Покачениот холестерол се гледа на кожата и околу очите, а еве како да го „исчистите“ - Канал 5

Здравје

Покачениот холестерол се гледа на кожата и околу очите, а еве како да го „исчистите“

Симптомите честопати остануваат незабележани, но можат да укажуваат на зголемен ризик од срцев удар и мозочен удар.

Покачениот холестерол се гледа на кожата и околу очите, а еве како да го „исчистите“

Холестеролот е тивок непријател на современиот човек, не боли, нема јасни симптоми, но ги разорува крвните садови и го зголемува ризикот од срцев и мозочен удар. Иако умерените нивоа на холестерол се неопходни за нормално функционирање на организмот, проблемот настанува кога тој ќе се покачи и ќе остане неоткриен, затоа е важно да препознаеме како телото реагира при покачени вредности.

Покачениот холестерол не е резервиран само за повозрасните, се почесто млади лица страдаат од покачен холестерол, дури и оние кои немаат прекумерна телесна тежина. На тоа влијаат различни фактори: неправилна исхрана, генетска предиспозиција, стрес, физичка неактивност...

Д-р Олга Личина, клинички нутриционист, објаснува како се манифестира повишен холестерол и како да се хранат лицата со предиспозиции за истиот.

-Покачено ниво на LDL (лош холестерол) во крвта обично не предизвикува јасни симптоми, особено во почетните фази. Меѓутоа, долгорочно, високите нивоа на LDL, може да предизвикаат развоја на атеросклероза (таложење масни наслаги на ѕидовите на артериите) –вели д-р Олга Личина.

Исто така, таа ги наведува проблемите и симптомите на оваа болест.

-Лошиот холестерол предизвикува одредени симптоми или здравствени проблеми, болки во градите, ладни стапала или боли во нозете, а еден од најочигледните симптоми се жолтите наслаги на кожата околу очите (ксантелазма). Повеќето лица нема да почувствуваат никакви симптоми додека не развијат сериозни компликации како срцев или мозочен удар – објаснува д-р Личина.

Првиот чекор во влијанието врз високиот холестерол е здравиот начин на живот, промена на исхраната и усвојување навики за физичка активност.

-Важно е да се намали внесот на заситените масти кои се наоѓаат во црвеното место и полномасните млечни производи, како и транс мастите од преработената исхрана. Исхраната базирајте ја на овошје, зеленчук и мешунки, кои обезбедуваат доволно растителни влакна кои докажано помагаат во снижувањето на холестеролот. Целозрнестите житарки се исто така добар извор на влакна. Мастите што ги консумирате треба да бидат од растително потекло, нерафинирано маслиново масло, јаткастите плодови, како и риба богата со омега-3 масни киселини – порачува д-р Олга Личина.

Таа исто така напоменува дека редовната 30 минутна физичка активност помага во намалувањето на лошиот холестерол и одржувањето на здравата тежина. Според д-р Личина откажувањето на цигарите е клучен фактор во намалување на HDL, бидејќи оваа навика допринесува во развојот на атеросклероза.

Покрај фокусот на здравата исхрана и физичката активност, д-р Личина вели дека стресот значително го влошува нивото на липиди во крвта, па препорачува пронаоѓање на некое хоби кое би ни помогнало во негово намалување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Центар: „Нешто што ќе остане“ се преместува за петок, 11 септември поради најавените временски неприлики

Програмата останува непроменета. На сцената ќе настапат Слаткар, Дупер, Барбара Поповиќ, Лина Пејовска и 2 Бона, а водител на вечерта ќе биде Сашко Коцев.

Општина Центар: „Нешто што ќе остане“ се преместува за петок, 11 септември поради најавените временски неприлики

Општина Центар информира дека поради најавените временски неприлики за претстојниот викенд, музичкиот хепенинг „Нешто што ќе остане“, првично закажан за 12 септември, ќе се одржи еден ден порано – во петок, 11 септември, со почеток во 20 часот, во Парк на Франкофонија.

Програмата останува непроменета. На сцената ќе настапат Слаткар, Дупер, Барбара Поповиќ, Лина Пејовска и 2 Бона, а водител на вечерта ќе биде Сашко Коцев.

„Нешто што ќе остане“ годинава се одржува по четврти пат, а музичката вечер е дел од одбележувањето на големиот јубилеј – 50 години Општина Центар. И оваа година Општината останува доследна на определбата да ја поддржува и промовира македонската музичка сцена и домашните артисти.

Општина Центар ги повикува сите граѓани да ја забележат промената на датумот и да бидат дел од музичката вечер.

Новиот термин е петок, 11 септември, во 20 часот, во Парк на Франкофонија.

Општина Центар - Скопје

Тагови: Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Штип, пронајдена дрога, лишено од слобода едно лице

На 08.09.2026 во 10:00 часот во Штип, полициски службеници од Одделението за недозволена трговија со дрога и оружје при СВР Штип го лишија од слобода Б.К.(37) од Штип.

Претрес во Штип, пронајдена дрога, лишено од слобода едно лице

При претрес во неговиот дом, извршен со судска наредба, биле пронајдени и одземени една поголема ќеса со марихуана, две дигитални ваги, дробилка, семки од растението канабис, пневматски пиштол, мобилен телефон и парични средства. За настанот е известен јавен обвинител и по негово целосно документирање ќе следува соодветна пријава.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Ако СДС сами се препознаа во талогот, најцрното во него се Венко Филипче и Андреј Жерновски

​Ако СДС се препознаа самите во талогот, тогаш сосема сигурно е дека најцрното во него се Венко Филипче и Андреј  Жерновски.

ВМРО-ДПМНЕ: Ако СДС сами се препознаа во талогот, најцрното во него се Венко Филипче и Андреј Жерновски

Бидејќи Жерновски меѓународно беше и неуспешен амбасадор во обид, треба да му е јасно каков е распоредот на протоколарното седење кога станува збор за државни прослави, и е потребно барем да не се брука себе со прашањето зошто седел јавниот обвинител до премиерот.

Што се однесува до талогот, Жерновски и СДС сами се препознаа иако премиерот Мицкоски, директно не ги спомна.Но кога сме кај тоа прашање талогот во СДС се фабрика за ширење на нихилизам, омраза и жестоки поделби. Тие се против се што е прогресивно во земјата.

Тие се против сè што оди напред. Против болници, против патишта, против нов клинички центар, против инфраструктурни објекти за општините какви градиме со унгарскиот кредит, против брза железница, против покачени плати и пензии. Против дата центри, против нови инвестиции

Oмраза на СДС го труе општеството, пера кои клеветат, навредуваат. Таквата губитничка политика треба да нè повлече сите надолу. Секој млад човек да почне да се колеба, да нè прикажат дека сме сите исти кога и сме толку различни. Тој талог мора и ќе биде победен.

Центар за комуникации на ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер