Свет

Полска ги доби најмодерните американски тенкови Абрамс

Полската армија ја прими првата пратка од 28 најмодерни американски тенкови „Абрамс“ (Abrams M1A2 SEP V3), што сега ја рангира на второто место по бројот на модерни тенкови во НАТО, по САД.

Со добивањето на американски тенкови Полска ќе има речиси 500 модерни тенкови од прва линија – „Леопард 2“ во различни варијанти, „Абрамс“ ( во А1 и А2 варијанта“, корејски „К2 Црн Пантер„ и полскиот „ ПТ-91“, што е радикално модернизирана варијанта на советскиот тенк „Т. -72“, објави порталот балканска безбедносна мрежа.

Во однос на апсолутниот број на тенкови во НАТО и натаму водат Турција и Грција, чии количества се уште се изразени во четири цифри. Меѓутоа, повеќето од нив се постарите генерации на тенкови „Леопард 1“, „Патон„ и „М-60“, што се помалку одговараат на предизвиците на модерното војување, додека секоја од нив има и по околу триста модерни тенкови.

Истото важи и за некои други воени сили во НАТО како Германија, Франција и Велика Британија.

Квалитативната, но и нумеричката предност на Полска во однос на некои други земји од НАТО ќе дојде до израз во следните неколку години, доколку се реализира многу сериозниот план на оваа земја за сеопфатна модернизација на вооружените сили.

Имено, Полска има нарачано вкупно 250 тенкови „Абрамс“ (Abrams M1A2 SEP V3), како и одреден број дополнителни возила во варијантата M1A1. Според различни извори, Полска купила од САД и најмалку 116 тенкови „Абрамс“ од постарата варијанта за што издвоила 1,4 милијарда евра.

Полска потпиша и рамковен договор со јужнокорејската компанија „Хјундаи Ротем“ за набавка на дури 1.000 тенкови „К2 Блек Пантер“, а првиот дел од тој договор за набавка на 180 тенкови за 3,4 милијарди долари веќе се реализира.

Според минатогодишните податоци, во 2025 година Полска ќе може да смета на вкупно 476 модерни тенкови од сите видови .

Доколку целосно се реализира многу амбициозниот план за модернизација на оклопните сили на Полска, таа земја ќе може да смета на околу 1.800 модерни тенкови на крајот на деценијата. Ова ја издвојува Полска од повеќето други земји, кои во децениите по крајот на Студената војна во Европа го занемаруваа развојот на тенковските компоненти, имајќи предвид дека деновите на конвенционалните битки на масовните оклопни сили беа завршени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Уништени две хемиски гранати со боен отров од Првата светска војна

На стрелиштето Криволак уништени две хемиски гранати со боен отров од Првата светска војна.

На стрелиштето Криволак уништени две хемиски гранати со боен отров од Првата светска војна, информира директорот на Дирекцијата за заштита и спасување, Стојанче Ангелов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претставена „Везилка“ - Македонија добива национална фабрика за вештачка интелигенција

Проектот „Везилка“ – Национален центар за вештачка интелигенција, денеска беше официјално презентиран.

Станува збор за иницијатива што треба да ја поврзе домашната научна заедница, државните институции и приватниот сектор со европската инфраструктура за развој на вештачка интелигенција.

На промоцијата беше истакнато дека „Везилка“ не претставува самостојна „фабрика за вештачка интелигенција“, туку таканаречена „АИ антена“ – национален центар поврзан со европската АИ фабрика „Фарос“ во Грција. Преку ова партнерство, македонските истражувачи, стартапи, компании и јавни институции ќе добијат пристап до европски суперкомпјутерски капацитети, вклучително и суперкомпјутерот „Даедалус“, како и до напредни бази на податоци и специјализирани алатки за развој на модели со вештачка интелигенција.

Проектот чија реализација е планирана за три години, има вкупен буџет од околу 6,2 милиони евра. Од нив, приближно 3,1 милиони се обезбедени како грант од Европската Унија додека останатите средства се кофинансирани од државата.

„Везилка“ е вложување во иднината, во потенцијалот на македонските научници, истражувачи, студенти и компании. Тоа е и јасна определба државата да биде активен учесник во технолошките процеси што го обликуваат современиот свет - Христијан Мицкоски- претседател на владата

проектот претставува историски чекор во дигиталниот развој на државата и обид да се изгради траен систем, наместо да се реализираат поединечни и краткорочни проекти, посочи министерот Андоновски.

Целта на Везилка,се конкретни решенија базирани на вештачка интелигенција – од македонски јазични модели и дигитализација на културното наследство, до анализа на здравствени податоци, оптимизација на енергетските системи, автоматизација на административните услуги и примена на паметни технологии во земјоделството.

Покрај истражувачката компонента, „Везилка“ ќе функционира и како центар за обука и развој на кадри..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Десетина колапси на јавни места за неполни 40 часа - „вжештена“ линијата на 194

На речиси еден саат по еден колабиран на улица.

Од утрово до пладне Брза помош интервенирала за четири колапси, а исто толку имало и во вчерашната дневна смена. Лекарите од службата велат дека деновиве се повеќе граѓани се јавуваат на 194 барајќи совет како да си помогнат за да можат да „го изгураат денот“ поради вртоглавици, болки во пределот на слепоочниците и омалаксаност. Симптоми на метеоропатија чувствуваат и млади и здрави луѓе, вели Д-р Елена Пиловска која појаснува дека топлото и променливо време, особено пред невреме, знае да направи силни промени во општото здравје.

Метеоролошките улови не влијаат само на физичкото здравје, туку може да доведат до голем пад на концентрацијата, затоа во кога има високи температурни разлики и промени во атмосферскиот притисок се препорачува зголемена внимателност, особено зад воланот.

Освен да се пие голема количина на вода и да се внесува полесна храна, овошје и зеленчук, лекарите препорачуваат да се користи секој слободен миг и да се замине на планина, во природа богата со кислород, односно да се вдише чист и незагаден воздух.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.