Почнува 9. Фестивал „Богородичен покров“, на програмата 11 духовни филмови - Канал 5

Култура

Почнува 9. Фестивал „Богородичен покров“, на програмата 11 духовни филмови

 Со проекција на рускиот документарен филм „Трновиот венец”, во кој се прикажува историјата на Трновиот венец на Спасителот, вечер во 21 часот, ќе биде отворен 9. Меѓународeн филмски фестивал за културни, духовни и хумани вредности.

Почнува 9. Фестивал „Богородичен покров“, на програмата 11 духовни филмови

Со проекција на рускиот документарен филм „Трновиот венец”, во кој се прикажува историјата на Трновиот венец на Спасителот, вечер во 21 часот, ќе биде отворен 9. Меѓународeн филмски фестивал за културни, духовни и хумани вредности „Богородичен Покров“, што ќе се одржува онлајн на You Tube до 7 декември.

-Во тек на фестивалот ќе бидат прикажани 11 филмови посветени на културното, духовно наследство и хуманоста, како и историски и биографски, изјави за МИА Зорица Костоска, основач и директор на Фестивалот.

Костоска истакнува дека мисијата на Фестивалот е да ги негува и шири духовните вредности и да се едуцираат младите генерации во насока на духовност, љубов, добрина и хумани вредности. Се одржува со благослов на архиепископот Охридски и Македонски г.г. Стефан.

Во филмот со кој се отвора фестивалот се раскажува за историјатот на Трновиот венец на Спасителот, една од општохристијанските светињи поврзани со историјата на Страдањата Господови, каква е оваа светиња и која е нејзината историја. Автор и водител е митрополит Иларион (Алфеев). Филмот, во времетраење од 26 минути, е во продукција на Добротворен фонд „Познание”. Режијата е на Мариа Вилкасте, a продуцент e Дмитриј Менделеев.

На првата фестивалска вечер во 21.30 минути ќе има проекција и „Утрински камбани ” , српски документарец, во кој тогашниот архимандрит Алексеј, а сега епископ Хвостански на СПЦ, говори за пророштвото на о.Тадеј за манастирот „Св. апостол Лука" во Бошњане. Според пророштвото на отец Тадеј, во манастирот „Св. апостол Лука" во Бошњане, после 20 години, пристигнува царската руска камбана тешка 15 тони, донација од православни браќа Руси. Во филмот се и мудрите поуки на епископ Хвостански, дека прво треба да се грижиме за своите души, зашто душата е поважна од телото.... Сценариото и режијата се на Дејан Вученовиќ. Филмот, во продукција на Прва ТВ трае 32.15 минути.

Единаесетте филмови што се на фестивалската програма се обезбедени со поддршка на Неофит продукција и Добротворен фонд Познание од Русија, од Vision продукција од САД, Прва ТВ од Србија, Coolture продукција од Србија, Trinitas TV од Романија, Vistafilm од Чешка Република и ТВ Канал 5 од Македoнија.

Интернационална премиера на Фестивалот ќе имаат „Утрински камбани” од Србија и чешкиот филм „Štreit: Фотографирам, значи постојам”. Генерални покровители на Фестивалот традиционално се Амбасадата на Руската Федерација во Скопје, а годинава и на митрополитот Иларион /Алфеев / со два негови филма и Европскиот Универзитет од Скопје, кој секоја година доделува бесплатно школување – четиригодишна стипендија за највредниот волонтер на Фестивалот, вели Костоска.

Утре ќе бидe прикажан американскиот документарен филм „ПЛАШТАНИЦАТА- Лице в лице”, во сценарија и режија на Роберт Орландо. Ненадејната смрт на таткото на сценаристот и режисер на овој филм Орландо, поттикнала многу прашања кои барале одговори. Тој го почнува големото истражување за барање на вистината за Плаштаницата, а со тоа и на смислата на животот. Со таа цел, тој патува и снима во Калифорнија, Њу Џерси, Колорадо, Вирџинија, Тексас, Италија, Израил. Одговорите од тие патувања се во овој филм на Vision продукција, а трае 74 минути.

На 2 декември на програмата се премиерата на „Божикни празници и обичаи“, со почеток во 21 часот и „Велигден во Хиландар“ во 21.35 часот, српски документарци од ТВ серијалот „Приказни од Атос”, а на 3 декември (21.00) „Свети Никола - Лицето на благоста”, романски документарен филм.

Рускиот документарец „Ризата на Богородица“ е на програмата на 4 декември во 21 часот, како и српскиот „За нашиот доктор, а писател“. На 5 декември ќе биде прикажан чешкиот документарен филм „ŠTREIT: Фотографирам, значи постојам“, а на 6 декември рускиот „Сакам да бидам светец“.

Затворањето на Фестивалот е на 7 декември, во 21 часот со македонскиот документарен филм од архивата на ТВ Канал 5 „Историјата на Црквата на Св.великомаченик Димитриј” во Скопје. Филмот е во програмата на Фестивалот во спомен и чест, по повод 118 години од раѓањето на првиот поглавар на возобновената МПЦ-ОА, г.г. Доситеј на 7 Декември 1906 година во село Маврово, во кој се прикажува неговото востоличување за архиепископ Охридски и Македонски на 5 октомври 1958 година во храмот „Света Софија” во Охрид.

Фестивалот е основан во 2016. година и досега е поддржан од 12 амбасади во државава и бројни стопански субјекти. Почесен претседател на Фестивалот е проф. д-р Ѓоко Ѓорѓевски, професор на Богословски Факултет “Св.Климент Охридски” во Скопје, автор на многу трудови од доменот на богословските науки и поранешен амбасадор на Македонија во Светата Столица, Ватикан.

Основачи на Фестивалот се покојниот Коле Јовановски, монтажер во МРТ и режисер , наградуван за бројни филмови, посебно за историјата на Македонија и МПЦ-ОА и Зорица Костовска, основач и директор на Фестивалот, поранешен помошник генерален директор на МРТ, 10 - годишен член на Меѓународната Академија на Телевизиски Науки и Уметности во Њујорк - Еmmy Awards, ТВ и филмски продуцент, дипл. дипломат и дипл. теолог.

Медиумски покровители се МИА, Канал 5 ТВ, МТВ, Сител ТВ, ТВ Сонце, Алфа ТВ, Вечер, Нова Македонија, Премин Портал.

Организацијата е на Топ Ворлд ТВ продукција од Скопје, која е основана во 1994 година, а чија определба е да негува општествено доброполезни проекти за народот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Ограбен е стан на манекенка- украдени се накит, торби и дијаманти, вредни 10 милиони евра

Станот на манекенка од светски познатата модна агенција „Елит“ во 6-от арондисман во Париз бил ограбен, а биле украдени луксузни часовници, накит и други предмети проценети на околу 10 милиони евра, изјавил полициски службеник за „Ле Фигаро“.

Ограбен е стан на манекенка- украдени се накит, торби и дијаманти, вредни 10 милиони евра

Жртвата ја пријавила кражбата во четврток вечерта, веднаш по враќањето од долго патување кое започнало на 8 април, и била придружувана од нејзиниот агент за недвижности кој ѝ помогнал прио преводот за време на нејзината изјава во полиција.

Менекенката открила дека некој влегол во нејзиниот стан на улицата Жинемер, дека вратата од спалната соба била отстранета и дека сефот бил провален.

Пријавени се украдени часовници од брендовите „Ролекс“, „Картие“, „Патек Филип“ и „Одемарс Пиге“.

Особено е значаен уникатниот луксузен часовник од брендот „Ричард Мил“ со сафири, чија индивидуална вредност се проценува на 3,2 милиони евра.

Луксузни чанти, накит од куќата „Тифани и Ко“. беа украдени и „Картие“, парчиња со дијаманти, како и 6.000 евра во готово.

Поради огромната вредност на пленот и организираната природа на злосторството, случајот веднаш беше доделен на Бригадата за сузбивање на бандитизмот (BRB), специјална единица на париската полиција задолжена за решавање на најсериозните грабежи.

Националниот институт за статистика (INSEE) проценува дека околу 30 проценти од жртвите воопшто не пријавуваат помали кражби во полицијата и дека вистинскиот број на дневни грабежи во Франција е помеѓу 275.000 и 300.000 годишно.

Концентрацијата на најсериозните грабежи е фокусирана само на еден процент од најбогатите општини, како што се 6-тиот и 8-миот арондисман на Париз, Азурниот Брег и луксузните квартови на регионот Оверњ-Рона-Алпи.

Маскирани напаѓачи кон крајот на мај со автомобил влегле низ излогот на луксузен бутик во Париз и украле чанти од „Хермес“ и „Шанел“ во вредност од повеќе од 200.000 евра, а во февруари имало и неуспешен обид за провала во продавница на „Шанел“, објавија локалните медиуми.

Британската разузнавачка група за криминал во накитот „СејферГемс“ и Националното здружение на јувелири (NAJ) предупредија во мај за десеткратно зголемување на вооружените грабежи на јувелири низ цела Европа.

Тагови: дијаманти манекенка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Златан Ибрахимовиќ жонглира во студио- Тиери Анри му покажа дека не ја заборавил магијата (ВИДЕО)

Светското првенство е во полн ек.

Златан Ибрахимовиќ жонглира во студио- Тиери Анри му покажа дека не ја заборавил магијата (ВИДЕО)

Групната фаза влегува во својот најинтересен дел, а многу познати поранешни играчи се во студијата во секоја земја. Особено се интересни емисиите на најголемите ТВ куќи, кои логично ги собраа најголемите ѕвезди.

Во една од емисиите, легендарниот француски фудбалер, Тиери Анри, заедно со Златан Ибрахимовиќ, се водители на студиото. Тие веќе стигнаа до центарот на вниманието откако шведскиот репрезентативец, кој е по потекло од Босна и Херцеговина, ја пушташе Лепа Брена во студиото.

Сега, сепак, имавме можност да видиме како изгледа кога двајца мајстори ја владеат топката заедно. Тиери Анри го предизвика Златан Ибрахимовиќ да прави дриблинзи еден по друг и да жонглира со топката, што Швеѓанецот го направи речиси беспрекорно.

Сепак, одговорот дојде многу брзо од другата страна, бидејќи Тиери Анри, и покрај своите години, покажа дека не ја заборавил својата магија, а на моменти можеби дури и го надмина Швеѓанецот.

Погледнете како изгледаше подолу:

Тагови: Златан Ибрахимовиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Објавени се тајни докуманти за ковид во САД – на удар и познатиот доктор Фаучи: Време е за вистината

Директорката на Националното разузнавање на САД, Тулси Габард, објави декласифицирани документи поврзани со потеклото на Ковид-19.

Објавени се тајни докуманти за ковид во САД – на удар и познатиот доктор Фаучи: Време е за вистината

Директорката на Националното разузнавање на САД, Тулси Габард, објави декласифицирани документи поврзани со потеклото на Ковид-19, тврдејќи дека тие откриваат врски помеѓу истражувањата финансирани од САД, Институтот за вирусологија во Вухан и постапките на поранешниот висок американски здравствен службеник Ентони Фаучи.

„Пандемијата на Ковид-19 предизвика огромни тешкотии и страдања за милиони наши сограѓани Американци и безброј луѓе низ целиот свет. По години лаги, цензура и прикривање, американскиот народ заслужува транспарентност, вистина и одговорност“, рече Габард во изјавата што ја придружуваше објавувањето на документите.

Објавувањето на документите е најновиот чекор во поширокиот напор на сегашната администрација да ги преиспита одлуките донесени за време на пандемијата и да ги испита разузнавачките и научните процеси. Ова исто така доаѓа во време кога Габард се подготвува да ја напушти владата откако објави дека ќе се повлече од функцијата директор на националното разузнавање, а претседателот Доналд Трамп го номинираше Бил Пулицер за вршител на должноста директор.

Канцеларијата на директорот на Националното разузнавање (ODNI) соопшти дека документите вклучуваат внатрешна преписка, обвинувања од информатори и разузнавачки материјали поврзани со истрагите за потеклото на пандемијата.

Габард, исто така, го обвини Фаучи дека „лажел пред Конгресот под заклетва во 2024 година“.

ODNI тврди дека Фаучи, додека бил директор на Националниот институт за алергии и заразни болести (NIAID), учествувал во дискусии поврзани со разузнавачките прегледи за потеклото на Ковид-19, останал во контакт со разузнавачките службеници за време на клучните фази од процесот на преглед и го надгледувал финансирањето што го поддржувало истражувањето на коронавирусот што вклучувало вируси на лилјаци во Институтот за вирусологија во Вухан.

Агенцијата понатаму тврди дека некои од комуникациите се во спротивност со сведочењето на Фаучи пред Конгресот во 2024 година. Фаучи постојано ги отфрла обвинувањата дека ги довел во заблуда пратениците или го прикривал потеклото на Ковид-19, нарекувајќи ги таквите тврдења „апсурдни“ за време на конгресното сослушување во јуни 2024 година.

Тој, исто така, рече дека и природното потекло и лабораториската несреќа остануваат можни објаснувања за појавата на вирусот, иако верува дека достапните докази повеќе укажуваат на природен пренос, но не се конечни.

Нема конечен заклучок

Американските разузнавачки агенции не донеле конечен заклучок дали вирусот потекнува од лабораторија или природно, а новообјавените документи не се независно потврдени.

Ковид-19, предизвикан од коронавирусот SARS-CoV-2, првпат беше идентификуван во Вухан, Кина, кон крајот на 2019 година и беше прогласен за глобална пандемија од страна на Светската здравствена организација во март 2020 година.

Пандемијата доведе до милиони смртни случаи низ целиот свет и предизвика големи нарушувања во јавното здравје, економијата и општеството.

Потеклото на вирусот останува под истрага, а научните и разузнавачките проценки продолжуваат да разгледуваат и сценарио за природно потекло и сценарио поврзано со лабораторија, без да се донесе конечен заклучок.

Тагови: Ковид-19 Фаучи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер