Култура

Почнува 9. Интернационален театарски фестивал „Лица без маски“

Со музичката комедија „Собуј ги чевлите“ на приватниот театар „Лудум, лудум“ и Кинозоик агенција од Белград вечер на малата сцена во Македонската опера и балет ќе биде отворен 9. Интернационален театарски фестивал „Лица без маски“, кој е посветен на професионалната независна театарска продукција, алтернативниот и експериментален театар.

Претставата за три месеци постигнала голем успех во Србија. Автор е Теодора Ристовски, а режисер Петар Ристовски. Учествуваат седум актери.
Деветтото издание на „Лица без маски“ ќе го отвори актерот Васил Зафирчев.

„Собуј ги чевлите“ е меѓу шесте претстави кои ќе бидат изведени на годинашниот фестивал „Лица без маски“ кој до 12 април ќе се одржува под мотото „Остани стабилен“. Во четирите фестивалски дена, покрај од Србија, ќе гостуваат и театри од Романија, Грција, Русија и од Италија, а ќе биде изведена и една македонска претстава.

- Се обидовме и оваа година да имаме програма која навидум ќе биде контроверзна и во исто време провокативна, затоа што овие претстави покрај свежината во естетиката што ја нудат, содржински допираат и актуелизираат многу горчливи теми за кој било човек на светот. Зборуваат за љубовта, прифаќањето на различностите, за рамноправноста, за теми кои се важни за ова заболено глобално општество, рече на прес-конференција Игор Ивковиќ, селектор на фестивалот.

На малата сцена на МОБ утре ќе гостува романскиот театар „Креирај, глуми, уживај“ од Клуж - Напока, кој на „Лица без маски“ гостуваше пред три години. Овојпат ќе настапи со мултимедијален проект „Галаксија“ кој раскажува за настанокот на светот и човекот во светот, односно за кореспондирањето на микрокосмосот и макрокосмосот.

Во понеделник, 11 април, на програмата се две претстави на малата сцена во МОБ - од 20 часот е визуелната приказна за историјата на Грција „19 Мај“ на грчкиот театар „Онеироу технитис“ од Атина, а од 22 часот ќе настапи независниот театар „Фабрика“ од Скопје со претставата „Госпоѓица Јулија“. Таа е единствена македонска претстава на годинашниот фестивал зашто од здравствени причини на една од актерките е откажана „Алма Малер“ која била планирана во програмата.

Двете претстави на последниот ден од фестивалот, 12 април, ќе бидат изведени на сцената на „Театар Комедија“ - од 20 часот е руската „Рефлексии“ на 32. Физички театар од Таганрод, а од 22 часот италијанската „Ромео и Јулио“ во изведба на театарот „Болоњиникоста“ од Рим. За ови две селекторот Ивковиќ посочи дека се работи за визуелно впечатливи претстави кои отвораат навидум табу, но суштински теми.
Програмата е натпреварувачка и шесте претстави ќе бидат во трка за трите фестивалски награди: Гран-при за најдобра претстава во целина, награда за најдобра актерска игра и награда за најдобра режија. Нив ќе ги оценува жири во кое се режисерот Синиша Евтимов и актерките Ирена Илиевска и Магдалена Ризова-Черних. Наградите ќе бидат доделени на затворањето на фестивалот во вторник.

Покрај претстави, секој ден од 11 часот на сцената во Универзална сала ќе се одржуваат и работилници кои ќе ги водат гостите-учесници на фестивалот.
- Како и секоја година, и оваа се трудиме на скопската и македонската публика да и понудиме претстави со алтернативен, експериментален и авангарден предзнак. Претставите се на еминентни и докажани независни театарски продукции од светот, рече Миодраг Костиќ, директор на „Лица без маски“.
Влезниците за претставите се по цена од 200 денари. Може да се купат на билетарницата на Универзална сала и на двете сцени каде што ќе се одржува фестивалот (МОБ и Театар Комедија).
Организатори на фестивалот се независниот „Театар 007“ и Конгресен центар „Александар Македнонски“-Скопје (Универзална сала), под покровителство и со финансиска поддршка на Град Скопје и Министерството за култура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Тепачка меѓу пилоти принудно приземји авион во Саудиска Арабија, Израел ги крена борбените авиони

Тепачка меѓу пилоти го приземји авионот на Флај – Дубаи со 174 патници и првично предизвика стравувања дека леталото е киднапирано..

Во авионот кој полетал од Дубаи кон Тел Авив принудно слетал во Саудиска Арабија, откако поради физичката пресметка во кабината бил активаран сигнал за тревога, а Израел превентивно покренал и бобени авиони, пренесува сајтот „Инет Њуз“.

A violent altercation and stabbing in the cockpit of a FlyDubai flight over Saudi Arabia this morning caused the 737-8 to plummet 18,400 feet in just under two minutes, exceeding its maximum operating speed by nearly 100 kts. The aircraft landed safely in Tabuk. https://t.co/POg0WCN1WS
— OSINTtechnical (@Osinttechnical) September 30, 2026

Сепак, инцидентот доби и поинаква интерпретација. Дел од израелските медиуми, повикувајќи се на сведоштва на патници во авионот, објавија дека едниот пилот наводно бил избоден со нож од друг и дека патниците помогнале да се изнесе напаѓачот од пилотската кабина. Според написите, контролата ја презеле други двајца пилоти кои се наоѓале во авионот..

Судбина

Нови детали за врската меѓу британската принцеза Дијана и докторот од Пакистан, Хаснат Кан

Поради него британската принцеза го читала Куранот, а неговата мајка не ја сакала за снаа?!

Книгата на Чарлс Спенсер откри детали за неисполнетите соништа на неговата сестра, принцезата Дијана, нејзината голема љубовна врска со д-р Кан и нејзиното бегство од кралскиот живот.

Мемоарите на Чарлс Спенсер, насловени „Лебедова песна: Дијана, мојата сестра“ (Swan Song: Diana, My Sister), објавени кон крајот на септември, открија нови детали за приватниот живот на покојната британска принцеза, со посебен осврт на нејзината љубовна приказна со д-р Хаснат Кан.

Во книгата, Спенсер наведува дека по завршувањето на бракот со Чарлс и вљубувањето во познат кардиохирург, Лејди Ди фантазирала за идеализирано и недостижно бегство во Јужна Африка, каде што во тоа време живеел нејзиниот брат.

Бидејќи секојдневниот живот во Англија за неа станал неподнослив, таа сонувала за мирен живот во кој Кан би работел во болница во Кејп Таун, а тие двајца би живееле далеку од очите на јавноста, верувајќи дека другиот крај на планетата би им пружил засолниште.

Покрај тоа, Спенсер во книгата се присети на моментот кога таа го праша дали може да се замисли во улогата на прва дама на Соединетите Американски Држави.

Имено, еден влијателен и постар Американец, кој ѝ се додворувал, ја убедувал дека сигурно би го освоил претседателскиот мандат доколку таа се согласи да се омажи за него и да стане негова „трофејна сопруга“.

Помислата на живот во Белата куќа ѝ била попривлечна од самиот додворувач, бидејќи во тоа гледала можност да преземе улога што би ги разбеснила нејзините противници во кралското семејство, а истовремено би внесла гламур во Вашингтон каков што не бил виден уште од времето на Џеки Кенеди.

Сепак, и тој план останал нереализиран, а пакистанскиот лекар останал запаметен како нејзината најголема љубов.

Провокации Дијана го запознала пакистанскиот кардиохирург Хаснат Кан во 1995 година, а нивната тајна емотивна врска траела речиси две години. Кан водел повлечен живот, посветен на својата лекарска професија и избегнувајќи го вниманието на медиумите, што претставувало целосна спротивност на нејзиното секојдневие.

Принцезата го нарекувала свој идеален маж и сериозно размислувала за брак и преселба во Пакистан. Сепак, под притисок на јавноста и поради непремостливи културни разлики, Кан се двоумеше да ја официјализира врската, што доведе до конечна разделба во летото 1997 година.

Набрзо по разделбата, Дијана ја прифатила поканата на богатиот Мохамед Ал-Фајед да летува со неговото семејство на луксузна јахта во јужна Франција, каде што започна романса со неговиот син Доди.

Многумина веруваа дека таа намерно им дозволувала на фотографите да ги овековечат нејзините интимни моменти со Доди за да предизвика љубомора кај Кан.

Иако Мохамед тврдел дека планирале брак и свршувачка, блиските пријатели на Дијана и официјалните истраги на британската полиција потврдија дека немало докази кои би укажувале оти таа планирала да се омажи за синот на Ал-Фајед.

Докторот Хаснат Кан денес има 68 години и изгради успешна медицинска кариера во Обединетото Кралство и во својот роден Пакистан.

Зборувајќи за причините поради кои се двоумел дали да се ожени со принцезата, тој нагласи дека најголем страв му била загубата на приватноста:

„Мојата главна грижа во врска со стапувањето во брак беше тоа што животот ќе ми станеше пекол поради тоа која беше таа.“ Тој се присети и на нивната последна средба во Лондон, по нејзиното враќање од одмор. Забележа промена во нејзиното однесување и отворено ѝ кажа дека се сомнева оти таа се гледа со некој од кругот на Ал-Фајед – нешто што таа во тоа време го негираше.

Кога преку медиумите дознал за нејзината нова врска, тој ја обвинил дека си го нарушува угледот со тоа што се движи во такво друштво.

По нејзината смрт во Париз во 1997 година, Кан енергично ги негирал тврдењата за бременоста на Дијана, истакнувајќи дека за време на нивната двегодишна врска таа била исклучително одговорна и внимателна во однос на контрацепцијата.

Тој исто така открил дека принцезата страдала од параноја во последните години од својот живот, убедена била дека е под надзор, дека нејзините телефони се прислушуваат и дека некој намерно ги оштетил сопирачките на автомобилот на нејзиниот поранешен телохранител.

Инаку, Хаснат Кан потекнува од истакнето пакистанско семејство и е далечен роднина на Имран Кан, познат крикет-играч и поранешен премиер на Пакистан.

Неговата мајка силно се противела на идејата нејзиниот син да се ожени со жена од друга вероисповед која претходно била разведена. Од друга страна, Дијана се трудела да ја разбере неговата култура – читала делови од Куранот, се распрашувала за мешаните бракови и ги посетила неговите родители во Пакистан.

Сепак, мајката на Дијана, Френсис Шанд Кид, била силно против таа врска поради верските разлики, па затоа со месеци пред трагедијата не разговарала со својата ќерка.

Кан подоцна се оженил со Хадија Шер Али од авганистанското кралско семејство во договорен брак што траел 18 месеци, додека денес е во брак со Сома Сохаил.

Извор: Курир.рс

Тагови: принцезата Дијана

Европа

Бернам: Враќањето во ЕУ е опција за Британија, Брегзит направи повеќе штета отколку корист

Британскиот премиер Енди Бернам изјави дека обидот за повторно зачленување во Европската унија би можела да биде една од опциите што неговата влада ќе ги разгледува, додека земјата се стреми кон суштинска промена во односите со блокот..

На годишната конференција на владејачката Лабуристичка партија во Ливерпул, Бернам изјави дека договорот за Брегзит постигнат од конзервативците направил повеќе штета отколку корист и најави дека на самитот на Обединетото Кралство и ЕУ, што ќе се одржи подоцна оваа година, ќе ги изнесе своите ставови за „различните опции за долгорочните односи на Британија со европските партнери“.

На референдумот пред 10 години, велика британија одлучи да ја напушти Европската унија, ставајќи крај на повеќедецениското членство. Следеше период на политички превирања, при што британските влади беа принудени да се справуваат со економските и дипломатските последици од брегзит..