Политико: Поразот на Орбан ќе предизвика политички потрес од Вашингтон до Москва - Канал 5

Европа

Политико: Поразот на Орбан ќе предизвика политички потрес од Вашингтон до Москва

Шеснаесетгодишното владеење на унгарскиот премиер Виктор Орбан заврши по тешкиот пораз на вчерашните избори, што ќе предизвика политички превирања од Вашингтон до Москва.

Политико: Поразот на Орбан ќе предизвика политички потрес од Вашингтон до Москва

Најавтократскиот лидер на Европската Унија и близок сојузник на Доналд Трамп и Владимир Путин ќе му ја предаде власта на својот противник Петер Маѓар, пишува Политико.

Орбан со солзи го призна поразот кратко откако Маѓар објави на Фејсбук во 21:12 часот: „Премиерот Виктор Орбан штотуку ни се јави да ни честита за нашата победа“.

Маѓар обезбеди двотретинско мнозинство што ќе му овозможи да ги демонтира клучните карактеристики на „нелибералната демократија“ на Орбан. Ова подразбира укинување на цврстата контрола на премиерот врз судството, државните компании и медиумите.

Олеснување во ЕУ, удар за Трамп

Заминувањето на Орбан ќе биде големо олеснување за Европската Унија, чии системски слабости ги разоткриваше и искористуваше со години, а неодамна му помогна на Путин со блокирање на 90 милијарди евра европска помош за Украина. Функционерите во Брисел долго време го обвинуваа Орбан за поткопување на темелите на унгарската демократија и за помагање на Путин да ја блокира клучната помош за Киев, но Унијата во голема мера не успеа да го ограничи неговото влијание.

Тешкиот пораз на унгарскиот премиер ќе нанесе и болен удар на движењето MAGA на Трамп, кое го сметаше унгарскиот премиер за модел за свој вид антиимигрантски, христијански ориентиран национализам. Дури и неколку лични пораки за поддршка од Трамп, поткрепени со посети на државниот секретар Марко Рубио и потпретседателот Џ.Д. Венс, не успеаја да го свртат текот на трката.

Изборите беа обликувани од растечкото јавно незадоволство поради нестабилната унгарска економија и корупцијата и непотизмот поврзани со Орбан.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер