Забава

Погледнeте што прави ова момче за забава(видео)

Погледнете што сè е во состојба да направи ова момче на висококатница за да се забавува!

Додека некои луѓе имаат фобија од висина, други одлично се справуваат со неа.

Сите ние поседуваме одредени вештини, иако за некои можеби не сме ни свесни. Но, секогаш се наоѓа некој кој е подобар и поспретен во нешто. Сите сме биле сведоци на неверојатни достигнувања на некои луѓе во спортот, танцот или акробацијата, а ова момче отиде чекор понатаму и ги запрепасти луѓето на социјалните мрежи.

Имено, на Tикток се појави видео на кое може да се види како едно момче трча по рабовите на една висококатница, кои воопшто не се обезбедени и прескокнува од една тераса на друга. Момчето со цврсти и сигурни чекори прави кругови околу зградата, совршено одржувајќи рамнотежа. По него трча друго момче кое снима, па многумина токму тоа ги натера да се посомневаат во веродостојноста на снимката, односно дека вакво нешто воопшто е можно да се изведе. Снимката која е направена некаде во Њујорк, многумина ги натера да се запрашаат каква храброст е потребна за ваков потфат.

@whistle Absolutely not. Im not built for that lifestyle 💀 #fyp #explore #parkour #freerunning (via @sweysis ♬ For videos! Rejector weakness system - MoppySound

-Да држиш камера во рацете и да го следиш ова момче е лудост.

-Паднав од креветот додека го гледав.

-Се обидов како вас момци, да не мрдам со телефонот.

- Рацете ми се испотија

- Дали некој се вознемири гледајќи го ова?

- Дали мислат дека имаат 9 животи како мачките? - беа дел од коментарите.

Ова видео беше објавено на страницата „Whistle“, а преземено од еден тиктокер во чија биографија пишува дека живее во Њујорк и е љубител на височини и „качување“ по згради. Во неговите видеа, се прикажани лица кои се качуваат на големи височини, се занимаваат со екстремни спортови и уживаат во адреналинот.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Исламскиот младински форум со демант на тврдењето дека се терористичка организација

Исламскиот младински форум – Скопје ги отфрла обвинувањата во кои се поврзува со организација од Македонија што се најде на египетската листа на терористички организации.

Во допис насловен како јавен демант, скопското здружение најави дека ќе поведе судски постапки и ќе бара надомест на штета од оние за кои ќе се утврди одговорност за ширење невистинити и штетни тврдења.

„Нагласуваме дека споменувањето во документи на странски институции не претставува правен доказ дека станува збор за организацијата на која се однесува една таква неоснована одлука. Таквата идентификација бара официјална документација и прецизна проверка на правниот идентитет на организацијата“, се вели во демантот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ гради кула од 320 метри во Мајами (ВИДЕО)

Новак Ѓоковиќ веќе неколку години активно се префрла од тенисот на работните места што ќе ги работи по завршувањето на неговата неверојатна кариера.

Србинот продолжува да им пркоси на физиката и се обидува да освои уште еден голем трофеј на 39-годишна возраст.

Од друга страна, тој е вклучен и во развојот на ATMA, нов луксузен бренд на Aman Group, кој има план да направи нешто навистина големо во Мајами.

Имено, идејата е да се комбинираат сместување, спортски објекти и програми што ќе помогнат во здравјето, закрепнувањето и долговечноста. Централната фигура на сè ќе биде облакодер во Брикел, во една од најпознатите и најлуксузните области во Мајами. Се наведува дека кулата ќе достигне висина од 320 метри, што е три пати повисоко од Белградската кула...

View this post on Instagram

A post shared by Aman (@aman)

Ѓоковиќ и Aman Group започнаа соработка во 2024 година. Српскиот тенисер треба да учествува во планирањето на програмата и идеите што луѓето ќе ги користат.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Ја обновуваме жичарата, Скопје повторно ќе ужива во својот најубав поглед

Градоначалникот на Град Скопје, Орце Ѓорѓиевски, денеска направи увид во работните активности за обнова на жичарата на Водно.

- Жичарата е едно од омилените скопски доживувања. Таа нѐ носи поблиску до природата и до глетката што секогаш нѐ потсетува колку е убав нашиот град. Но, при увид, беа констатирани сериозни недостатоци, последица на долгогодишното неспроведување на неопходните големи сервиси и редовното одржување од страна на претходните раководства. Беше потребен обемен и темелен зафат, занемаруван речиси една деценија. Затоа жичарата беше ставена вон функција. За мене, безбедноста на нашиот народ е пред сѐ. Тука нема компромис. Сега сме посветени на нејзината целосна реконструкција. За безбедно возење, сигурна работа и спокојство за секој посетител – изјави Ѓорѓиевски.

Градоначалникот Ѓорѓиевски истакна дека во тек се зафатите за обнова на жичарата и темелна реконструкција на кабините, а се очекува да пристигне и моторот кој е испратен на репарирање надвор од државава.

- Очекуваме за многу кратко време, веќе следниот месец, по завршувањето на работите и неопходните безбедносни проверки, жичарата повторно да ги пречека скопјани и гостите на нашиот град. Го обновуваме она што со години било запоставувано. Со одговорност, со работа и со дела. Го враќаме сјајот на Скопје рече Ѓорѓиевски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.