Поостра, посмела, помодерна: Новата Opel Astra - Канал 5

Автомобилизам

Поостра, посмела, помодерна: Новата Opel Astra

Пикови: Бестселерот во компактната класа за првпат со новиот Opel Vizor дизајн и осветлено Blitz лого, како и најновата Intelli-Lux HD технологија на осветлување

Поостра, посмела, помодерна: Новата Opel Astra

Опуштено патување: Intelli-седишта со ергономска функција стандардно во сите верзии

Поголем опсег: Новата Astra Electric со автономија до 454 километри (WLTP1)

Слобода на избор: Од целосно електрична, преку plug-in хибрид, до ефикасен мотор со внатрешно согорување

Стабилни цени, повеќе придобивки: Astra Plug-In Хибрид достапна од 39.900 €, Astra Electric достапна од 39.300 €, Astra Hybrid од 27.900€, Astra Дизел достапна од 26.490€ (цени во Македонија)

Комбинирани вредности за Opel Astra Electric и Astra Sports Tourer Electric според WLTP2: потрошувачка на енергија 15,3–15,8 kWh/100 km, CO₂ емисии 0 g/km; CO₂ класа:

Комбинирани вредности за Opel Astra Plug-in Hybrid и Sports Tourer Plug-in Hybrid: потрошувачка 12,6–13,0 kWh електрична енергија/100 km + 2,2–2,3 l бензин/100 km; CO₂ емисии 49–53 g/km; CO₂ класа B. Кога батеријата е испразнета: 5,4–5,6 l/100 km; CO₂ класа D.

Комбинирани вредности за Opel Astra Hybrid и Sports Tourer Hybrid: 4,9–5,1 l/100 km; CO₂ емисии 109–114 g/km; CO₂ класа: C.

Комбинирани вредности за Opel Astra 1.5 Diesel и Sports Tourer 1.5 Diesel: 4,9–5,1 l/100 km; CO₂ емисии 130–134 g/km; CO₂ класа: D.

Во јануари, новата Opel Astra и новата Opel Astra Sports Tourer ја имаа својата светска премиера на Саемот за автомобили во Брисел, а од февруари месец 2026 модернизираните и дополнително унапредени верзии се достапни за нарачка.

Најдобро од сè – новата Astra, која е дизајнирана, развиена и произведена во седиштето на Opel во Риселсхајм, нуди иновативни технологии, поголем комфор и уште поизразен изглед.

Клиентите добиваат повеќе за своите пари: Astra Electric и Astra Sports Tourer Electric се со цена од 39.300 € а имаат батерија од 58 kWh нуди поголем капацитет и до 454 km автономија без локални емисии. Алтернативно, хибридната верзија со 107 kW (145 КС) започнува од 27.900 €.

Привлечна од секој агол: Astra со осветлено Opel Blitz лого и унапреден Vizor

Уште на прв поглед, новата Astra изгледа помодерно, поостро и поуникатно. Opel Blitz логото е централно поставено во уште потесниот и попрецизно обликуван Vizor – и за првпат е осветлено во Astra. Предниот дизајн носи елементи од Opel Corsa GSE Vision Gran Turismo, пренесувајќи дел од концептот во сериско производство.

Новите дизајни на 17- и 18-инчните алуминиумски тркала и новите металик бои „Kontur White“ и „Klover Green“ дополнително го истакнуваат изгледот, особено во комбинација со контрастен црн покрив.

Како вистинска кулминација, наградуваното Intelli-Lux HD осветлување со повеќе од 50.000 елементи е достапно како опција. Оваа технологија ја осветлува патеката според патот и настанатата ситуација во моментот на возење без да ги заслепува другите учесници во сообраќајот и без да го заморува возачот. Системот препознава сообраќајни знаци и ги затемнува LED светлата за да избегне рефлексија. Во највисокото ниво „Ultimate“, ова осветлување е стандардно.

Комфор и удобност: чист кокпит, прецизни дисплеи, удобни Intelli-седишта

Внатрешноста е дополнително оптимизирана – од кокпитот до комфорот при патување. Intelli-седиштата се стандардни во сите верзии и имаат специјален централен канал што го намалува притисокот на ’рбетот, обезбедувајќи удобност и на подолги патувања. Од нивото GS, возачкото седиште има AGR сертификат, а во опцијата ReNewKnit™ и двете предни седишта се сертифицирани.

Кокпитот и инфотејнмент интерфејсите се појасни и поинтуитивни, со нова графика и подобра читливост. Во духот на „Greenovation“, користени се одржливи материјали – воланот е целосно обложен со вегански материјали, а навлаките на седиштата можат да бидат од ReNewKnit™, материјал со изглед на велур кожа.

Висока ефикасност: Astra Electric со до 454 km автономија

Развојот на електрифицираните погони беше фокусиран на ефикасност. Astra Electric со 115 kW (156 КС) и батерија од 58 kWh нуди до 454 km автономија – околу 35 km повеќе од претходно.

Новина е и V2L (Vehicle-to-Load), што овозможува напојување на надворешни уреди, како електрични велосипеди. Купувачите исто така добиваат бенефиции преку програмата „Electric All In“.*

*Во зависност од земјата

За оние што сакаат делумна електрификација, достапни се:

– хибрид од 107 kW (145 КС) од 27.900 €

– plug-in хибрид од 144 kW (196 КС) од 39.900 €

Дизел верзијата 1.5 (96 kW / 130 КС) започнува од 26.490 €.

Astra ги задржува и практичните предности: до 1.339 литри багажник кај хечбекот и до 1.634 литри кај Sports Tourer. Задните седишта се преклопуваат во однос 40:20:40 за максимална флексибилност.

[1] Наведениот опсег е според WLTP процедури и може да варира во реални услови.

[2] Потрошувачката зависи и од стилот на возење и други фактори.

[3] Понуда важи за приватни купувачи во Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Франција- Шпанија, европски класик, битка за мундијалско финале

Вечерва од 21 часот со судирот меѓу европскиот првак Шпанија и светскиот вицешампион Франција стартува елитното полуфинале на 23 Светски фудбалски шампионат. 

Франција- Шпанија, европски класик, битка за мундијалско финале

До крајот на Мундијалот остануваат четирите средби оние најзначајни, дуелите кои решаваат за освојувачите на медалите.

Елитното полуфинале во Далас може да се најави и како дуел меѓу Мбапе и Јамал? или како пресметка меѓу најдобриот напад против најдобрата одбрана на шампионатот.

Секако едно е сигурно вечерва светот ќе ужива во сите убавини на најважната споредна работа на светот фудбалот.

Полуфиналето на Светското првенство меѓу Франција и Шпанија носи судир на две сосема различни фудбалски филозофии.

Дуел помеѓу две селекции кои се меѓу главните фаворити за освојување на трофејот. Французите го сакаат своето трето последователно финале на Светското првенство, додека Шпанците, предводени од Ламин Џамал, имаат можност да го потврдат почетокот на нова златна ера.

Додека францускиот селектор Дидие Дешан ја нагласува силата на единството и напаѓачкиот потенцијал на својот тим, шпанскиот стратег Луис де ла Фуенте верува дека најголемите успеси се постигнуваат преку борбеност, многу трчање и упорност.

Мундијалската завршница ќе се игра со нова топка наречена „Триода“.

ФИФА го претстави специјално издание на топката „Триода“, која ќе се користи во завршните фази на Светското првенство. Иако техничките карактеристики на топката останаа непроменети, новата комбинација на црна и златна боја веднаш му го привлече вниманието на Килијан Мбапе за време на последниот тренинг на француската репрезентација.

Пред да им се придружи на соиграчите, Мбапе зеде една од новите топки, внимателно ја разгледа неколку секунди за да ги забележи разликите во однос на верзијата користена во четвртфиналето, а потоа ја постави на теренот за да го испроба чувството при неколку удари кон голот.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Франција со традиционална воена парада го одбележува Денот на Бастилја

Франција денеска со традиционална воена парада ќе го одбележи националниот празник – Денот на падот на Бастилја.

Франција со традиционална воена парада го одбележува Денот на Бастилја

На Парадата на авенијата „Шанзелизе“ предвидено е да учествуваат околу 6.700 војници, 98 авиони, 31 хеликоптер и 315 единици копнена воена техника.

Дел од дефилето ќе бидат и припадници на земјите од коалицијата на подготвените што ја поддржува Украина, како и 25 украински војници.

Годинешната парада има за цел да ја демонстрира подготвеноста на Франција за зајакнување на своите одбранбени капацитети и да го симболизира стратешкото будење на Европа.

Почесни гости се украинскиот претседател Зеленски и 24 шефови на држави и влади од европските земји-членки на коалицијата на подготвените, меѓу кои германскиот канцелар Фридрих Мерц, италијанскиот претседател Серџо Матарела, данската премиерка Мете Фредериксен и британскиот премиер Кир Стармер.

Францускиот претседател Макрон вчера беше домаќин и на состанок на лидерите од коалицијата на подготвените, кои најавија нова воена поддршка за Украина, особено во областа на противвоздушната одбрана.по завршувањето на парадата, Макрон ќе отпатува во Ница, каде ќе се одбележи десетгодишнината од терористичкиот напад извршен на 14 јули 2016 година, кога напаѓач со камион влезе меѓу граѓани кои го прославуваа националниот празник.

Во нападот загинаа 86 лица, повеќе од 450 беа повредени, а напаѓачот беше убиен.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Девојчето во Куманово брутално го претепале две малолетнички и една полнолетна девојка

Основното јавно обвинителство и СВР Куманово преземаат мерки за расчистување на случајот со врсничко насилство, откако вчера на социјалните мрежи беше објавена видеоснимка на која се гледа физички напад врз девојче.

Девојчето во Куманово брутално го претепале две малолетнички и една полнолетна девојка

Според првичните информации, настанот се случил пред околу четири месеци, но досега не бил пријавен во надлежните институции.

Шефицата на Основното јавно обвинителство куманово, Теута Бедиу – Рамадани, изјави дека веднаш по објавувањето на снимката е отворен предмет и се постапува по итна постапка. Според неа, едната инволвирана е полнолетна, додека другите две се малолетнички.

Од свр куманово потврдија дека интензивно работат на случајот и најавија дека по завршување на проверките ќе соопштат повеќе детали.

Тагови: Обвинителството

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер