Полиција повикана во дом на НБА ѕвезда

Контроверзната НБА ѕвезда од тимот на Мемфис, Џа Морент бил посетен од полицијата во Мемфис по неговата последна објава на социјалните мрежи, која подоцна ја избришал.

Кошаркарот на Мемфис Гризлис Џа Морент се огласи на својот „Инстаграм“ објавувајќи неколку објави во кои се збогува со семејството, а во последната објава накратко напишал „Збогум“.

Според TMZ, локалната полиција во Мемфис реагирала по чудните објави на Џо Моренто кои би можеле да инсинуираат дека сака да си наштети.

Полицијата потврдила дека Џа Морент е неповреден и немал намера да прави нешто такво и дека уредно ја примил полицијата во својот дом во Тенеси.

Тој објасни дека се работи само за заминување од социјалните мрежи и дека се е во ред со него.

Инаку, контроверзниот бек на Гризлис во последните неколку месеци на социјалните мрежи објавуваше видеа на кои беше вооружен поради кои доби и ригоризни парични казни и суспензија од НБА.

Јаревски: Власта е очајна и во такви услови превзема очајни чекори

Во вечерашната емисија „Само вистина“ на Канал 5 ТВ гостуваше пратеникот од редовите на ВМРО-ДПМНЕ, Тони Јаревски кој што истакна дека власта е очајна и во такви услови превзема очајни чекори.

Во вечерашната емисија „Само вистина“ на Канал 5 ТВ гостуваше пратеникот од редовите на ВМРО-ДПМНЕ, Тони Јаревски кој што истакна дека власта е очајна и во такви услови превзема очајни чекори, и се обидува да направи штета но ВМРО-ДПМНЕ е обединета, кохезивна и нема да отстапи од своите принципи и начела.

„Она што е суштински важно и што би можело да има импакт врз тековните случувања во Македонија е една многу јасна порака. Не постои ниту случка, ниту причина ниту пак личност што може да го отргне Христијан Мицкоски и ова раководство на партијата од бранењето на националните интереси. Не постои ниту личност ниту причина што би можело да изврши влијание за промена на нашиот став односно да не дозволиме да се извршат уставните измени под вакви услови односно под бугарски диктат“, нагласи Јаревски.

Јаревски потенцираше дека власта е очајна и во такви услови превзема очајни чекори, и се обидува да направи штета но ВМРО-ДПМНЕ е обединета кохезивна и нема да отстапи од своите принципи и начела.

„Имаме држава која е затрупана во корупција, разградени институции, власт која нема легитимитет и кредибилитет, имаат рејтинг кој што е ист со рејтингот на правосудството. Имаме ситуација на безнадежност и на револт. Во такви услови имаме очајна влада и во такви моменти пристапуваат кон очајни чекори. Од друга страна имаме силна компактна кохезивна, полна со патриотски дух помеѓу себе пратеничка група на ВМРО-ДПМНЕ која што знае што застапува и која што нема намера да отстапи од своите ставови и принципи. Ние нема да отстапиме нема да дозволиме промена на уставот под бугарски диктат“, потенцираше Јаревски.

Пендаровски во Њујорк на средба со Јури Ким и Џим O'Брајан од американскиот Стејт Департмент

Претседателот Стево Пендаровски денеска во Њујорк, оствари средба со Јури Ким, заменик помошник државен секретар за Европа и Евроазија и Џим O'Брајан, раководител на канцеларијата за координација на санкции при американскиот Стејт Департмент.

Претседателот Стево Пендаровски денеска во Њујорк, оствари средба со Јури Ким, заменик помошник државен секретар за Европа и Евроазија и Џим O'Брајан, раководител на канцеларијата за координација на санкции при американскиот Стејт Департмент.

На средбата се разговараше за текот и за актуелните состојби поврзани со европските интеграции на нашата држава, за реформскиот напредок, како и за политичките состојби во земјава и во регионот. Соговорниците се согласија дека е потребно да се одржи фокусот на реформите, како и подготвеноста за водење на преговорите со Европската Унија.

На средбата беа потврдени одличните билатерални односи меѓу Соединетите Американски Држави и Македонија, при што претседателот Пендаровски се заблагодари на американската поддршка за членството на Македонија во ЕУ како стратешка определба на македонското општество, соопштуваат од кабинетот.

Трајанов: Нов закон за амнестија поврзан со уставните измени

Во емисијата Само Вистина на ТВ Канал 5, Павле Трајанов, претседател на Демократскиот сојуз, изјави дека СДСМ и ДУИ подготвиле сосема нов закон за амнестија .

Во емисијата Само Вистина на ТВ Канал 5, Павле Трајанов, претседател на Демократскиот сојуз, изјави дека СДСМ и ДУИ подготвиле сосема нов закон за амнестија со кој треба да се ослободат од натамошно издржување на казните осудени лица, потоа да се запре постапката за тие што сѐ уште трае, а во функција на обезбедување гласови за уставните измени со кои Бугарите треба да бидат вградени во Уставот на Македонија.

Инаку, со овој закон се опфатени сите случаи што ги отвори Специјалното јавно обвинителство, осудените за настаните од 27 април 2017 година, како и дел од функционерите од актуелната власт против кои се води кривична постапка.

Во подготовката на Законот за амнестија вклучени се експерти, обвинители и адвокати, а направен е и преглед на кривични дела за кои се осудени или се води постапка против носители на функции кои треба да бидат опфатени со амнестијата.

Во суштина, сѐ е подготвено онака како што беше одлуката за аболиција донесена од Ѓорге Иванов, со тоа што наместо аболиција сега ќе се оди со амнестија, закон кој треба да го донесе Парламентот.

притисни ентер