Италијанците се големи фаворити пред оваа средба, а досега во историјата четири пати играле против Албанците, и во сите четири наврати победиле.
Што се однесува до Албанците, имаше огромен интерес во пресрет на средбата со Италија, а според некои проценки, дури 50.000 навивачи се во Германија.
Сепак, за очекување е помал број од нив да се најдат на стадионот, а оние кои влегоа веќе предизвикаа скандал.
Имено, четворица навивачи на Албанија внесоа знамиња на „УЧК“ на стадионот во Дортмунд.
Инаку, ова не е прв скандал, а мечот не е ни започнат, откако претходно стотина албански навивачи сакаа да се пресметаат со симпатизерите на Италија, но полицијата реагираше.