Погребан папата Франциск – присутни илјадници верници и шефови на држави и влади од целиот свет - Канал 5

Свет

Погребан папата Франциск – присутни илјадници верници и шефови на држави и влади од целиот свет

Воздишки, солзи и молитви, светот се прости од папата Франциск.

Погребан папата Франциск – присутни илјадници верници и шефови на држави и влади од целиот свет

Со црковни песни, длабоки емоции и солзи, илјадници верници, граѓани и светски лидери му оддадоа последна почит на духовниот водач на Римокатоличката црква. Погребната церемонија започна утрово во 10 часот на плоштадот Свети Петар во Ватикан. Ковчегот на понтифот беше изнесен од базиликата Свети Петар, проследено со аплауз од насобраните верници.

Покрај 200.000 луѓе на погребната миса беа присутни повеќе од 220 кардинали и 750 бискупи, свештенство од другите цркви и верски заедници, како и 50-тина шефови на држави, влади и монарси од 164 официјални делегации, меѓу нив и македонската претседателка Гордана Сиљановска Давкова.

На плоштадот Свети Петар места беа резервирани и за американскиот претседател Трамп и неговата сопруга Меланија, како и останатите светски лидери со сопругите –претседателот на Аргентина, татковината на Папата, францускиот претседател Емануел Макрон, украинскиот Володимир Зеленски, британскиот премиер Кир Стармер и британскиот престолонаследник Вилијам, како и други познати европски лидери, меѓу нив и генералниот секретар на ОН Антонио Гутереш и претседателката на Европската комисија Урсула фон дер Лајен.

Светата погребна миса ја предводеше италијанскиот кардинал Џовани Батиста Ре, исполнувајќи му ја последната желба на папата Франциск за скромно и достоинственио испраќање.

Франциск беше папа близок до народот, полн со човечка и духовна топлина и сакаше Црква отворена за сите, рече италијанскиот кардинал. Во неговиот говор се осврна на сите залагања на Франциск за подобар свет и човештво, заштита на маргинализираните, сиромашните и немоќните.

-Богат со човечка топлина и длабоко чувствителен на денешните предизвици, папата Франциск навистина ги сподели грижите, страдањата и надежите на ова време.- Кардинал Џовани Батиста Ре

Кардиналот Батиста Ре потсети на постојаните пораки за мир во светот на папата Франциск и важноста на неговото дејствување за градење мостови, а не ѕидови.

-Соочен со беснеечките војни во последните години, со нивните нечовечки ужаси и безброј смртни случаи и уништувања, Папата Франциск непрестајно го креваше гласот молејќи за мир и повикувајќи на разум и искрени преговори за да се најдат можни решенија.

-„Градете мостови, а не ѕидови“ беше поттик што тој го повторуваше многу пати.

Илјадници верници поитаа кон Ватикан во раната зора. Многумина кампуваа за да заземат места што поблиску до бината за церемонијата. Некои носеа знаме на својата земја околу рамената, други држеа слики од Франциск, познат по својата скромност и отворени ставови. Меѓу нив имаше и такви што патувале со денови од Еквадор за да стигнат на погребот на папата.

- Навистина е гужва. Но луѓето се среќни, времето е добро, се е добро. - кажа еден од присутните на плоштадот.

-Колку денови патувавте? Три дена. Нон – стоп? Само за да дојдете тука? –Да, не спиевме, погледнете ми ги очите, кажа верничка која патувала од Еквадор за да стигне до Рим.

По службата од Ватикан започна последното патување на папата со познатиот папамобил до неговото избрано почивалиште – едноставен гроб во неговата омилена црква Санта Марија Маџоре, во Рим. По должината на приближно 5,5 километри долгата рута од плоштадот „Свети Петар“, поворката помина покрај многу познати споменици во Рим, вклучувајќи го и Колосеумот, а толпи луѓе аплаудираа додека поворката поминуваше.

Пред базиликата Санта Марија Маџоре, ковчегот го пречекаа и членови на маргинализирани групи и сиромашни лица кон кои Франциск беше особено наклонет.

Тој е првиот папа погребан надвор од Ватикан по повеќе од еден век, а самиот погреб во Санта Марија Маџоре се одржа скромно и во тајност на негово барање. На неговата надгробна плоча наместо титулата која ја носеше 12 години стои само името „Франциск“.

Тагови: Папа погреб

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер