Полска воведе ограничувања за воздушниот сообраќај на границата со Русија и Белорусија - Канал 5

Свет

Полска воведе ограничувања за воздушниот сообраќај на границата со Русија и Белорусија

„На барање на Оперативната команда на ограноците на вооружените сили... ограничувањата за воздушниот сообраќај ќе бидат воведени во источниот дел на Полска во форма на ограничена зона EP R129“.

Полска воведе ограничувања за воздушниот сообраќај на границата со Русија и Белорусија

Полска воведе ограничувања за воздушниот сообраќај по должината на своите источни граници со Белорусија и Украина, објави денеска Оперативната команда на полските вооружени сили, во услови на зголемени тензии еден ден откако повеќе беспилотни летала влегоа во воздушниот простор на членката на НАТО.

Полска, со поддршка на авиони од нејзините сојузници на НАТО, вчера во својот воздушен простор собори беспилотни летала за кои се сомневаше дека ѝ припаѓаат на Русија, што е прв познат случај членка на западната воена алијанса да отвори оган за време на војната на Русија во Украина.

„На барање на Оперативната команда на ограноците на вооружените сили... ограничувањата за воздушниот сообраќај ќе бидат воведени во источниот дел на Полска во форма на ограничена зона EP R129“, соопшти полската Агенција за контрола на воздушниот сообраќај во своето соопштение лиферувано доцна синоќа.

Ограничувањата стапија во сила на полноќ и важат до 9 декември, се додава во соопштението.

Летовите во ограничената зона се забранети од зори до самрак, освен за летала со екипаж што работат во согласност со план за лет и со соодветни транспондери и одржуваат двонасочна комуникација со властите, соопшти агенцијата.

Воените летови и некои повикувачки знаци и летови со посебна намена се исто така ослободени од ограничувањата.

„Од самрак до зори има целосна забрана за летање со исклучок на воените авиони... Во зоната EP R129, има 24-часовна забрана за летање на цивилни беспилотни летала“, соопшти агенцијата.

Руското Министерство за одбрана вчера соопшти дека неговите беспилотни летала извршиле голем напад врз воени објекти во западна Украина, но дека не планираат да погодат никакви цели во Полска.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во руски напади уништени 12 милиони книги и учебници - Киев тврди дека станува збор за планирана кампања

Руски ракетен напад врз печатница во близина на Киев уништил огромна количина книги наменети за украинските ученици, во момент кога се интензивирало производството пред почетокот на новата учебна година. 

Во руски напади уништени 12 милиони книги и учебници - Киев тврди дека станува збор за планирана кампања

Во нападот целосно бил уништен погон во кој требало да се испечатат околу 1,3 милиони учебници, што претставува приближно 10 отсто од сите учебници планирани за печатење во украина, објави Би-Би-Си. Комерцијална директорка на издавачката куќа „Конви“, смета дека нападите врз печатниците и издавачките куќи се намерни. Во последните недели биле погодени повеќе од 35 објекти поврзани со издавачката дејност, а украинските медиуми известуваат дека во нападите биле уништени околу 12 милиони книги.

Тагови: Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД го нападнаа Иран, Техеран возврати со напади на американски бази

Иран и Соединетите Американски Држави разменија жестоки напади, што е најголемата воена ескалација меѓу двете земји по повеќе од еден месец релативен мир.

САД го нападнаа Иран, Техеран возврати со напади на американски бази

Американската војска прво нападна два ирански лансери за ракети на островот ларак во Ормутскиот Теснец. Потоа Иран возврати со ракетен напад и беспилотни летала врз американските воени бази во Јордан, пишува CNN.

Централната команда на САД соопшти дека извршила „ограничена, прецизна акција против силите за поставување мини во Ормускиот Теснец“. Неколку часа по нападот, Доналд Трамп објави видеа со вештачка интелигенција, на кои се гледа како експлодира нафтена инфраструктура. Едно од нив имаше наслов „островот Харг е разнесен на парчиња“, алудирајќи на голем нафтен терминал покрај брегот на Иран, што Трамп се закани дека ќе го заземе.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Утре тргнува градскиот воз Зелениково – Скопје

Од утре почнува да сообраќа градскиот воз меѓу Зелениково и железничката станица Скопје. 

Утре тргнува градскиот воз Зелениково – Скопје

Линијата ќе има по осум поаѓања дневно во двата правца, а патувањето, зависно од терминот, ќе трае приближно од 24 до 28 минути.

Првиот воз од Зелениково ќе тргнува во 6:20 часот, а следните поаѓања се предвидени во 8:30, 12:26, 14:00, 16:25, 18:30, 20:12 и 21:55 часот. На патот кон централната железничка станица возот ќе минува преку Зелениково, Орешани, Јане Сандански, Драчево и Лисиче. Во обратниот правец, првиот воз од железничката станица Скопје ќе поаѓа во 5:32 часот. Потоа следуваат термините во 7:30, 11:40, 13:20, 15:42, 17:45, 19:12 и 20:56 часот. Картата ќе чини 40 денари, а повратен билет ќе биде 70 денари. Со пуштањето на оваа железничка врска во должина од 24,5 километри во која се инвестираа 5,7 милиони евра, се реализира првата фаза од најавениот проект „Градски воз“.

Тагови: градскиот воз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер