Македонија

Поддршка на законските измени за задолжително парно во новите градби каде има можност

Тоа се предвидува со Предлогот законот за изменување и дополнување на Законот за градење, по скратена постапка, што денеска доби поддршка од собраниската Комисија за транспорт, дигитална трансформација, животна средина и просторно планирање.

Станбено-деловните градби и градбите за колективно домување на подрачја на кои има техничка можност за приклучок на систем за дистрибуција на топлинска енергија, задолжително да се проектираат и изведуваат со целокупната машинска односно техничка инсталација за спроведување на топлинската енергија преку парно греење.

Тоа се предвидува со Предлогот законот за изменување и дополнување на Законот за градење, по скратена постапка, што денеска доби поддршка од собраниската Комисија за транспорт, дигитална трансформација, животна средина и просторно планирање.

Матичното собраниско тело заклучи да го проследи во натамошна постапка Предлогот законот откако констатираше дека не се поднесени амандмани.

Со законот треба да се овозможи ефикасно користење на енергијата и топлинската заштита во градските средини каде има можност за приклучување на инсталации за снабдување со топлинска енергија како парно греење, со што ќе се придонесе и кон унапредување на животната средина во градските средини во текот на зимскиот период.

- Измените се носат поради проблемите во пракса со обезбедување на квалитетно и унифицирано снабдување со топлинска енергија на сите градби за колективно домување и станбеноделовните градби. Целта е да се овозможи стандард во модерното градско живеење кој ќе овозможи намалување на загадувањето во зимскиот период, информира Владата во образложението на Предлог-законот.

На седницата на Комисијата поддршка доби Предлог законот за дополнување на Законот за јавни патишта, во прво читање, кој е со европско знаменце.

Тагови: парно

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Димитриеска-Кочоска на Есенските средби на ММФ и Светска банка во Бангкок

Министерката за финансии Гордана Димитриеска-Кочоска ќе учествува на редовните Есенски средби на Меѓународниот монетарен фонд (ММФ) и Групацијата на Светска банка, кои оваа недела се одржуваат во Бангкок, Тајланд.

Во рамки на средбите, министерката ќе оствари билатерални средби со високи претставници на Светска банка и ММФ, како и со претставници на меѓународни финансиски институции, како и учество на состаноци посветени на регионалните економски перспективи и глобалните економски предизвици.

Во рамки на средбите, министерката ќе оствари работна средба со потпретседателката на Светска банка, Антонела Басани, и потпретседателот на Меѓународната финансиска корпорација (ИФЦ) за Европа, Латинска Америка и Карибите, Алфонсо Гарсија Мора. Предвидена е и средба со извршниот директор на Светска банка за Конституенцата во која членува Македонија, Јуџин Ругенаат. На средбите ќе се разговара за тековната соработка, активностите што се реализираат и можностите за нејзино натамошно унапредување.

Министерката ќе оствари средба и со заменикот на генералниот директор на ММФ, Бо Ли, како и со директорот на ММФ за Европа, Матеуш Шчурек.

Во агендата се и средбите со извршниот директор на ММФ, Јерун Клик, и заменикот на извршниот директор, Марникс ван Рај, како и учеството на состанокот на земјите од изборната конституенца и настаните посветени на регионалните економски перспективи.

На агендата се и состанокот на земјите од изборната конституенца, настаните во рамки на Годишните средби, како и пленарната сесија на Годишните средби на ММФ и Светска банка.

Учеството на овие средби претставува можност за размена на мислења за актуелните економски движења, фискалните политики и можностите за унапредување на соработката со меѓународните финансиски институции.

Во составот на делегацијата на Есенските средби е и гувернерот на Народната банка Трајко Славески.

Тагови: Гордана Димитриеска-Кочоска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Училиштниот базен „Партизан“ денеска се примопредава на пливачката федерација

Со ставањето во функција на новиот базен, Карпош добива значаен спортски капацитет и создава нови можности за развој на пливањето, работа со млади категории и унапредување на спортот.

Училиштниот базен „Партизан“ денеска се примопредава на пливачката федерација. Уште во 2023 година во Општина Карпош почна изградбата на затворен пливачки базен од втора категорија, кој од властите беше претставен како значаен капитален проект кој ќе придонесе за унапредување на спортот, образованието и здравиот развој на младите генерации. Денеска, три години подоцна најавуваат дека училишниот базен „Партизан“ од Општина Карпош официјално ќе биде примопредаден на националната пливачка федерација на македонија. Со ставањето во функција на новиот базен, Карпош добива значаен спортски капацитет и создава нови можности за развој на пливањето, работа со млади категории и унапредување на спортот.

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Пиперки во сос

Во вторник (06.10.2026) во емисијата гостин ни бeше Зоран Рудан-Цеки.

Состојки за денешниот рецепт:

5 зелени пиперки

2 црвени пиперки

3 домати

3 чешниња лук

80 гр. фета сирење

2 млади кромитчиња

масло

сол и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.