Полициските службеници од Кочани пред судот ја дадоа својата одбрана по обвинението - Канал 5

Полициските службеници од Кочани пред судот ја дадоа својата одбрана по обвинението

Податоци за тековната состојба на правното лице Класик кое стопанисувало со дискотеката Пулс во Кочани прибавувала полициската администрација а тие до неодамна дознале за термините активно и неактивно правно лице. 

Полициските службеници од Кочани пред судот ја дадоа својата одбрана по обвинението

Вака тројцата полициски службеници од Кочани денеска пред судот ја дадоа својата одбрана по обвинението дека во записниците внеле неточни податоци за правното и одговорното лице и дозволиле да се водат прекршочни постапки против неактивно правно лице. Обвинетиот Кире Богатинов кажа дека откако затекнале малолетници во Пулс при акциска контрола во октомври 2023 го известиле Дејан Јованов Деко, за кој и тие но и целиот град како што рече, знаеле дека е сопственик на дискотеката.

-Потоа изготвив извештај во полициската станица. На состанокот е запознаен непосредниот старешина па е прибавена тековна состојба од страна на администрацијата во полициската станица преку Централен регистар по што е изготвен записник за прекршок а врз основа на него и барање за поведување прекршочна постапка,раскажа обвинетиот - Кире Богатинов и додаде дека до поднесување на кривичната пријава не знаел што е активен или неактивен статус.

И вториот обвинет раскажа дека ноќта кога ја спровеле акциската контрола Дејан Јованов Деко воопшто не сакал да соработува со нив ниту им дал документи за тековната состојба на фирмата. Но на распит во Обвинителството рече дека му бил предочен записник за кој тврди дека не бил негов.

-Записникот за извршена контрола и записникот за констатиран прекршок се разликуваа во ракописот и побарав да се вештачи, затоа што записникот за прекршок не беше со мој ракопис, се сомневав да не го напишал некој од администрацијата,- Горан Лазаров – Обвинет.

Вкрстените прашања на обвинителката Спасенка Андонова дали при контрола на Пулс го барале одговорното лице на правното лице што стопанисувало со објектот, обвинетиот рече дека Дејан Јованов секогаш се претставувал како сопственик. И командирот н полициската станица во Кочани во тој период кажа дека податоците за тековната состојба на правното лице ги обезбедувала полициската администрација. Следното рочиште е закажано за 30 април кога ќе бидат дадени завршните зборови.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Филипче: Иднината на државата е заложник на неспособноста на Мицкоски за државна стратегија

Филипче додаде дека со ваквите политики на Мицкоски државата се движи кон политичка и економска изолација.

Филипче: Иднината на државата е заложник на неспособноста на Мицкоски за државна стратегија

Иднината на државата и на граѓаните е доведена во заложништво поради личната немоќ на Мицкоски да се справи со најважното прашање за државата – членството во Европската Унија, порача претседателот на СДСМ, д-р Венко Филипче, на денешната прес-конференција. Филипче укажа дека ваквите погрешни политики на Владата на ВМРО ја носат државата само во изолација.

„Очигледно е дека сме заложници на личната немоќ на премиерот Мицкоски да се справи со ова најважно прашање за нашата иднина, за иднината на граѓаните на Македонија, а тоа е членството во Европската Унија. Заложници сме на неговата некапацитетност да изгради државна стратегија за тоа како ќе станеме земја-членка на Европската Унија. Заложници сме на лагите со кои тој дојде на власт и сега со истите лаги останува на власт. Тоа што не ни бега и што е очигледна иднина на оваа држава, која во овој момент ја води Христијан Мицкоски, е очигледната изолација“, рече Филипче.

Притоа, Филипче посочи дека во време кога постои силна поддршка за проширување на Европската Унија и кога вратите се отворени за земјите кандидати, Македонија останува на страна.

„За време на последната посета на еврокомисарката Марта Кос, која јасно, гласно, недвосмислено кажа дека треба Македонија јасно да каже дали останува на европскиот пат, очигледно е дека благодарение на премиерот Христијан Мицковски и ВМРО, ние на тој пат повеќе не сме. Наместо да се спроведуваат реформите, наместо да се чекори напред кон Европската Унија, сега, кога очигледно вратите се отворени како никогаш до сега, ние остануваме на страна“, рече Филипче.

Тој додаде дека со ваквите политики на Мицкоски државата се движи кон политичка и економска изолација.

„Остануваме под влијание на други земји кои немаат интерес регионот и Македонија да се интегрираат во Европа. Остануваме на страна од сите финансиски и економски текови кои, како поддршка, можат и доаѓаат од Европа за земјите што ги остваруваат реформите и се приклучуваат кон Европската Унија, како, на пример, Црна Гора, за која во следниот седумгодишен буџет на Европската Унија се предвидени над 3 милијарди евра неповратни средства, додека ние се задолжуваме во милијарди евра од непознати кинески извори, со кој знае колкави камати, кои ќе ги враќаат следните генерации“, рече Филипче.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Општина Карпош: Увид во градежните активности во Бардовци

Градоначалникот Сотир Лукровски денеска изврши увид во тековните градежни активности што се реализираат на неколку локации во у.з. Бардовци.

Општина Карпош: Увид во градежните активности во Бардовци

Во непосредна близина на станбениот комплекс „Бахаш“ во тек е реализација на инфраструктурен зафат кој опфаќа асфалтирање на три улици во вкупна должина од 663 метри. Градежните активности на оваа локација опфаќаат и изградба на нови троторари, рабници, како и поставување на нови столбови за улично осветлување.

Со ова ќе се овозможи побезбедно движење на пешаците и возилата, а со тоа ќе се зголеми и квалитетот и условите за жителите од овој дел од населбата. Паралелно со овој градежен зафат, се изведуваат инфраструктурни активности и на улицата 1687, каде што се врши целосно асфалтирање на коловозот и изградба на нови тротоарски површини. Во тек на градежните работи, економските оператори ја поставија и својата комуникациска подземна мрежа со што оваа улица добива конечен, современ и функционален лик и намена.

При увидот, градоначалникот Лукровски истакна дека Општина Карпош продолжува со реализација на капиталниинфраструктурни проекти во сите урбани заедници, кои директно придонесуваат за создавање на рамномерен развој на општината и подобрување на квалитет на животот на карпошани.

ОПШТИНА КАРПОШ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Манасиевски: Единственото прашање за кое се согласни СДС, Левица и ДУИ е да не се донесе Изборниот законик

Единственото нешто за коешто се согласни СДС, Левица и ДУИ е да не се донесе Изборниот законик.

Манасиевски: Единственото прашање за кое се согласни СДС, Левица и ДУИ е да не се донесе Изборниот законик

Заедничко за овие три партии од опозицијата, освен блокадата на ИЗ е стравот од поразот на следнити избори.

Од таа причина, тие создаваат една какафонија во јавноста со неможноста да се донесе договор за консензус за носење на ИЗ, и на тој начин креираат алиби за поразот на следните избори.

Едните ќе речат дека не се вметнати препораките на ОБСЕ и ОДИХР, другите дека не добиле пари за рекламирање, третите пак ќе се жалат дека не се почитува волјата на граѓаните, иако губат 3 циклуси по ред. Ова ќе бидат приказните кои ќе ги раскажуваат по поразот на следните избори.

Едноставно, граѓаните ја прочитаа коалицијата на СДС, Левица и ДУИ.

Нив не ги интересираат реформи и закони, туку како повеќе да и наштетат на државата со ваквиот однос.

За нивна жал, Македонија повторно е признаена како лидер во РА, односно во носење на реформите, а тоа што не се носи ИЗ е само вина на СДС, Левица и ДУИ.

YouTube video

Валентин Манасиевски, портпарол на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер