Под Мексико се крие чудо на природата- подводна пештера долга 520 километри одзема здив (ВИДЕО) - Канал 5

Под Мексико се крие чудо на природата- подводна пештера долга 520 километри одзема здив (ВИДЕО)

Под гламурозните одморалишта, плажи и луксузни хотели на полуостровот Јукатан, кои привлекуваат милиони туристи секоја година, се наоѓа еден од најфасцинантните „подводни светови“ на планетата.

Под Мексико се крие чудо на природата- подводна пештера долга 520 километри одзема здив (ВИДЕО)

Додека метежот на туристите може да се чуе на површината, само неколку метри под нив се наоѓа огромна мрежа од тунели, подземни реки и кристални комори, познати како Ox Bel Ha (Три патеки на вода).

Уникатни суштества

Овој спектакуларен подводен (пештерски) систем, најголем од ваков вид во светот, досега е истражен 524 километри, но се верува дека вистинската бројка е уште поголема.

Истражувачите откриле „комори“ обложени со минерални кристали во системот, кои светат како мраз под светлината на ламбите за нуркање, објавува Daily Mail.

Во подводниот систем има и огромни понори, додека во нив живеат 38 уникатни видови, еволутивно прилагодени на вечна темнина и тишина.

YouTube video

Голем ризик за истражувачите

Геолозите објаснуваат дека Ox Bel Ha е формиран пред неколку милиони години, кога дождовницата реагирала со варовник и „издлабила“ мрежа од канали.

Кога заврши последното ледено доба, зголемувањето на нивото на морето го потопи овој свет и го „запечати“ во неговата сегашна форма.

За истражувачите, секое нуркање во Окс Бел Ха претставува комбинација од физичка издржливост и подготвеност да се соочи со смртен ризик.

Нуркачите минуваат низ тесни пукнатини во кои едвај може да се собере човек, влечат опрема зад себе, трошат кислород побрзо отколку на површината и секогаш ризикуваат да ја изгубат трагата на кабелот што ги враќа назад на безбедно.

Секоја грешка може да биде фатална.

YouTube video

Децении мапирање тунели

Фасцинантниот подводен систем е откриен во 1996 година, кога влезот е пронајден во една од дупките, познати како сеноти, кои инаку се карактеристични за Мексико.

Оттогаш, тимови истражувачи, вклучувајќи ја и групата CINDAQ, посветија децении на мапирање на пештерата. И покрај континуираните напори, Окс Бел Ха продолжува да изненадува.

Дури и во 2022 година, нуркачите пронајдоа цел неистражен дел од тунелот додека следеа кабел за кој мислеа дека веќе е темелно истражен.

„Беше како да бевме првите луѓе што отидоа таму“, рекоа тие во тоа време.

Во маратонските нуркања што траеле од шест до осум часа, експедицијата таа година додала уште 10,1 километар нови пасажи на мапата.

Трагедија во темните длабочини

Опасностите од истражувањето трагично беа потврдени во април истата година, кога искусен руски нуркач исчезна за време на нуркање. Неговото тело подоцна беше пронајдено само неколку сантиметри од неговиот резервен резервоар.

Се верува дека тој се дезориентирал во калливиот облак, останал без воздух и не можел да избега.

Иако Окс Бел Ха е најдолгиот познат подводен систем на Земјата, научниците веруваат дека неговиот целосен обем е само делумно откриен.

Секое ново нуркање може да открие друг свет, друг тунел, друга пештера што била скриена од очите на човештвото илјадници години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер