Попов: СДСМ создаде апатија и незадоволство кај младите, ВМРО-ДПМНЕ ќе ја врати енергијата - Канал 5

Македонија

Попов: СДСМ создаде апатија и незадоволство кај младите, ВМРО-ДПМНЕ ќе ја врати енергијата

На денешната трибина „Македонија сојузник на младите - перспектива и иднина“ во рамки на кампањата „Важно е! Од тебе зависат промените“ во Валандово свое обраќање имаше претседателот на УМС на ВМРО-ДПМНЕ Сергеј Попов.

Попов: СДСМ создаде апатија и незадоволство кај младите, ВМРО-ДПМНЕ ќе ја врати енергијата

На денешната трибина „Македонија сојузник на младите - перспектива и иднина“ во рамки на кампањата „Важно е! Од тебе зависат промените“ во Валандово свое обраќање имаше претседателот на УМС на ВМРО-ДПМНЕ Сергеј Попов, кој што истакна дека СДСМ ветуваше многу но не исполни ништо и создаде апатија и незадоволство кај младите а ВМРО-ДПМНЕ ќе ја врати енергијата и креира многу проекти и мерките за млади како ослободувањето од данок за компаниите кои ќе вработат младо лице, 0 % данок за фриленсери, изградба и реконструкција на студентските домови, нови студентски домови, подобрување на условите во основното и средното образование.

„Можам да констатирам дека апсолвирана тема во Македонија е дека младите немаат партнер во државата, дека државата Македонија не е мајка за своите млади луѓе туку мажеа и природно и следствено на тоа младите луѓе не чувствувајќи партнер во државата, гледајќи дека државата не им го чува грбот, не вложува во нив во се поголем број се одлучуваат да ја напуштат. СДСМ ги излажа сите категории на граѓани во Македонија и младите и земјоделците и млекарите и лекарите буквално сите но зошто е страшно начинот на кои беа излажани пред 6, 7 години наназад СДСМ јаваше на незадоволството на младите па веројатно и логично им се виде во тоа време многу и да им ветат на истите“ нагласи Попов.

Попов додаде и дека СДСМ ветуваше многу но не исполни ништо и создаде апатија и незадоволство кај младите но ВМРО-ДПМНЕ ќе ја врати енергијата и ќе креира мерки и проекти за млади.

„СДСМ не исполнија ништо и со тоа предизвикаа апатија кај младите луѓе а со тоа младите луѓе да чувствувааат одбивност и незаинтересираност кон политиката и политичкиот активизам. Сето тоа како УМС на ВМРО-ДПМНЕ изминатите 6 години се трудиме да го промениме и да ја вратиме енергијата и сметаме дека ја враќаме бидејќи се поголем број на млади луѓе се одлучуваат да пристапат кон унијата на млади сили. СДСМ не се партнер на младите луѓе ветија студентски град не исполнија ништо и токму затоа најголемиот удар оваа власт ќе го доживеат токму од младите. Мислам дека она што ги брка младите од Македонија е ненормалностите во македонското општество, целосната неправда која што ја чувствуваат во секој еден дел од живеењето. Основна работа која ќе треба да ја направиме како влада освен мерките за млади како ослободувањето од данок за компаниите кои ќе вработат младо лице, 0 % данок за фриленсери, изградба и реконструкција на студентските домови, нови студентски домови, подобрување на условите во основното и средното образование е младите луѓе да се разбудат во една нормална држава“ истакна Попов, се наведува во партиското соопштение.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русите прогласија вонредна состојба на Крим (ВИДЕО)

Руските окупациски власти прогласија вонредна состојба на украинскиот полуостров Крим откако беа принудени целосно да ги суспендираат туристичките активности.

Русите прогласија вонредна состојба на Крим (ВИДЕО)

Русите прогласија вонредна состојба на украинскиот полуостров Крим откако беа принудени целосно да ги суспендираат туристичките активности, да ги затворат детските летни кампови и да воведат целосна забрана за продажба на гориво на цивили поради насилните и систематски украински напади.

Одлуката за воведување вонредна состојба ја потврди Сергеј Аксјонов, прорускиот лидер на Крим назначен од Москва, кој на Телеграм изјави дека мерката ќе го олесни донесувањето итни одлуки за да се обезбеди стабилно функционирање на клучните сектори од кои зависи животот на населението.

Тој рече дека вонредната состојба ќе стапи на сила денес во 13 часот и ќе остане на сила сè додека ситуацијата не се стабилизира. „Заедно со гувернерот на Севастопол, Михаил Развожаев, одлучивме да потпишеме декрет за воведување регионална вонредна состојба на територијата на Република Крим и градот Севастопол“, рече Аксјонов.

Тој рече дека мерката е донесена „за да се поедностават економските прашања“. „Правната рамка на вонредната состојба ни овозможува да ги решиме задачите што е можно побрзо и да организираме стабилно работење на сите системи од кои зависи животот на населението“, додаде тој.

Што значи вонредна состојба?

За време на вонредна состојба, властите имаат овластување да ја ограничат слободата на движење, да затворат бизниси и да спроведат присилни евакуации.

Прогласувањето вонредна состојба е директна последица од обемната кампања на Украина за изолирање на Крим. Со недели, Киев спроведува координирана операција во која роеви беспилотни летала со долг и среден дострел систематски напаѓаат руски енергетски цели, нафтени терминали, транспортна инфраструктура и електрична мрежа. Целта на оваа „стратешка воздушна офанзива“ е целосно да се исклучи полуостровот од руската логистика, да се уништат клучните патишта за снабдување и да се направи руската окупација неодржлива на долг рок.

Блокада на бензински пумпи и полициски час за рестораните

Ефектите од оваа блокада на беспилотни летала врз руските сили и локалното население станаа драматични. Откако украинските беспилотни летала погодија клучен нафтен терминал во Керч, властите воведоа целосна забрана за продажба на гориво на цивили, па затоа сега се издава само на државни и безбедносни агенции.

Километарски редици и драстичен скок на цените се евидентираат на бензинските пумпи низ целиот полуостров, а гувернерот на Севастопол, Михаил Развозаев, нареди задолжително затворање на сите супермаркети, барови и ресторани во 20 часот со цел присилно да се заштеди енергија.

Покрај сериозниот недостиг на гориво, Крим се соочува и со масовен колапс на електроенергетскиот систем. Неодамнешните успешни украински напади врз термоцентралата во Симферопол и врз главната трафостаница во Севастопол ги оставија регионалните центри и огромни делови од полуостровот во целосен мрак.

Украинскиот министер за одбрана Михајло Федоров кратко и отворено изјави дека „пеколот е пред почеток“ за окупаторите на Крим, нагласувајќи дека логистиката е успешно прекината, а полуостровот е изолиран.

Руските блогери паничат, туристите бегаат

Сериозноста на ситуацијата повеќе не ја кријат дури ни руските воени блогери кои паничат за колапс. Поранешниот офицер на ФСБ и осуден воен злосторник Игор Гиркин даде мрачна проценка, нагласувајќи дека ситуацијата на терен е исклучително сериозна и се заканува да стане целосно критична за само неколку недели ако Украина продолжи со нападите со ова темпо. Руските туристи веќе масовно бегаат од полуостровот и се враќаат дома, свесни дека летната сезона на окупираната територија е неуспешна.

Сегашните тактики на Киев означуваат јасна промена во стратегијата - наместо повремени напади врз изолирани воени цели со висока вредност, Украина сега спроведува постојан притисок насочен кон целосно задушување на снабдувањето.

На оваа блокада ѝ претходеше долгорочно и прецизно уништување на руската воздушна одбрана на полуостровот, што отвори пат за масовно користење на евтини домашни дронови како што се „Хорнетс“ и „Дартс“. Бидејќи овие дронови чинат само неколку илјади долари, нивните постојани напади се економски неоправдани за Русија бидејќи се многу пати поевтини од ракетите што се обидуваат да ги соборат.

Сообраќаен колапс на клучен автопат

Покрај енергијата, Украинците систематски уништуваат мостови и фериботски линии што го поврзуваат Крим со копното. Патните и железничките мостови кон регионот Херсон претрпеа големи штети, додека нападите врз фериботите „Панагија“ и „Лаврентиј“ преку Керченскиот теснец целосно го запреа фериботскиот сообраќај.

Како резултат на тоа, целиот руски тежок и воен товар е пренасочен кон крајбрежниот пат Р-280, таканаречениот „автопат Новорусија“, каде што сообраќајот е намален за дури 71 процент бидејќи руските камиони таму се лесни мети за украинските роеви беспилотни летала.

Додека аналитичарите дебатираат дали ова брутално задушување на Крим може да ја принуди Москва на преговарачка маса, рускиот претседател Владимир Путин се обидува да ја минимизира блокадата. Путин ја обвини Украина дека се обидува да посее раздор и паника меѓу руското население со напаѓање на цивилната инфраструктура, додека ги критикува американските напори за посредување во конфликтот.

Од друга страна, украинскиот претседател Володимир Зеленски изјави дека операцијата била внимателно испланирана и дека, со ветената поддршка од групата Г7, брзо ќе се создадат услови што ќе ја принудат Русија да избере мир.

Тагови: Кримм Русите

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лукаревска: Оптимизацијата на ВМРО носи неизвесност, страв и отпуштања за наставниците

Пратеничката на СДСМ, Сања Лукаревска, во собраниската расправа за измените на законите за основно образование оцени дека Владата наместо вистинска образовна реформа спроведува нетранспарентен процес кој создава страв.

Лукаревска: Оптимизацијата на ВМРО носи неизвесност, страв и отпуштања за наставниците

Пратеничката на СДСМ, Сања Лукаревска, во собраниската расправа за измените на законите за основно образование оцени дека Владата наместо вистинска образовна реформа спроведува нетранспарентен процес кој создава страв, неизвесност и сериозни последици за наставниците, учениците и руралните средини кои ќе значат отпуштања од работа.

„Во вашата програма 1198 стоеше дека идната влада на ВМРО ќе креира национална образовна стратегија донесена со општ консензус која ќе ги вклучи сите чинители во образовниот и научниот процес... Овде нема ништо од ова коешто го ветувавте. Токму овој процес е направен без било каква инклузивност, без било каква дебата, размена на мислења, ставови, консултации со стручната фела.“ рече Лукаревска.

Таа предупреди дека најавената оптимизација ќе донесе затворање на училишта, намалување на работните места и дополнително иселување од руралните средини.

„Кои се критиките коишто секојдневно стигнуваат од јавноста? Затворање или спојување на училишта, особено во руралните средини, намалување на работните места... Со ова ќе се намали и квалитетот на наставата и најбитно што е еден поразителен процес во нашата држава во моментов, а ќе се засили иселувањето и во иднина. Наместо технолошки вишок на наставниците, фокусот треба да ни биде модернизација, дигитализација и подобрување на квалитетот на наставата... Ќе се сведеме со поделба на наставниците на подобни и на неподобни, на заслужни и на незаслужни. Ќе решаваме човечки судбини, ќе правиме лото.“ рече Лукаревска.

Како пример за контрадикторностите на Владата, Лукаревска посочи дека во исто време се најавува затворање паралелки, а се градат нови училишта.

„Во Општина Струмица се најавува прва фаза на оптимизација или во превод затворање на паралелки, намалување на број на часови и огромна неизвесност кај наставниците... Другата реалност е дека се најавува ново училиште во Карпош. Ако има потреба од оваа непопуларна реформа, бидејќи нема доволно ученици и има вишок наставнички кадар, зошто тогаш се отвора и ново училиште?“ додаде таа.

Таа предупреди дека едногодишниот период на прераспределување создава огромен страв кај наставниот кадар, се наведува во партиското соопштение.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Италијанците го испитуваат Мајкрософт

Италијанскиот регулатор денес објави дека започнал истрага за да утврди дали Microsoft соодветно ги информирал потрошувачите за промените во пакетот „Microsoft 365“.

Италијанците го испитуваат Мајкрософт

Италијанскиот регулатор денес објави дека започнал истрага за да утврди дали Microsoft соодветно ги информирал потрошувачите за промените во пакетот „Microsoft 365“, вклучително и вклучувањето на алатки за вештачка интелигенција, што довело до повисока цена за услугата.

Производителот на Windows можеби не ги информирал доволно потрошувачите дека услугата Microsoft 365 е интегрирана со алатките за вештачка интелигенција Copilot и Designer, се вели во AGCM во образложението на одлуката за започнување истрага.

Се чини дека потрошувачите автоматски биле префрлени на поскап пакет за претплата доколку не го искористиле своето право да се откажат, додаде регулаторот во соопштението.

„Тие ја ограничиле слободата на избор на потрошувачите“

Таквото однесување потенцијално претставува кршење на прописите за правата на потрошувачите кои немале доволно информации за да ги проценат промените во услугата и затоа не можеле да донесат основана одлука за продолжување на претплатата, се наведува во соопштението за медиумите.

Известувањето на Mајкрософт за промената потенцијално претставува и „агресивна“ практика бидејќи се чини дека ја ограничило слободата на избор на потрошувачите.

Американскиот софтверски гигант не бил веднаш достапен за коментар за италијанската истрага, забележува Ројтерс.

Тагови: Мајкрософт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер