Политичката криза во Бугарија ги замрзна разговорите со Македонија? - Канал 5

Политичката криза во Бугарија ги замрзна разговорите со Македонија?

Дали политичката криза во Бугарија ги стопира очекувањата за интензивирање на разговорите со Софија за евроинтеграциите по Нова година?

Политичката криза во Бугарија ги замрзна разговорите со Македонија?

Со политичката криза во Бугарија пропаднаа во вода најавите од македонските власти дека по Нова Година е можно интензивирање на разговорите со официјална Софија за некаков исчекор во евроинтеграциите, оценуваат дел аналитичарите. Согласни се дека и доколку има нови избори во Бугарија и се формира нова Влада, таа нема да ја промени реториката и политиката кон Скопје. Според Петар Арсовски македонската Влада разговорите треба да ги води со Брисел, бидејќи пораките од Еу се јасни – земјава треба да ги исполни обврските кои ги презела, а може да се преговара само за тоа да нема нови билатерални обврски.

-Во Бугарија политичката криза која експлодира со незадоволство во пресрет на воведувањето на еврото нема многу да смени во односот кон Македонија. Тие не беа расположени за разговори пред политичката криза, додека таа трае секако нема да бидат расположени, но веројатно ни после тоа нема да бидат расположени да разговараат. Бидејќи политичката ситуација ќе остане комплицирана. Тоа што за нас е губиток е што посредниците од ЕУ кои можеби можеа да отворат некаков канал на комуникација со Бугарија сега нема да го сторат тоа заради високите политички тензии таму. Продолжување на разговорите со Бугарија има смисла само ако очекувате таа за нешто да попушти. Јас тоа не го очекувам, вели Арсовски.

Во моментов нема политичка сила во Бугарија која може да дојде на власт и да ја промени својата реторика и политика кон официјално Скопје, смета политичкиот аналитичар Благојче Атанасовски. Во Бугарија едноставно не се заморуваат со т.н македонско национално прашање, тие имаат внатрешен консензус и во Бугарското Народно Собрание дека ќе се водат по усвоениот француски предлог и Декларацијата усвоена од Собранието од сите политички партии, вели тој.

-Бугарија влегува во веројатно нов циклус предвремени парламентарни избори како во изминатите 5 години. Падна владата предводена од ГЕРБ на Бојко Борисов со колаициските партнери ИТН и БСП. Тие се ригидни во однос на т.н. македонско национално прашање односно дел од тие политички партии беа против францускиот предлог. Во Бугарија доколку се смени политичката клима аналитичарите предвидуваат дека тоа може да се случи со евентуално формирање на политичка партија од страна на бугарскиот претседател Румен Радев кој е уште поригиден во однос на неговите ставови за македонското прашање, така што на хоризонтот не гледам дека во Бугарија би дошла политичка сила или елита која би ретерирала од нивните добро познати ставови, изјави Атанасовски.

Во последните пет години во Бугарија се одржаа седум парламентарни избори, кои освен во два наврата, сите резултираа со формирање технички влади. Во меѓувреме претставник од ЕК потврдил дека државата ќе може да влезе во еврозоната од 1 јануари, иако владата во Софија поднесе оставка, пишуваат тамошните медиуми. Ставот на Комисијата е дека бугарските власти ги исполниле сите услови за воведување на еврото како средство за плаќање во земјата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Американците ѝ нудат на Украина членство во НАТО во замена за Донбас?

Американските преговарачи ја разгледуваат можноста Украина да добие полноправно членство во НАТО во замена за повлекување на своите сили од деловите на Донбас што сè уште ги контролира. 

Американците ѝ нудат на Украина членство во НАТО во замена за Донбас?

Ова е едно од двете сценарија за ставање крај на војната, кои американските претставници ги изнесоа за време на разговорите со украинските и европските функционери, пренесува „Волстрит џурнал“ (WSJ), повикувајќи се на лица запознаени со преговорите.

Второто сценарио предвидува замрзнување на конфликтот долж сегашната линија на фронтот, при што Украина би ја задржала територијата што моментално ја контролира, а за возврат би добила безбедносни гаранции од САД – а потенцијално и од европските сојузници.

Ваквите предлози би претставувале значителна промена во политиката на САД кон Украина. Доналд Трамп претходно ја отфрли можноста Украина да се приклучи кон НАТО, тврдејќи дека таков потег би бил неприфатлив за Русија и би можел да доведе до директен конфликт меѓу Западот и Москва.

Според „Волстрит џурнал“ (WSJ), зетот и специјален пратеник на Трамп, Џаред Кушнер, во текот на изминатите месеци во неколку наврати разговарал за можноста Украина да стане членка на НАТО во замена за територијални отстапки кон Русија. Оваа идеја била покрената за време на средбите меѓу Кушнер, уште еден американски пратеник – Стив Виткоф – и европски претставници.

Последен пат тоа се случило минатата недела во Даблин, каде што тие се сретнале со украинскиот претседател Володимир Зеленски, неговиот советник Рустем Умеров и европски претставници за безбедност.

Предлогот бил спомнат и за време на преговорите во Обединетите Арапски Емирати, каде што американските претставници разговарале со украински, руски и европски претставници. Еден европски лидер изјавил за „Волстрит џурнал“ дека за слична можност се разговарало уште во август.

Првото сценарио предвидува Украина да ѝ го отстапи на Русија преостанатиот дел од Донбас што е моментално под нејзина контрола, во замена за полноправно членство во НАТО.

Второто сценарио предвидува прекин на конфликтот долж моменталната линија на фронтот. Во овој случај, Украина би задржала дел од Донбас, но наместо членство во НАТО, би добила безбедносни гаранции дефинирани преку меѓународен договор со САД – а потенцијално и со европските сојузници.

Претставник на американската администрација изјави за „Волстрит џурнал“ (WSJ) дека преговарачите разгледуваат различни опции, но нагласи дека секој конечен договор ќе мора да биде прифатен и од Украина и од Русија.

Трамп му се јавил на Кушнер за време на состанок во Берлин.

Оваа нова информација доаѓа по вчерашниот состанок во Берлин на таканаречената „коалиција на волните“, на кој европските лидери, Зеленски и американските преговарачи разговараа за идната безбедност на Украина.

Според двајца учесници на состанокот, Трамп му се јавил на Кушнер од авионот „Ер форс уан“ (Air Force One), додека се враќал од самитот со рускиот претседател Владимир Путин и кинескиот лидер Си Џинпинг. Трамп им рекол на европските лидери и на Зеленски – кои биле собрани заедно со Кушнер – дека Путин е уморен од војната и е подготвен за договор. Тој исто така сугерирал дека, со постигнување мировен договор, би можеле да заштедат значителна сума пари што моментално се трошат за поддршка на Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Променливо облачно со повремен локален дожд и температури до 22 степени

Во Скопје, ќе биде сончево со мала до умерена облачност. Ќе дува слаб до умерен ветер од променлив правец. Максималната температура ќе достигне до 19 степени.

 Променливо облачно со повремен локален дожд и температури до 22 степени

МИНИМАЛНА ТЕМПЕРАТУРА (во 0С)

0 Попова Шапка, 1 Берово, 3 Лазарополе, Крушево, 4 Крива Паланка, Струмица, 6 Штип, 7 Битола, Виница, Прилеп, 8 Претор, Скопје-Зајчев Рид, Тетово, Демир Капија, Велес, 9 Охрид, 10 Кавадарци, 10 Гевгелија.

КОЛИЧИНА НА ВРНЕЖИ за изминатите 24 часа до 07 часот во (l/m2)

11 Попова Шапка, 10 Скопје-Зајчев Рид, 8 Тетово, 6 Пожаране, 5 Лазарополе, Виница, 4 Крива Паланка, Велес, 3 Прилеп, 2 Крушево, Демир Капија, Струмица, Штип, 1 Охрид, Берово.

ВРЕМЕТО ДЕНЕСКА

Во утринските и во раните претпладневни часови времето ќе биде променливо облачно. Претежно во западните и североисточните делови ќе има повремен дожд. Во текот на денот времето ќе биде сончево со мала до умерена облачност. Ќе дува слаб до умерен, а наместа во западните делови повремено засилен ветер од западен правец (над 60 km/h). Максималната температура ќе биде во интервал од 15 до 22 степени.

Во Скопје, ќе биде сончево со мала до умерена облачност. Ќе дува слаб до умерен ветер од променлив правец. Максималната температура ќе достигне до 19 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Дневен хороскоп за 21. ноември 2026 година

Дневен хороскоп за сабота, 21. ноември 2026 година. 

Дневен хороскоп за 21. ноември 2026 година

Шкорпија 24.10-22.11.

Љубов

Како да не можете јасно да видите или ќе бидете склони кон преценување на самите себа.Проценките нема да ви бидат реални.

Кариера

Ако постојат некакви правни или морални двоумења во врска со една работа, обидете се тоа да го анализирате и решите.

Здравје и совет

Јадете помалку, движете се повеќе.

Стрелец 23.11.-21.12.

Љубов

Ќе се двоумите колку треба да попуштите и тука нема да најдете вистинска мерка.Сетете се на вашите цели и кон што тежнеете.

Кариера

Би можело да ви биде сеедно како се одвиваат работите . Спречете ги последиците од таквата рамнодушност.

Здравје и совет

Не претерувајте со јадењето слатки.

Јарец 22.12.-20.1.

Љубов

Ќе се чувствувате по малку задремано и нема да сакате да правите ништо особено во љубовните акции.

Кариера

На дневен ред ќе се најдат многу разновидни теми , кои не трпат одложување.Вие ќе морате да почнете да го решавате сето тоа.

Здравје и совет

Бидете доследни.

Водолија 21.1.-19.2.

Љубов

Ќе имате вистинска рамнотежа меѓу чувствата и интелектот , па ќе се усогласите по сите прашања.Ќе бидете задоволни и емотивно сити.

Кариера

Треба малку повеќе да работите, иако сеуште не сте се прилагодиле , па сте затоа незадоволни.Стиснете заби , организирајте се и работете.

Здравје и совет

Подобро да верувате отколку да се сомневате.

Риби 20.2.- 20.3.

Љубов

Во љубовиот живот ќе бидете настроени да читате меѓу редови , па се ќе се сведува на тајни погледи и суптилни сигнали.

Кариера

Освен што одлично делувате во практичниот дел , денеска на работа ќе покажете и голема креативност.

Здравје и совет

Ви се подобрува формата.

Овен 21.3-20.4.

Љубов

Со задоволство ќе прифатите покана за излегување на кафе , каде би поминале пријатно време во неврзан разговор.

Кариера

Деловната комуникација ќе се одвива квалитетно, но вие самите нема да бидете задоволни од својот настап.Очекувате повеќе од себе.

Здравје и совет

Размислувајте додека се шетате.

Бик 21.4- 20.5.

Љубов

Вашата потреба за зборување и денеска ќе биде задоволена , но срцето и натаму ќе ви остане празно.Сепак , и зборувањето е нешто.

Кариера

Некои ваши колеги ќе се покажат како вистински лицемери или снобови.Работете точно што се очекува од вас и бидете професионални.

Здравје и совет

Не ги земајте работите при срце.

Близнаци 21.5.-21.6.

Љубов

Може да очекувате еден поволен ден кога станува збор за љубовни прашања . отворени се многу можности , а некои се поврзани со патувања.

Кариера

Издржете ги малите напори и завршете ги заостанатите задачи.За сега не треба ништо да менувате , освен вашиот пристап. Треба да бидете поупорни.

Здравје и совет

Наспијте се

Рак 22.6-22.7.

Љубов

Пред вас е уште еден ден во кој ќе покажете дека имате нежна и интуитивна страна.

Кариера

Одлично ќе поврзувате различни видови работа.И во практичниот и во теоретскиот дел ќе функционирате беспрекорно.

Здравје и совет

Останете какви што сте.

Лав 23.7-22.8.

Љубов

Пред вас е прекрасен ден за секаква поврзаност со луѓето, било да станува збор за саканата личност , ново познанство или за пријателите.

Кариера

Верувате во подобро утре .Имате право.И денеска ќе градите мостови, ќе се поврзувате со нови деловни партнери или ќе ги обновувате старите врски.

Здравје и совет

Динамични сништа.

Девица 23.8.-23.9.

Љубов

Денот ќе ви донесе богат социјален живот , како и многу поттици за нови познанства , ако сте уште сами.

Кариера

Некои денеска ќе бидат во центарот на вниманието или булвално на сцена каде ќе го објаснуваат својот деловен план.

Здравје и совет

Изразувајте се слободно.

Вага 24.9.-23.10

Љубов

Малата збрканост на чувствата ќе биде поврзана со вашата или желбата на партнерот за донинација во врската.

Кариера

Ништо не сакате да му препуштите на случајот , но тоа ви ја одзема спонтаноста од која се раѓаат свежи идеи.Најдете рамнотежа.

Здравје и совет

Проверете си ја крвната слика.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер