Приматот беспрекорен процес на гласање ќе остане за некој друг круг или избори барем од технички аспект, уште при првото отворање на гласачките места во 07:00 часот, проблемите од изборите пред три години излегоа на виделина, иако во помал број, сепак се присутни. Биометриските фингерпринт уреди за идентификација и годинава создаваат главоболки. Иако гласачките места се отворија, дел од граѓаните не можеа да пристапат позади параванот оти уредот немал батерија, па чекаа да се наполни.
-Апаратчето за отисок дека не работи, има празна батерија, чекаме да се наполни. Од работа, од трета смена дојдовме тука. / Први дојдовме, три до 7 и за минута-две, за минута-две, испаднаа 32 до сега, нешто со тој апаратот, ако не бива и ќе си одиме, што да правиме, цел ден да седиме овде? Ајде повелете – Еве, конечно ајде..
И покрај неколку неделната обука, сепак дел од одборите имаа проблем да го спроведат идентификувањето на отпечатокот,па се користеа документите...
Некои се пожалија, други пак на шала го искоментираа процесот...
Утринава не изостанаа ниту приговорите до ДИК, каде граѓани се пожалија дека не можат да се најдат на гласачките списоци. Од 12 приговори, за дел се одлучило, дел се нецелосни, а дел се отфрлени... Некои од граѓаните пак не можеа да си го остварат правото на глас поради стари и неважечки документи.
Гласањето е обврска на секој граѓанин и истата треба да си ја исполни, велат оние кои ги затекнваме на терен, а воедно посочија и што очекуваат по изборите...
Од избирачките одбори сепак беа задоволни како се одвиваше изборниот процес утринава и уверуваат дека немало никакви нарушувања на истиот...
Инаку, од МВР најавија дека и денеска ќе им издаваат лични документи на граѓаните денеска од 8 до 19 часот за да се овозможи исполнување на демократското право на сите.