Македонија

Поништувањето на лустрацијата влезе во собраниска процедура и ги раскара пратениците

Лустрацијата повторно актуелна и причина за меѓупартиски препукувања, но овој пат во насока на обидите за нејзино поништување, откако Предлог-законот за поништување на овој процес влезе во собраниска процедура.

Предлог-законот вчера беше на дневен ред на собраниската Комисија за политички систем и односите меѓу заедниците, но поради немање кворум и неприсуство на пратеници од ДУИ, од Демократската партија на Турците (ДПТ) и опозициската ВМРО-ДПМНЕ седницата беше одложена.

Пратениците од ВМРО-ДПМНЕ со отворено противење против поништувањето на лустрацијата, процес со кој 2008 до 2015 со два закона беа опфатени неколку стотина луѓе, од кои дел познати јавни личности – критичари на владеењето на тогашната власт на ВМРО-ДПМНЕ.

За време на шестгодишното работење на Комисијата за лустрација за кодоши беа прогласени околу 200 лица, а целиот процес беше проследен со контроверзи. За начинот на водење на постапките забелешки имаше и од дел од меѓународната заедница.

Пратеникот на ВМРО-ДПМНЕ Илија Димовски вчера рече дека пратеничката група на оваа опозициска партија сериозно ќе се спротивстави на обидот на СДСМ за носење на законот за поништување на лустрацијата.

– Нашето прашање е кои се жртвите? Тие кои што овозможувале лица да бидат политички ликвидирани и физички ликвидирани или тие коишто биле политички и физички ликвидирани. Македонија треба да одлучи дали ќе оди по патеката на евроинтеграции, дали ќе гради демократски систем по примерот на сите земји од Централна и Источна Европа или се уште ќе живее во времето кога со политички нарачки се воделе судски процеси, рече Димовски.

Тој нагласи и дека на денешната седница на Комисијата за политички систем не присуствувал министер или заменик министер од Министерството за правда, додавајќи дека освен СДСМ како „наследник на претходниот режим", никој не сака да даде поддршка на овој, според него, ретрограден закон. Димовски оцени и дека земјава имала „најмека форма на лустрација".

Пратениците од ВМРО-ДПМНЕ вчера побараа на седницата да присуствува министерката за правда Рената Десковска, а таа пак во изјава за МИА побара ВМРО-ДПМНЕ да престане да бара дополнителни основи за опструкција.

– Деловничките обврски се исполнети и Комисијата треба да продолжи со работа, а ВМРО-ДПМНЕ да престане да бара дополнителни основи за опструкција, вели Дескоска.

Претседателот на Комисијата, Александар Кирацовски на прес-конференција вчера изјави дека „кон опструкцијата на законот" на опозициската ВМРО-ДПМНЕ, вчера попладнево се приклучиле и пратениците од ДУИ и ДПТ.

– Со жалење морам да констатирам дека покрај пратениците од опозицијата, односно од ВМРО-ДПМНЕ, кон опструкциите за работа на Комисијата за политички систем на седницата закажана за поништување на лустрацијата се приклучија уште две партии, односно ДПТ и ДУИ за кои се надевам дека имаат сериозни аргументи кои ќе ги споделат и со нас и со пошироката јавност, рече Кирацовски.

Според Кирацовски, за законот за поништување на лустрацијата има потреба од „повисока политичка координација" со сите политички партии.

Исправувањето на историската неправда направена кон истакнати општественици е наша заедничка должност и обврска која што мора да ја реализираме затоа што правдата и праведноста се основните начела и на демократијата и на основното човеково живеење. Процесот на направената неправедна лустрација мора да продолжи, рече Кирацовски.

Седницата, на која поради немање кворум, не можеше да се утврди ниту дневен ред, ќе биде закажана дополнително.

А собранискиот спикер Талат Џафери рече дека „нема проблем" со законот за поништување на лустрацијата. Блокадите во Собранието што се случуваат поради одредени законски решенија, како ова за поништување на лустрацијата, според првиот парламентарец се поради извесноста од предвремените парламентарни избори и оти тоа е се во рамки на кампања.

– Ниту сум го гледал материјалниот дел, ниту пак е моја надлежност да го гледам материјалниот дел. Тоа е работа на Собранието, што ќе одлучи Собранието тоа е и моја одлука. Јас како пратеник сум го поддржал законот за лустрација, не сум имал проблем со тој закон, ниту пак имам проблем со новиот закон. Во тој контекст посебен коментар не би требало, рече Џафери.

За можноста законот за поништување на лустрацијата да предизвика уште една блокада во Собранието и за тоа како ќе се справи со тоа, Џафери вели дека неговиот план е Собранието да се самораспушти на 12 февруари, а до тогаш е избор на самите пратеници и пратеничките групи што и како ќе прават.

Владата на крајот декември минатата година го утврди текстот на Предлог на закон за огласување ништовност и поништување на правни акти, дејствија, мерки и правни последици од постапките за лустрација.

Со новото предложено решение, се пристапува кон отстранување на штетните последици по лицата кои беа жртви на овие постапки пред Комисијата за верификација на факти, пред надлежните судови и пред другите органи, и согласно Предлог законот, за оштетените лица од наведените акти и дејствија, се предвидува надоместок на штета.

Со овој Предлог закон се заокружува правната рамка како стратешка цел на реформата во правосудството во однос на обезбедување на независноста и непристрасноста и се пристапува кон реализација на стратешката насока за воспоставување на законска рамка за поништување на мерките и правните последици од процесот на лустрација. /МИА

Забава

Намирници што им се даваат на кучињата, а се штетни за нивното здравје!

Овие 15 намирници може да бидат многу токсични за кучињата.

Сопствениците на кучиња се поврзани со своите миленици и честопати ги третираат како членови на семејството. Меѓутоа, многумина не се свесни дека обичните намирници што луѓето ги користат во кујната може да бидат опасни, па дури и отровни за овие миленици.

Кучињата имаат сосема поразличен дигестивен тракт од луѓето, па одделни намирници нивното тело не може да ги апсорбира, зашто имаат поразличен метаболизам од луѓето. Некои од овие намирници, во мали количини не се токсични, но бидејќи повеќето кучиња се лакоми по природа и може да изедат поголема количина од храната наменета за луѓе, тоа може да биде штетно за нив.

Клучни симптоми на труење со храна кај кучињата се: повраќање, дијареа, проширени зеници, губење на апетит, немир, тетеравење, дезориентација

Ако се сомневате дека вашето куче изело нешто отровно, веднаш однесете го на ветеринар или дајте му нешто што ќе предизвика повраќање.

Ова е список од 15 намирници кои повеќето од нас ги користат секој ден, а се исклучително токсични за кучињата.

1. Лук

Лукот содржи тиосулфат кој ги оштетува црвените крвни зрнца кај кучињата. Сепак потребно е голема количина од оваа намирница за да предизвика труење, но некои раси, особено јапонските акита и шиба ину се посебно осетливи.

Знаците на труење со лук може да се појават неколку дена по консумирањето.

2. Тесто за леб

Непеченото тесто за леб може да биде исклучително опасно за вашето домашно милениче поради квасецот кој ферментира и брзо се апсорбира во крвотокот, каде што произведува доволно етанол да предизвика алкохолно труење. Покрај тоа, тестото со квасец може да нарасне додека се движи низ дигестивниот систем, па може да доведе и до смрт на кучето.

Квасецот може да го надуе стомакот на вашето милениче предизвикувајќи интензивна болка и непријатност.

3. Чоколадо

Омилениот десерт на луѓето е еден од најчестите токсини за кучињата. Тоа се случува поради теоброминот, алкалоид кој може да предизвика срцеви аритмии и дисфункција на централниот нервен систем кај животните. Темните чоколади се најопасни, а токсичноста зависи од многу фактори, вклучувајќи ја количината и големината на кучето.

4. Алкохол

Помали количини алкохол веројатно нема да го убијат вашето куче, но постои можност за труење и други здравствени проблеми. Алкохолот може да предизвика значителен пад на крвниот притисок, телесната температура и шеќерот во крвта кај кучето, што може да доведе до напади, па дури и до проблеми со дишењето.

5. Грозје

Ова овошје е една од најотровните намирници за кучињата. Никој не знае која состојка во грозјето го прави толку отровно за кучињата, дури и во мали количини. Грозјето може да предизвика ненадејно откажување на бубрезите на кучето. Други симптоми на труење со грозје се: лош здив, губење на апетит, повраќање и дијареа.

Некои кучиња се исклучително подложни на труење со грозје и суво грозје, затоа ова овошје чувајте го подалеку од вашето домашно милениче.

6. Шеќер

Шеќерот, особено ксилитолот кој се наоѓа во бонбоните, гумите за џвакање и многу слатки закуски е исклучително токсичен за кучињата. Тој предизвикува брзо ослободување на инсулин што може да доведе до кома во рок од 15 до 20 минути. Ако вашето куче изеде поголема количина шеќер, веднаш однесете го на ветеринар.

7. Диви печурки

Јадливите печурки што ги купувате во продавница обично се безбедни за кучињата, но дивите печурки што растат во вашиот двор или во природата можат да бидат многу токсични за вашето домашно милениче. Ако имате печурки околу домот, редовно отстранувајте ги за вашето куче случајно да не ги изеде.

8. Јаболка

Јаболкото како овошје не е отровно за вашето домашно милениче, но семките од ова овошје се многу токсични за кучињата поради присуството на соединение наречено амигдалин. Неколку семки од ова овошје, нема да го убијат вашето куче, но во поголеми количини може да бидат токсични.

9. Праски

Слично на јаболката, месото на праската не е опасно, но семката содржи супстанца која ослободува цијанид. Покрај проблеми со цијанидот, семките предизвикуваат опасност од гушење. Истото важи и за кајсиите.

10. Праз

Слично на лукот, и празот содржи соединенија кои се токсични за кучињата. Празот и лукот се меѓу 7-те најопасни намирници за кучињата, кои се најчеста причина за смрт кај кучињата, предупредуваат ветеринарите. Истото важи и за кромидот и власецот.

11. Сенф

Сенфот најверојатно нема да биде смртоносен за кучињата во мали дози, но во поголеми количини може да биде токсичен за кучето. Поради благо токсичната природа на сенфот, ветеринарите често го предлагаат како средство да предизвикате повраќање кај кучето. Истото важи и за семето од синап, кое често се користи при готвење.

12. Кафе

Кофеинот е токсичен за кучињата и не е потребна голема количина за да предизвика сериозни последици. Талогот од кафе и други извори на кондензиран кофеин, исто така, може да претставуваат сериозна закана за здравјето на вашето домашно милениче.

13. Цреши

Слично на праските и јаболката, црешите содржат амигдалин кој ослободува цијанид во семките и е токсичен за кучињата. Црешите можат да бидат и поопасни од праските бидејќи се многу поситни, па затоа кучињата почесто ќе ги јадат. Покрај токсичните семки, црешите може да предизвикаат надуеност на стомакот. Истото важи и за вишните.

14. Компири

Уште една намирница која може да биде многу токсична за кучињата е компирот. Ако кучето изеде компир, тоа може да доведе до блокирање на ацетилхолинот, кој им е неопходен на кучињата за пренос на нервните импулси.

Јадењето компир кај кучињата може да бидат проблеми со нервниот систем и цревниот тракт. Ова особено се однесува на зелените компири, но и на оние со никулци.

15. Зелени домати

Зрелите црвени домати се безбедни за кучињата, но зелените домати особено оние од туршија, може да бидат многу отровни за домашните миленици. Причината за тоа е супстанцијата соланин, која се наоѓа во незрелите плодови, стеблата и листовите на доматот. Ако имате градина и одгледувате домати, најдобро е вашето куче да го држите подалеку од нив, бидејќи џвакањето на листовите од овој зеленчук е исто толку токсично како да изеде листови од винова лоза.

Забава

„Мојот сопруг е вистински фраер, сите ме прашуваат како го освоив“ (видео)

Нејзиниот одговор воодушеви многу жени...

Нејзината тајна е во огромната самодоверба со која може да освои кого било.

Хејзел Мекбрајд неодамна крена голема прашина на социјалните мрежи со објавата на видео на кое таа е со својот сопруг, кого многу дами го сметаат за привлечен. Меѓутоа, Хејзел видно ја истакнува својата самодоверба и се шегува на сметка на изгледот на својот сопруг. Иако нејзиниот став привлече големо внимание, многумина ја прашуваа колку е тешко една жена да се справи со вака привлечен сопруг.

Хејзел не крие дека нејзиниот партнер е исклучително згоден, додека многумина неа би ја опишале како девојка со просечен изглед. Меѓутоа, наместо да се чувствува несигурно покрај згодениот маж, таа истакнува дека се чувствува одлично во своја кожа и дека е многу задоволна од својот изглед.

Хејзел исто така истакнува дека „неговиот карактер“ е просечен, додека нејзиниот е „генијален“ и дека заедничката смисла за хумор е она што ги поврзува.

Нејзината искреност и став станаа пример за многумина кои крај себе имаат згоден партнер и се борат со самодовербата. Приказната на Хејзел докажува дека љубовта и самодовербата се клучни фактори за среќна и исполнета врска.

Оваа млада жена доби бројни коментари со поддршка и воодушевување по објавувањето на видеото. Хејзел ја следат над 57.000 лица на Тикток, таа стана многу популарна поради својата автентичност и искреност во своите објави на социјалните мрежи. Секогаш добива коментари на бројните видеа со сопругот.

- Во принцип, твојот сопруг изгледа одлично, но и ти не си воопшто просечна со тие зелени очи!

- Не е сè во убавината, луѓе!

- Харизматична, интелигентна и духовита жена вреди повеќе од 10 мисици!

- Вие сте прекрасен пар.

-Навистина е прав фраер, ако не е тајна, има ли браќа?

@hazelmcbrideauthor Trying to turn him into any and all fantasy men #acotar #rhysandacotar #sarahjmaas #acotarbooktok #booktok #sjm #fantasyman #hothusband ♬ Made You Look - Meghan Trainor