Живот

Под мразот на Антарктикот научниците откриле одамна изгубен свет

Во оддалечен регион на источен Антарктик познат како Вилксова Земја, научниците откриле огромен древен пејзаж кој останал недопрен повеќе од 34 милиони години.

Оваа област, со големина на Белгија, се наоѓа длабоко во внатрешноста на континентот, далеку од брегот и лежи под повеќе од 1,5 километри мраз.

„Временска капсула“

Користејќи сателитски податоци и радар што продира во мразот, истражувачите заклучија дека овој заборавен свет некогаш бил „ишаран“ со реки, покриен со шуми, па дури и со палми!

Некои докази постоеле и претходно, како што е поленот од палми откриен покрај брегот на Антарктикот, што укажува на некогаш буен, зелен пејзаж, објавува Дејли Меил.

Се проценува дека целата област покрива повеќе од 31.000 квадратни километри, приближно со големина на американската држава Мериленд.

„Како да се најде во временска капсула“, рече професорот Стјуарт Џејмисон, главен автор на студијата од Универзитетот Дарам.

Поголема енигма од Марс

Во дамнешно време, како што континентите се поместувале, Антарктикот постепено се поместувал кон Јужниот Пол. Оваа промена предизвикала формирање на силна океанска струја околу континентот, изолирајќи го од потоплите води.

Во исто време, концентрацијата на јаглерод диоксид во атмосферата почнала да се намалува, што довело до глобално ладење. Комбинацијата од овие фактори предизвикала формирање на масивни ледени покривки, претворајќи го Антарктикот во „замрзната пустина“ каква што е денес.

„Земјиштето под антарктичкиот леден покрив на исток е помалку познато од површината на Марс“, нагласил Џејмисон.

Тој додал дека тимот истражува мал дел од скриениот пејзаж за да дознае повеќе за неговата еволуција, но и за историјата на самиот леден покрив.

Зачудувачки пејзаж

Студијата открила драматичен пејзаж под мразот, со импозантни гребени и длабоки долини кои останале заробени милиони години. Идентификувани се три блока на издигнато земјиште, со димензии помеѓу 120 и 170 километри и ширина до 85 километри. Овие области се одделени со долини широки до 40 километри, кои се спуштаат до 1.200 метри длабочина.

„Неверојатно е што овој пејзаж, скриен со векови, може да ни каже толку многу за раната и долгорочната историја на Источниот антарктички леден покрив“, рече професорот Нил Рос, геофизичар на Универзитетот во Њукасл и коавтор на студијата.

Откритието, исто така, дава увид во тоа како ледениот покрив би можел да се однесува во иднина, поради климатските промени. Користејќи сателитски снимки, научниците откриле суптилни „испакнатини“ на површината, а потоа користеле компјутерски модели за да реконструираат како пејзажот се менувал со текот на времето.

„Она што го гледаме е древна површина на земјиштето која не е еродирана од мраз - изгледа како да била обликувана од реки пред да пристигне мразот“, објасни професорот Џејмисон.

Научниците предупредуваат

Во тоа време, регионот веројатно бил полн со реки и густи шуми кои напредувале во умерена клима. Иако околниот мраз делумно се стопил во текот на потоплите периоди, никогаш не исчезнал доволно за да го открие заробениот пејзаж.

Научниците предупредуваат дека ако глобалното затоплување продолжи, делови од ледениот покрив би можеле повторно да се повлечат. Сепак, за да се стигне до овој древен свет, потребно е да се пробие низ повеќе од еден и пол километар мраз, што бара огромни инвестиции и време.

„Ќе продолжиме да истражуваме и да ги пополнуваме празнините таму каде што немаме податоци, бидејќи сакаме подобро да разбереме како ледената покривка и подземниот свет под неа се менувале во текот на нивната долга историја“, рече Џејмисон.

Тагови: Антарктикот научниците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу?

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.