Дел од нив во своите училишта, дел пак во амфитеатрите на најблиските факултети каде има соодветни услови за спроведување на испитите. Министерката за образование Весна Јаневска, вели дека очекува подобри резултати од минатите години и ги предупреди учениците да не препишуваат за да не загубат цела година од нивното образование.
-Тој што препишува не очекувам ни да знае. Најверојатно ќе ја изгуби целата година до следното полагање на матурата, што значи изгубил година од животот или да влезе на пазарот на труд или да влезе на факултет.
-Полагаат околу 15.000 уеници. Оние училишта коишто имаат законски обезбедени услови полагаат учениците во училиштата. Таму кадешто не може да се исполнат условите, полагаат во амфитеатри, вели Јаневска.
Јаневска кажа дека од оваа година се донесени и построги законски регулативи, односно тестаторите и набљудувачите кои ќе пропуштат прекршување на правилникот за полагање, ќе бидат отстранети од процесот на полагање, но сепак државниот изборен центар е тој којшто ќе мора да преземе мерки. Од таму пак, ги повикаа сите наставници кои се во улога на тестатори сериозно да ја сфатат нивната задача.
-Сите наставници кои се во улога на тестатори максимално одговорно да си ја сфатат својата задача денес, бидејќи нивната улога е клучна во оваа наша работа затоа што не сме само ние, тука сме сите, целиот образовен систем вклучен, тргнувајќи од ДИЦ, МОН, Бирото за развој на образование и останатите образовни институции.- Даниела Јовчевска Михајловска
Дел од учениците пак, дека се задоволни од начинот на кој се спроведува матурата и очекуваат позитивен исход.
На екстерниот испит по мајчин јазик, речиси 10.000 ученици полагаа македонски јазик, повеќе од 4.300 албански јазик, а околу 300 турски и српски јазик. Следниот екстерен предмет ќе се полага на 11-ти јуни, а најголем интерес има за англиски јазик за кој се пријавиле над 13.000 ученици.