Балкан

Почнува судски процес за досието „Партизан“, во кој се обвинети Бериша и неговиот зет Малтези

Специјалното обвинителство против корупција и организиран криминал (СПАК) поднесе обвиненија против Бериша и Малтези за злоупотреба на службена должност, корупција, прикривање на имот и перење пари.

Специјалниот суд против корупција и организиран криминал (GJKKO) одлучи да почне судски процес за досието „Партизан“, во кој се обвинети поранешниот премиер и лидер на Демократската партија, Сали Бериша, неговиот зет за ќерка, Јамарбер Малтези и уште неколку бизнисмени.

-Одлуката ја донесе судијката Флојера Давиди. Постапката за Бериша и Малтези траеше седум месеци откако адвокатите побараа да се прогласат за неважечки актите на судијката Ирена Ѓока. Нивните адвокати обвинуваа дека таа е судија која не е избрана по закон и секоја одлука донесена од неа е донесена со кршење на законот. Сепак, GJKKO одлучи да ги отфрли тврдењата на одбраната, објавија албанските медиуми.

Специјалното обвинителство против корупција и организиран криминал (СПАК) поднесе обвиненија против Бериша и Малтези за злоупотреба на службена должност, корупција, прикривање на имот и перење пари. Покрај нив под обвинение се и бизнисмените Фатмир Бекташи, Џими Бегеја, Андија Пустина и претставници на две градежни компании.

На Бериша (81) му беше одредена мерка „куќен притвор“ на 30 декември 2023 година, откако одби да ја спроведе мерката „обврска за јавување“, сметајќи ја за неуставна. Од домашен притвор беше ослободен на 27 ноември минатата година, со одлука на GJKKO. Неговиот зет, Малтези, е во домашен притвор повеќе од година и пол.

Бериша е обвинет од СПАК за сторено кривично дело „Пасивна корупција на високи државни функционери или локални избраници“, извршено во соработка, во врска со приватизацијата на поранешниот спортски комплекс „Партизан“.

Според СПАК со помош на Бериша, како премиер, неговиот зет, го приватизирал целиот комплекс и на големиот простор, во центарот на Тирана, изградил повеќекатници, здобивајќи се со профит од над пет милиони евра.

По соопштувањето на денешната одлука на судот, на новинарско прашање дали побарале скратен судски процес, адвокатот Генц Ѓокутај изјави дека „не побарале, бидејќи недостасува кривичниот факт“, обвинувајќи го при тоа премиерот Еди Рама дека „успеа да го однесе случајот на суд преку неговата агенција GJKKO“. /МИА

Тагови: Бериша Малтези

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.