Почнува 46. Фестивал на народни инструменти и песни „Пеце Атанасовски" - Канал 5

Култура

Почнува 46. Фестивал на народни инструменти и песни „Пеце Атанасовски"

Во Прилеп денеска, а утре на Рудина, Долнени ќе се одржи 46 Фестивал на народни инструменти и песни „Пеце Атанасовски". 

Почнува 46. Фестивал на народни инструменти и песни „Пеце Атанасовски"

Поради пандемијата фестивалот наместо во почетокот на јули се одржува на 28 и на 29 август со запазување на протоколите за заштита на учесниците и на публиката.

Вечер од 19:00 часот изведувачи на изворниот мелос од земјава ќе настапат на камената бина на плоштадот Александрија во центарот на Прилеп, а утревечер од 18:00 часот изворниот мелос ќе се разлева од лулката на гајдаџиството и на Фестивалот на Рудина, Долнени. Вкупно ќе настапат околу 120 изведувачи.

Според Златко Лашкоски, секретар на Фестивалот се применувата сите мерки за заштита што опфаќа дека помеѓу настапот на групите ќе се избегне секаков контакт.

– Ги презедовме сите заштитни мерки и настојуваме и да го задржиме и да го негуваме изворниот мелос, како една од најголемите традиционални вредности, особено во зачувување на традициите и пренесување на новите генерации. И првата и втората фестивалска вечер имаме околу 120 учесници, што е битно нема да има контакт помеѓу групите. Откако ќе настапат, добиваат диплома и заминуваат за да избегнеме физички контакт. Обезбедивме заштитни маски и средства за дезинфекција и многу ни е битно да се слушне изворниот мелос, вели Лашкоски.

Поради пандемијата од понеделникот, преку видео-презентации на фејсбук-страницата на фестивалот се одржуваат предавања во рамките на семинарот за изучување на народните инструменти и песни.

-Темата на видео-презентациите е „Традиционалната култура во Прилепско поле". Одржавме презентации на три теми: етнографските карактеристики, традиционалните инструменти и традиционалното пеење во Прилепско поле. Предавачи беа: м-р Стојанче Костов, Горан Василески и професор д-р Родна Величковска, уметнички директор на фестивалот. Се надевам в година ќе може да работиме на терен со младите кои сакаат да го изучуваат изворниот мелос, вели етнокореографот Горан Василески, раководител на Семинарот кој се одржува осум години во рамките на Фестивалот.

В сабота во прилепскиот Центар за култура „Марко Цепенков" ќе се одржи и Научен симпозиум за Фолклорот во минатото и денес". Фестивалот со 11 трудови на стручни лица го издаде и вториот зборник за Фолклорот во минатото и денес.

Според членот на Управниот одбор Весна Атанасовска Вучиќ, големо е задоволството што живее Фестивалот кој го негува и го одржува изворниот мелос.

-Нека ни е честит и вековит Фестивалот. Со оглед на состојбата со пандемијата, ги применуваме сите заштитни мерки и се надеваме дека и годинава ќе помине во најдобар ред, вели Атанасовска Вучиќ.

Во рамките на Фестивалот во фоајето на Центарот за култура „Марко Цепенков" е отворена изложба на традиционални предмети и носии од Прилепско.

Главен покровител е Министерството за култура, а покровители се и локалните самоуправи на Прилеп и на Долнени. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нема трета економија во Европа кога 73% од граѓаните имаат платa под просечната

Каква„трета економија во Европа“ на Мицкоски кога над 73% од граѓаните земаат плата под просечната?

СДСМ: Нема трета економија во Европа кога 73% од граѓаните имаат платa под просечната

Податоците на УЈП ја разобличуваат владината пропаганда. Нема трета економија во Европа. Има 73% од граѓаните со плата под просечната и власт која душмански го ограбува народот.

Половина од вработените, односно 50%, заработуваат меѓу 24.000 и 36.000 денари месечно.

По две години власт на Мицкоски и ВМРО-ДПМНЕ, животниот стандард е целосно урнисан. Граѓаните осиромашуваат, платите се меѓу најниските во Европа, а народот живее многу полошо отколку пред две години.

Минималната синдикална кошничка веќе изнесува околу 70.000 денари. Тоа значи дека на половина од вработените не им се доволни ниту две плати за да ги покријат основните животни трошоци на едно семејство.

Тоа е реалноста зад приказните на Мицкоски за наводни економски успеси: најголемиот дел од работниците едвај врзуваат крај со крај.

Животот стана прескап. Платите не го следат растот на цените, храната станува луксуз, а сметките се сè повисоки.

Прекинувањето на растот на платите и одбивањето на Владата на Мицкоски да ја зголеми минималната плата на 600 евра директно ги турка работниците и нивните семејства во сиромаштија.

Кризата не стивнува. Поскапувањето на горивата е нов тежок удар врз семејните буџети, кој ќе предизвика дополнително зголемување на цените на храната, транспортот и другите основни производи.

Додека народот осиромашува, финансиски добро живеат само Мицкоски и ВМРО, кои се богатат на грбот на граѓаните преку криминални тендери.

Скопје, 18.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со заменик-државниот секретар на САД, Кристофер Ландау

Во рамките на работната посета на Вашингтон, министерот за надворешни работи и надворешна трговија, Тимчо Муцунски, оствари средба со заменик-државниот секретар на Соединетите Американски Држави, Кристофер Ландау.

Средба на министерот Муцунски со заменик-државниот секретар на САД, Кристофер Ландау

Во разговорот соговорниците ја потврдија заедничката определба за натамошно зајакнување на стратешкото партнерство и билатералната соработка, во интерес на граѓаните на двете земји.

Фокусот на средбата беше ставен на унапредувањето на соработката во областа на одбраната и сојузништвото во НАТО, економијата, енергетиката и регионалната поврзаност.

Беа разменети мислења и за состојбите во регионот, како и за значењето на континуираниот ангажман на САД за мирот, безбедноста и просперитетот на Западниот Балкан.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео- Фото: Дурант го направи најскапиот селфи на Светското првенство: Меси, Ѓоковиќ, Брејди...

Мајкл Рубин, американски бизнисмен чие богатство се проценува на 12 милијарди долари, објави селфи на кое е во друштво на голем број ѕвезди од светот на спортот и шоу-бизнисот.

Видео- Фото: Дурант го направи најскапиот селфи на Светското првенство: Меси, Ѓоковиќ, Брејди...

Фотографијата, која веднаш привлече светско внимание по објавувањето, е направена за време на фестивалот Фанатикс, глобалната дигитална спортска платформа на Рубин.

За селфи да ја опфати оваа поголема група, потребен беше некој со долги раце...

Изборот беше лесен: Кевин Дурант, еден од најголемите кошаркари на НБА во последната деценија, со телефонот во рака (стапчето за селфи беше излишно), го овековечи овој навистина незаборавен момент.

Дурант се „улови“ себеси, најтрофејниот свтески тенисер Новак Ѓоковиќ, капитенот на Шпанија Родри, легендата на американскиот фудбал Том Брејди, аргентинскиот голман Емилијано Мартинез, раперот Тревис Скот, екс фудбалерот на Манчестер Јунајтед и на англиската репрезентација Рио Фердинанд, волшебникот со буба мара Лионел Меси, Рубин и комичарот Кевин Харт.

На втората фотографија, која е направена од друг агол и го прикажува моментот на правење на селфито, во кадарот се и селекторите на Аргентина и Шпанија, Лионел Скалони и Луис де ла Фуенте.

Тагови: Кевин Дурант Лионел Меси Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер