Почнува вакцинација со четврта доза против ковид-19

Четврта доза на вакцина може да примаат луѓето над 18 годишна возраст кои примиле трета доза на вакцина и може да се прими и четири месеци по примањето на третата доза, велат од комисијата за заразни болести.

Граѓаните може да од денеска да се обратат во вакциналните пункотови и нема потреба од закажување. Вакцинацијата ќе биде со вакцините на Фајзер и Модерна. Четврата доза се препорачува кај хронично болните, пациенти со дијализа, трансплантирани, онколошки и кај луѓе над 60 години.

Високите бројки на заразени не носат строги мерки, велат од комисијата засега Македонија е се уште во зелена зона, бидејќи омикрон варијантата носи леси симптоми и нема висока бројка на болнички пациенти и починати. Но, од комисијата ја следат состојбата и доколку треба ќе има нови мерки.

Засега задолжително маски се носат во јавниот превоз, болниците, аптеките и старечките домови.

Халанд беше опоменат поради пцуење, новинарот го цензурира (ВИДЕО)

Ерлинг Халанд ги постигна двата гола на Манчестер Сити во победата над Вест Хем (2:0) на отворањето на англискиот шампионат и со тоа на најдобар начин се претстави во новата лига, во која пристигна како голема ѕвезда од Борусија Дортмунд.

Зборувајќи со новинарот на Скај, Џеф Шривс, по натпреварот, тој двапати опцу.

„Добар почеток, нема што друго да се каже. Беше добро да се настрапи , да се добие минутажа во раната фаза, но ќе биде добро“, рече Халанд.

Тренерот Пеп Гвардиола го извади од игра во 78. минута. Тој беше запрашан дали се кае што не постигна хет-трик. Поради неговиот одговор, Скај мораше да ја цензурира изјавата. „Видовте што направи Илкај Гундоган откако излегов, требаше да бидам таму. Сра*е, но тоа е“, рече тој, што го поттикна Шривс да го замоли да внимава на речникот.

„Сра*е, извини. Не зборувам добро во оваа земја“, рече потоа Халанд и му се насмеа на репортерот. Првиот гол, норвешкиот напаѓач го постигна во 36. минута од пенал, кој сам го доби, додека вториот падна во 65. кога Кевин де Бруин му даде топка, а тој го намести на левата нога и погоди.

САД испраќаат досега најголем пакет оружје за Украина

Соединетите Американски Држави денеска ветија дека ќе ѝ испратат на Украина нов пакет оружје и воена опрема во вредност од милијарда долари.

Новиот пакет оружје ќе вклучува ракети за моќни повеќецевни ракетни фрлачи HIMARS, илјадници артилериски гранати, минофрлачи, рачни противтенковски ракети Javelin и друга муниција и опрема.

Така, вредноста на оружјето и опремата што Америка ги испратила или ќе ги испрати во Украина од почетокот на руската инвазија достигна 9,1 милијарди долари.

„Поминаа речиси шест месеци од почетокот на неиспровоцираниот и брутален напад врз Украина. Русите продолжуваат да ги уништуваат украинските градови и села. Претседателот Бајден јасно изјави дека САД ќе продолжат да го поддржуваат украинскиот народ во одбрана од руската агресија, без разлика колку долго е потребно “, изјави денеска американскиот шеф на дипломатијата Антони Блинкен.

„Како дел од тие напори, денеска, со одобрение на претседателот Бајден, го одобрив досега најголемиот пакет американско оружје и воена опрема за Украина“, рече Блинкен.

Локализиран пожарот кај Дојран и Богданци

Пожарот кај селото Фурка и браната Паљурци, помеѓу општините Дојран и Богданци е локализиран со здружени и координирани сили, со дејство и од земја и од воздух. 

Огнот е опкружен и догорува само во контролирани површини, соопшти вечерва Центарот за управување со кризи.

Со локализирање на пожарот се прегрупираат силите за негово догасување. Дел од луѓето на терен ќе дежураат до рано наутро кога е предвидено вработени од Јавно претпријатие Национални шуми (ЈПНШ) Подружница Кожув Гевгелија да ја проценат ситацијата на локализираниот пожар, по што ќе се одлучи како ќе се дејствува за негово догасување, велат од ЦУК.

За гасење на пожарот во текот на денот беа ангажирани еден полициски хеликоптер, еден армиски хеликоптер и авионот „ер трактор“ од Дирекцијата за заштита и спасување заедно со пожарникари и вработени во шумските стопанства и комунални претпријатија од Гевгелија, Дојран, Кавадарци, Валандово и Струмица, а помогна и дел од локалното население.

притисни ентер