Македонија

Поевтинува струјата за домаќинствата во прв и втор блок, како и за малите потрошувачи

Струјата за домаќинствата во првиот и во вториот блок од 1 јануари се намалува, а се зголемува во третиот и четвртиот блок.

Намалување има и на цената за малите потрошувачи, соопшти денеска на прес-конференција претседателот на Регулаторната комисија за енергетика Марко Бислимоски.

Цената на електрична енергија кај домаќинствата за прв блок се намалува за 4,11 проценти, за втор блок за 2,95 проценти, на третиот блок се корегира и се зголемува за 0,85 проценти, а за четвртиот се зголемува за 7,65 проценти.

Во новата цена на струјата од 1 јануари е пресметано и зголемувањето на ДДВ-то од 5 на 10 проценти.

-За да не се почувствува ефектот од зголемувањето на ДДВ, ги намаливме цените во првиот и вториот блок, рече Бислимовски, информирајќи дека делумно се прифатени барањата на енергетските компании, како и дека има фактори на корекција кои ги имплементирале во одлуката.

Како што информира, вкупната цена за електрична енергија на малите потрошувачи од 1 јануари се намалува за 20,15 проценти. Таа цена ќе се применува за 70.000 компании во државата кои во изминатиот период се соочуваа со зголемени трошоци. Тоа се мали и микро компании, мали дуќани фризерници, берберници, мали кафулиња, рече Бислимоски.

Според него, 99,2 проценти од домаќинствата во државата ќе имаат намалени цени на електрична енергија.

-Доколку продолжат домаќинствата да штедат, многу мал процент ќе имаат зголемени трошоци за електрична енергија. Тоа се конкретни мерки коишто ќе им помогнат на граѓаните за да им се подобри нивниот животен стандард, рече Бислимоски.

Тој соопшти дека со овие одлуки, цената за пренос на електрична енергија се намалува за 8,66 проценти, а за дистрибуција за 19,54 проценти. Тоа, посочи, е дополнителна помош и за компаниите коишто се на слободниот пазар на електрична енергија затоа што нивните трошоци за мрежарина, која го вклучува преносот и дистрибуцијата се намалуваат речиси за 20 проценти.

-Она што е исто така многу битно, во изминатиот период имаше реакции дека трошокот за мрежарина е поголем од трошокот за енергија. Сега тоа ќе се промени поради тоа што трошокот на дистрибуција на електрична енергија за категоријата каде што се приклучени домаќинствата тоа е ЛВ2 се намалува за 20,6 проценти, рече Бислимоски.

Во пресрет на денешната одлука на РКЕ, МЕПСО побара зголемување на цената за пренос на електрична енергија за 29,75 отсто, „ЕВН електродистрибуција“ намалување на услугата за дистрибуција за 2,8 отсто, а универзалниот снабдувач „ЕВН Хоум зголемување за пет отсто на цената за снабдување на малите потрошувачи и домаќинствата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Чудо во венецуела! По шест дена, дете извлечено живо од под урнатините!

Вкупниот број на загинати во земјотресите кои минатата недела ја разурнаа Венецуела сега изнесува 1.943, изјави претседателот на Националното собрание Хорхе Родригез, додека бројот на повредени речиси се дуплираше на 10.571.

Јорданските спасувачи во Венецуела извлекоа дете од урнатините по шестдневните разорни земјотреси минатата недела, соопштија венецуелските власти.

Јорданските спасувачи го извлекоа Клибер Моран од зградата „Лос Коралес Гарден 1“ во Ла Гваира откако помина шест дена под урнатините, изјави потпретседателката на Венецуела, Делси Родригез, во објава на Телеграм.

Венецуела беше погодена од два силни земјотреси со јачина од 7,2 и 7,5 степени според Рихтеровата скала минатата среда, со разлика од една минута, што предизвика уривање на бројни згради и закопа илјадници луѓе под урнатините, соопштија властите и спасувачките екипи.

¡Un verdadero milagro en La Guaira!

Tras 6 días bajo los escombros del edificio Los Corales Garden 1, el pequeño Klieber Morán (3 años) ha sido rescatado con vida.

Gracias a la misión de rescatistas de Jordania por este acto heroico

¡La esperanza sigue intacta! 🇻🇪🙏 pic.twitter.com/oqXK6clSRK
— Cuatro F Web (@CuatroFWeb) June 30, 2026

Пратка на УНИЦЕФ со 47 тони хуманитарна помош пристигна во Венецуела во вторник, изјави портпаролот на организацијата, Стефан Дижарик, наведувајќи дека помошта ќе биде наменета за деца и семејства погодени од катастрофата.

Пратката содржи комплети за итна медицинска помош, вклучувајќи опрема за безбедно породување, грижа за новороденчиња, како и средства за превенција и лекување на болести, додаде Дижарик.

Тагови: Венецуела земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Младите за ЗНАМ 2.0: Да ги погледнеме во очи оние кои зад затворени врати ја кројат нашата иднина

Денеска ќе бидеме тука - да ги погледнеме во очи оние кои зад затворени врати ја кројат нашата иднина.

Да ги видиме луѓето без имиња, политиката на иднината без лице и иднината што ни ја подготвува Христијан Мицкоски.

Ние, младите, ќе бидеме тука да видиме кој во наше име, зад затворени врати, под превезот на тајноста и странските принципи на доверливост, крои наша судбина.

Да ги погледнеме во очи и да им порачаме јасно:

Нема да одлучуваат наместо нас.

Нема да одлучуваат во име на организираната криминална група.

Нема да одлучуваат во име на Христијан Мицкоски.

Ние младите знаеме што сакаме.

Ние сакаме Европа.

Сакаме да останеме во својата татковина, но во европска Македонија - држава во која владее демократија, во која се знае што е вистина, во која правдата победува.

Тоа е вистински патриотизам.

Ние младите нема да дозволиме некој зад затворени врати да ја одредува нашата судбина.

Нема да победат криминалот, корупцијата и интересите на други држави.

Младите ќе победат!

Изјава, Петар Огњеновиќ - СДММ

Скопје, 01.06.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Меси, Мбапе и Халанд во трка по Златната копачка

Борбата за титулата светски шампион влегува во својата највозбудлива фаза, но во исто време се води и голема трка за едно од најпрестижните индивидуални награди - Златната копачка за најдобар стрелец на Светското првенство.

По групната фаза и првите натпревари од елиминациската рундата, се издвоија тројцата евидентни кандидати за круната најдобар мундијалски стрелец или голгетер.

Во моментов прв на листата на најдобри стрелци е Лионел Меси со шест постигнати гола,постигнати за само 223 минути минати за зелениот терен.Во исто време, аргентинскиот капитен дополнително го зацврсти своето место во историјата како најдобар стрелец на Светските првенство со вкупно 19 гола.

По двата гола во осминафиналето, Килијан Мбапе исто така има шест гола, но стигна до истата бројка за 375 минути игра, додека Ерлинг Халанд останува во сериозна конкуренција со пет и чека можност да го заземе првото место.

По нив следат Усман Дембеле и Винисиус Жуниор со по четири гола.

„Златна копачка“:

Лионел Меси – 6 гола (223 минути)

Килијан Мбапе – 6 гола (375 минути)

Ерлинг Халанд – 5 гола (309 минути)

Усман Дембеле – 4 гола (225 минути)

Винисиус Жуниор – 4 гола (293 минути)

Дениз Ундав – 3 гола (106 минути)

Јохан Манзамби – 3 гола (146 минути)

Исмаила Сар – 3 гола (274 минути)

Коди Гакпо – 3 гола (394 минути)

Брајан Броби – 3 гола (245 минути)

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.