Според новите правила на италијанскиот остров, водичите што водат групи од повеќе од 20 лица мора да комуницираат преку безжични слушалки, а не преку звучници, и да се осигурат дека групата останува заедно. Исто така, им беше наложено да носат лесно препознатлива облека наместо чадори за да привлечат внимание.

Тагови: остров туристите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Страшна несреќа во Бразил: Најмалку 22 мртви

Најмалку 22 лица загинаа во судир помеѓу минибус и камион на автопат во бразилската држава Парана, соопшти денес Федералната сообраќајна полиција.

Страшна несреќа во Бразил: Најмалку 22 мртви

Уште пет лица се повредени во несреќата, која се случи рано утрово, објави „CNN“. Повеќето од загинатите биле патници во минибус кој припаѓал на здравствената служба на општината Имбитува.

Возачот на камионот, исто така, починал. Повредените се однесени во болниците во Понта Гроса. Минибусот патувал од Имбитува до болниците во пошироката област Куритиба, додека камионот патувал од Карамбеј до Прудентополис.

На местото на несреќата интервенирале членови на Федералната сообраќајна полиција, цивилната полиција, брзата помош, противпожарната служба и екипи од концесионерот Виа Араукарија, кој управува со делницата.

Фото: X

Тагови: Бразил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Иран до земјите од заливот: Секоја помош за американската армија ќе ја сметаме за учество во војната

Иран ги предупреди земјите од заливот да не даваат никаква помош на американската војска, нагласувајќи дека тоа ќе го смета за поддршка на  воените операции на Вашингтон против Исламската република.

Иран до земјите од заливот: Секоја помош за американската армија ќе ја сметаме за учество во војната

„Сакаме да предупредиме: секоја помош или соработка што и се дава на агресорската американска армија е еднаква на учество во воените операции на САД“, изјави началникот на генералштабот на иранските вооружени сили, Али Абдолахи.

Во меѓувреме, Иран ги негираше обвинувањата дека вчера вечерта испалил ракети врз Обединетите Арапски Емирати, опишувајќи ги како „целосно неосновани“, јави ДПА. Претходно, министерството за одбрана на емиратите објави дека биле пресретнати две балистички ракети лансирани од Иран.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Вашингтон им ја мери „лојалноста“ на НАТО сојузниците

Администрацијата на американскиот претседател Доналд Трамп испратила до земјите членки на НАТО прашалник со кој, со цел да ја оцени нивната лојалност со американската политика..

Вашингтон им ја мери „лојалноста“ на НАТО сојузниците

Како што објави Блумберг, прашалникот навлегува токму во темите што го делат Вашингтон од дел од европските сојузници, како американските воени активности против Иран и односот кон Николас Мадуро.

Земјите требале да одговорат и за европските набавки на оружје и дали тие ги насочуваат кон домашни или кон американски компании..Белата куќа, според медиумите, поставила и директни прашања за американската надворешна политика и од членките се бара да наведат дали јавно ги поддржале позициите на Вашингтон. Прашалникот стигнува и до американското воено присуство во Европа. Земјите исто така треба да наведат какви ограничувања поставиле за користењето на нивните бази од американските сили.. Извори од нато ваквите чекори ги доживуваат како обид за наметнување идеолошка линија. Според нив, политичката усогласеност се става во равенка со американската воена заштита.. Дел од сојузниците сметаат дека пристапот „безбедност преку лојалност“ ги поткопува темелите на трансатлантските односи воспоставени по Втората светска војна., пишува Блумберг..

Тагови: НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер