Почнува првиот фестивал „Summerland 2019" - Канал 5

Забава

Почнува првиот фестивал „Summerland 2019"

 Од вечерва до 28 јули овој месец во Градски парк, со главна бина на Школка, ќе се одржува првиот фестивал „Summerland 2019".

Почнува првиот фестивал „Summerland 2019"

Посетителите ќе можат секојдневно да уживаат во музичка програма и забавни активности за сите возрасти.

Фестивалот „Summerland" е под покровителство на Град Скопје. Градските власти за оваа манифестација имаат издвоено четири милиони денари.

– По доброто искуство што Скопје го имаше со „Винтерленд", го најавуваме вечерашното отворање на „Самерленд" што ќе биде лоциран во Градскиот парк, кај Школка. Почнувајќи од вечерва па се до крајот на месецов граѓаните на Скопје ќе можат секоја вечер да уживаат во богата уметничка програма, изјави скопскиот градоначалник Петре Шилегов.

Шилегов смета дека „Summerland 2019" за скопјани ќе биде пријатно место каде ќе може да го поминуваат своето слободно време, да се дружат, рекреираат и изрази надеж дека оваа манифестација ќе стане традиционална.

Забавната програма на „Summerland" ќе се одвива секојдневно од 18:00 до 00:30. Отворањето ќе биде вечер во 22 часот со групата „Нокаут". Утре ќе настапат ЕКВ, Бјиело Дугме Трибјут и Ѓорѓе Балашевиќ Трибјут, а в сабота и недела ќе има странски артисти кои прават светски шоуа со трибјути на Арктик Манкис и Џо Кокер и Ајрон Мејден и Металика.

Покрај музичките изведувачи кои ќе настапуваат секој ден, во рамки на фестивалот ќе има и Fun зона со друштвени и видео игри, флипери, фудбалчиња и табла. За најмладите ќе има детско катче со едукативни и забавни настани, а предвидени се и изложби, цртање во живо, часови по танц, спортски активности, панел дискусии, кино на отворено и уште многу содржини...

Одговарајќи на новинарско прашање за автобусите од јавниот градски превоз и оти во дел од нив нема клима, Шилегов рече концесискиот договор со приватните превозници го има наследено како градоначалник во времетраење од пет години и преостануваат уште две ипол години.

– Видот, типот, квалитетот на автобусите се определни од претходната градска администрација и ние сме немоќни. Постојат активни договори со приватните концесионери и квалитетот на автобусите кои тие го имаат. Се грижиме автобусите на ЈСП „Скопје" секогаш да бидат климатизирани, рече Шилегов.

Прашан дали одлучил кој ќе биде директор на Младинскиот културен центар (МКЦ), Шилегов појасни дека се уште нема извештај од Комисијата и најави оти се ќе биде соопштено.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Херојски потег: Возач на автобус спаси 35 деца од ужасен пожар во возилото (ВИДЕО)

Огромни пламени го зафатија автобусот на Мерцедес, а пожарникарите не беа во можност да го спасат возилото.

Херојски потег: Возач на автобус спаси 35 деца од ужасен пожар во возилото (ВИДЕО)

Сепак, вистинскиот херој стоеше настрана - возачот на автобусот успеа навреме да ги извлече сите 35 ученици од основно и средно училиште од возилото, пишува Bild.de.

Автобусот се движел по Индустриштрасе во Хиршшајд, во округот Бамберг, во германската сојузна покраина Баварија, околу 7:20 часот утрово.

„Децата на задниот дел од автобусот одеднаш почувствуваа мирис на чад. Веднаш го известија возачот“, изјави портпаролот на полицијата Александар Крап (49) за германскиот весник Bild.

Како што додаде, возачот реагирал брзо, го запрел автобусот, ги отворил вратите и им помогнал на сите деца да излезат од возилото.

Сите 35 ученици спасени од запалениот автобус

Само неколку моменти подоцна, пламенот почнал да избувнува од задниот дел на автобусот, а потоа брзо се проширил на целото возило. Кога пожарникарите пристигнале на местото на настанот, автобусот на Мерцедес веќе бил целосно зафатен од пламен. Пожарникарите дозволиле возилото да изгори на контролиран начин.

Материјалната штета е проценета на околу 20.000 евра.

Децата биле однесени во училница во блиското основно училиште, каде што биле прегледани од лекар од итната помош.

„За среќа, ниту едно од 35-те деца не е повредено“, заклучи портпаролот на полицијата Кр ап.

Истрагата за причината за пожарот е во тек.

Тагови: автобус возач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ким Кардашијан позира на Филипините во фустан направен од јажиња (ФОТО)

Ким Кардашијан сподели серија фотографии на Инстаграм од нејзиното патување на Филипините, каде што замина пред својот 46-ти роденден, кој ќе го прослави следната недела.

Ким Кардашијан позира на Филипините во фустан направен од јажиња (ФОТО)

На сликите, кои таа ги опиша како „роденденска авантура“, се гледа како ужива во зајдисонце, романтична вечера, огномет и нуркање.

Една објава особено привлекува внимание: на неа таа носи фустан направен целосно од јажиња што ѝ ги покриваат градите. Ова е само една од неколкуте провокативни комбинации што таа ги сподели со своите следбеници.

Моменти поминати со нејзиното момче

На некои од фотографиите од Филипините, таа е во друштво на своето момче, возачот во Формула 1, Луис Хамилтон. Парот беше заедно и минатата недела во Сингапур, каде што Кардашијан го бодреше Хамилтон на една трка. Таа беше фотографирана облечена во полупроѕирен розов фустан.

Тагови: Ким Кардашијан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во Италија: Учениците и студентите се судрија со полицијата (ВИДЕО)

Антивладините протести на студенти и средношколци продолжија во голем број градови низ Италија, а за време на демонстрациите избувнаа неколку инциденти во кои незадоволните демонстранти се судрија со полицијата.

Хаос во Италија: Учениците и студентите се судрија со полицијата (ВИДЕО)

Средношколци и студенти, кои бараат државата да издвои повеќе средства за училиштата и универзитетите, фрлаа камења, јајца и ракети кон полицијата во Торино, јавува агенцијата ANSA.

Безбедносните сили активираа водни топови и солзавец, додека од градскиот плоштад одекнуваа скандирања „Сите ја мразат полицијата“. Полицијата ги потисна демонстрантите додека тие извикуваа слогани како „Пари за училишта, а не за војна“ и „Помалку оружје, повеќе права“.

Објавени се и снимки на кои се гледа како демонстрантите фрлаат огномет кон зградата на Министерството за образование во Рим. Знамињата на Соединетите Американски Држави (САД) и Израел беа запалени за време на студентскиот протест во тој град.

Меѓу демонстрантите во Рим, беа видени и демонстранти со качулки на главите, јавува агенцијата Adnkronos.

Почнувајќи од Пјаца дел Ескилино, студентите кои маршираа низ Рим за протестот „Ден без Мелони“ стигнаа до Виале Трастевере, каде што се наоѓа Министерството за образование, меѓу петарди, димни бомби и сирени. Студентите пееја и извикуваа „Валдитара, отвори ги вратите!“, според Аднкронос.

Протестниот марш во Болоња, во кој учествуваа околу илјада студенти, беше организиран на булеварите, со блокиран сообраќај на неколку места, а во близина на железничката станица, учесниците на протестот беа запрени од безбедносните сили во опрема за немири, објави италијанскиот јавен сервис РАИ.

Студентите запалија димни бомби и фрлаа шишиња, по што дојде до краток судир кога полицајците ги потиснаа со штитови.

По завршувањето на студентскиот протест во Милано, учесниците ја окупираа поранешната мртовечница на многу прометната Виа Франческо Сфорца, зад Државниот универзитет.

Во Верона утрово, група бунтовни ученици запалија контејнери на улица до стручно училиште, а 10 студенти беа испрашувани за инцидентот. Околу 2.000 студенти се собраа во Фиренца на протест, развевајќи голем транспарент на кој пишуваше „Ако ни ја одземете иднината, ќе ви ја блокираме сегашноста“.

Тагови: италија ученици

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер