Полиција во цивил ќе го обезбедува битолското ОУ „Стив Наумов“ по заканите од седмоодделенец - Канал 5

Македонија

Полиција во цивил ќе го обезбедува битолското ОУ „Стив Наумов“ по заканите од седмоодделенец

Наставата во битолското училиште „Стив Наумов“ се одвива под полициско обезбедување, откако родители со пријава го вклучија алармот дека седмооделенец, преку својот тик ток профил, се заканувал кон нив и нивните деца.

Полиција во цивил ќе го обезбедува битолското ОУ „Стив Наумов“ по заканите од седмоодделенец

Наставата во битолското училиште „Стив Наумов“ се одвива под полициско обезбедување, откако родители со пријава го вклучија алармот дека седмооделенец, преку својот тик ток профил, се заканувал кон нив и нивните деца, кои се соученици на 13 годишникот кој во меѓувреме поради ситуацијата следи онлајн настава, а неговиот татко вчера бил повикан и во полициска станица. СВР Битола и тамошното обвинителство уверуваат дека се преземаат сите мерки за расчистување на случајот.

- Ве известуваме дека СВР Битола презема мерки по насоки на ОЈО Битола во врска со пријава од родители од ОУ -„ Стив Наумов“. Во врска со случајот е повикан родител на детето и се преземаат дополнителни мерки за расчистување на случајот.- Сања Стаматова – Портпарол на СВР Битола.

Мерката за полициско присуство ја побарал училишниот одбор по вознемиреноста на родителите, вели за Канал 5 директорот на Никола Пискачев, кој посочи дека наставата денеска се одвивала мирно, и според кого нема простор за паника. Преземени се сите потребни чекори според законот за основно образование, навремено се известени сите институции и вклучен е и центарот за социјални работи, уверува Пискачев.

-Има училиштето заштита, вчера се состана училишниот одбор каде што беше донесена одлука додека трае оваа паника и нетрпеливост, нормално, загрижувачки што е, да има полициски службеник, тоа и го добивме, наставата денеска тече мирно, нормално, без никакви паники, се е како што треба, но паниката настана на социјалните мрежи. Конкретното дете следи онлајн настава, се до решавање на случајот, кога ќе се реши случајот, ќе се реши и понатамошното учење на тоа дете,- – Никола Пискачев – Директор на ОУ „Стив Наумов“ – Битола.

Во меѓувреме, загриженост се појави и во скопското основно училиште „11ти Октомври“, каде група родители преку допис алармираа дека нивните деца, првооделенци, се соочуваат со булинг од група соученици, а наведуваат и дека во училницата владеат хаос и инциденти, за што обвининуваат дека раководството на училиштето ништо не презема.

Ваквиот допис го демантираше раководстовот на центарското училиште, кои категорично ги отфрлаат сите, според нив, неосновани, генерализирачки и тенденциозни наводи, со кои, велат, во јавноста се создава впечаток на институционално непостапување, односно велат, нема толеранција за несоодветно однесување помеѓу учениците. Тврдат дека во секоја ситуација се преземаат педагошко – воспитни, советодавни и превентивни мерки.

YouTube video

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Собирала ситни пари цели 26 години- ги пребројувала два дена и се шокирала од резултатот (ВИДЕО)

Колку пари би можеле да заштедите по две децении собирање кусур?

Собирала ситни пари цели 26 години- ги пребројувала два дена и се шокирала од резултатот (ВИДЕО)

Одговорот можеби ќе ве изненади, а една жителка на Охајо стана интернет сензација кога ја покажа својата неверојатна „колекција“ од монети.

Џејми Блосел покажа голема стаклена тегла во која чувала монети 26 години, а видеото беше прегледано 4,7 милиони пати за кратко време.

Ги броела парите два дена

Додека повеќето луѓе ги чуваат своите ситни пари во фиока, кутија или мал сад, Џејми ги чувала своите монети во голема стаклена тегла. Сè започнало во 2000 година, кога внатре ја ставила својата прва монета.

По 26 години, таа решила да провери колку заштедила, а резултатот ја изненадил, објавува MSN.

Сфаќајќи дека броењето ќе ѝ одземе многу време, таа решила да документира сè на камера. Веднаш открила дека теглата е „толку тешка“ што не може да ја крене.

Па седнала на подот до неа и почнала да ги вади и брои монетите - една по една. Целиот процес траел, со паузи, два дена, и на крајот на краиштата, Џејми го открил резултатот.

За 26 години, таа собрала повеќе од 1.300 долари.

„Мало богатство“

Корисниците на социјалните мрежи беа воодушевени од резултатот и го пофалија овој начин на штедење.

„Јас живеам за ова“, напиша еден корисник, а друг додаде: „Ова е неверојатен начин на штедење“.

Трет истакна дека треба внимателно да ги испита монетите, бидејќи меѓу нив може да има примероци кои вредат многу повеќе од нивната номинална вредност.

Така, Џејми ја претвори вообичаената навика за штедење ситни пари во приказна што ги освои милиони луѓе. Она што со години изгледаше како обична тегла полна со заборавени монети, се покажа како „мало богатство“ - и доказ дека дури и малите заштеди, собирани доволно долго, можат да се претворат во значителна сума.

Тагови: пари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма во САД: Уапсен е син на познат тренер, откако си ја застрелал мајка си

Според информациите од надлежните органи на државата Вирџинија, синот на познатиот помошник тренер на Канзас Сити Чифс, Ерик Биениеми, бил уапсен и приведен откако ја застрелал својата мајка, Миа Биениеми.

Драма во САД: Уапсен е син на познат тренер, откако си ја застрелал мајка си

Канцеларијата на локалниот шериф денеска добила информација дека полицијата доцна во неделата навечер излегла на местото на настанот откако се слушнале истрели во куќа во градот Ашбурн, Вирџинија. Таму ја пронашле 57-годишната Миа Биениеми со повеќекратни прострелни рани, објави Си-Ен-Ен.

Таа брзо била префрлена во болница и е во стабилна состојба откако ѝ била укажана прва помош.

Полицијата брзо го лоцирала Елајџа Зајон Биениеми, кој бил уапсен поради основано сомнение за сторување кривично дело, како и за употреба на огнено оружје за сторување незаконско дело. Тој моментално е во притвор.

Во меѓувреме, познатиот тренер Ерик Биениеми бил со тимот во тренинг камп во Сент Џозеф, Мисури. Тој не присуствувал на тренинг сесијата одржана во понеделник.

- Клубот е информиран за инцидентот што се случил во семејството на Биениеми. Од почит кон нивната приватност, во овој момент нема да коментираме. Нашите мисли се со нив - изјави за медиумите претставник на Канзас Сити Чифс.

Тагови: мајка тренер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Украина бара итна истрага по напад врз маж и жена во Полска (ВИДЕО)

Генералниот конзулат на Украина во Вроцлав побара од полските власти итно да го истражат нападот врз украинскиот пар во тој град.

Украина бара итна истрага по напад врз маж и жена во Полска (ВИДЕО)

Според првите информации, младиот пар бил нападнат поради нивниот акцент, а случајот во моментов го истражуваат надлежните полски служби, пишува Pravda.com.ua.

Конзулат: Насилството врз Украинците станува сè почесто

Украинскиот министер за надворешни работи Андриј Сибиха му наложи на конзулатот да преземе сите потребни мерки. Дипломатската мисија веќе испрати официјална истрага до полската полиција и чека официјални информации. „Приморани сме да забележиме дека случаите на насилство и агресија насочени кон украинските граѓани во Полска во последно време стануваат сè почести.

Секој таков случај бара темелна истрага и соодветна правна проценка“, соопшти конзулатот. Конзулатот беше јасен во своите очекувања. „Доколку се потврдат горенаведените околности, очекуваме сеопфатна, објективна и брза истрага, утврдување на мотивите за ова дело и казнување на сторителите во согласност со законите на Република Полска.

Секакви форми на насилство, ксенофобија или омраза се неприфатливи и немаат место во демократско општество.“ Конзулатот, исто така, ги повика украинските граѓани со информации за инцидентот да ги контактираат.

Промена на расположението во Полска

Веста за нападот доаѓа кратко откако Полскиот центар за истражување на јавното мислење објави дека, за прв пат во историјата на нивното истражување, повеќе Полјаци се спротивставуваат на прифаќањето бегалци од Украина отколку што го поддржуваат.

Сличен инцидент се случи на 20 јули во Познањ, каде што 60-годишен Полјак беше претепан затоа што бранел млад Украинец кој бил вербално нападнат од тројца мажи.

Тагови: Полска украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер