Почнува 16. ОфФест - девет концерти до 28 мај - Канал 5

Култура

Почнува 16. ОфФест - девет концерти до 28 мај

Четиридневниот 16. ОфФест вечер ќе почне со два концерта во Македонскиот народен театар - соло-настап на Дамир Имамовиќ од Босна, најпознатиот изведувач на севдах кој е и интернационално афирмиран, а потоа е концертот на македонскиот етносостав „Љубојна“ кои ќе го промовираат новиот, деветти албум „Радио Љубојна“.

Почнува 16. ОфФест - девет концерти до 28 мај
Дамир Имамовиќ е роден во Сараево и потекнува од семејство на традиционални пејачи на севдалинки - босанска музика исполнета со меланхолија, копнеж и мечтаење. Кaко посветен истражувач на севдахот, едукатор и продуцент, преку истражување на перцепциите на оваа етаблирана стара култура, тој создава нова култура базирана на традициите.

- Неговата скорешна соработка со продуцентот Крис Екман, американски гитарист познат по ангажманот во групата Walkabouts и соосновач на издавачката куќа Glitterbeat Records, резултира со приемчива музика која го претставува севдахот пред поширока публика. Со својата специјално изработена тамбура, Дамир создава специфичен спој од музика и стихови кои се поврзани со идејата за севдах, соопштува ОфФест.

По него во МНТ ќе настапи етногрупата „Љубојна“ со камерен концерт за промоција на новиот албум „Радио Љубојна“, кој ќе биде различен од концертите кои вообичаено ги одржуваат на големи сцени. Ќе има акустични инструменти, а со Вера Милошевска ќе има двајца машки вокали.

- Ќе се обидеме „Радио Љубојна“ да го сместиме во една убава, кадифена атмосфера, со цела топлина на звукот којшто ја носи, рече Милошевска на прес-конференција.

„Љубојна“ е меѓу најистакнатите етносостави на Балканот кој на автентичен начин го пренесува пулсот на македонското музичко битие во отворен звук за светот. Нивните музички ерупции најчесто се опишуваат како постојано менлив спој од жестока енергија, моќниот звук на дувачката секција и традиционалните македонски теми, наведува ОфФест во најавата за концертот.

Утре, на втората фестивалска вечер, ќе настапи групата „Бела Чао“ во која членуваат неколку познати пејачки ѕвезди од Италија, кои на концертот ќе изведат од циклусот антифашистички, револуционери, слободумни песни од 1960-тите, а по нив со звуците на фадо ќе настапи Жизела Жоао од Португалија.

Од сабота, 27 мај, ОфФест ќе се пресели во Младинскиот културен центар, каде што во Дансинг салата ќе настапи виолинистката и пејачка од Естонија Марја Нут, а по неа е настапот на корејската група „Блек Стринг“ која негува спој на традиционална и современа музика со типични корејски инструменти, како геомунго и бамбусови флејти. Саботната вечер ќе заврши со полноќен концерт во клубот „Станица 26“ на познатото диџејско дуо „Ден Сорте Сколе“ од Данска.

Последната вечер на годинашниот ОфФест во недела, 28 мај, ќе биде на африканска музика и спој на сахарски блуз и психоделичлен рок. Ќе настапи „Кинг Ајисоба“ од Гана, на кој специјален гостин ќе биде Зеа од познатиот пост-панк бенд „The Ex“, кој е продуцент на новиот албум на Ајисоба, а фестивалот ќе го затвори Нура Минт Сејмали, водечки уметник од Мавританија на интернационалната сцена, која ќе има концерт со мавритански инструменти.

Во кино „Фросина“ претходно ќе биде прикажан и документарниот филм „Every Song Has Its End“ посветен на културолошкото богатство на традиционалната музика од Мали. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Кејт Хадсон по пет години веренички стаж: Не размислувам за венчавка, тоа е прескапо

Кејт Хадсон и нејзиниот вереник Дени Фуџикава не брзаат да се венчаат, иако поминаа пет години откако се свршија.

Кејт Хадсон по пет години веренички стаж: Не размислувам за венчавка, тоа е прескапо

Актерката (47) откри во подкастот *Sibling Revelry*, кој го води со својот брат Оливер Хадсон, што најмногу ја спречува во планирањето. Во епизодата емитувана на 8 септември, каде што гости беа сестрите Џои и Хантер Кинг, Хадсон објасни дека организирањето свадба е покомплицирано отколку што изгледа.

Хадсон и музичарот Дени Фуџикава (40) започнаа врска во 2016 година по 15 години пријателство, а во 2018 година ја добија ќерката Рани Роуз. Фуџикава ѝ предложи брак во септември 2021 година. Хадсон има два сина од претходни врски: Рајдер Расел со поранешниот сопруг Крис Робинсон и Бингам Хоун со поранешниот вереник Мет Белами.

Проблематичен список на гости

Разговорот во подкастот се сврте кон свадбите кога Оливер Хадсон (50) коментираше дека прославите во странство како оние на кои сестрите Кинг им помогнаа да „се ослободат од еден куп луѓе“. Ова е голем проблем за Кејт Хадсон бидејќи има исклучително големо семејство.

„Сè уште не сум мажена, само сум свршена. Постојано размислувам за свадбата и се прашувам што ќе правиме“, рече таа. „И секој пат кога ќе почнеме да го составуваме списокот, Дени вели дека сака мала свадба. Му велам: „Па, само нашето најблиско семејство има 50 луѓе“. Нашето семејство е огромно, имаме милион деца, чичковци, тетки, братучеди.“

Нејзиниот брат Оливер имаше слична ситуација кога се ожени со Ерин Хадсон во Мексико во 2006 година. За да ја одржат свадбата интимна, двојката воведе правило „без мажи“. „Не сакав да запознавам луѓе за прв пат на сопствената свадба“, објасни тој.

Цената како втора пречка

Покрај големиот број гости, трошоците се исто така проблем. „Тоа е една од причините зошто не сакам да се мажам“, призна Хадсон. „Само мислам дека е премногу скапо.“ Таа на шега додаде дека би сакала да служи само „грицки, нешто како чипс и салса“.

Тагови: Кејт Хадсон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Да имаше Иран нуклеарно оружје, ќе му се јавев на лидерот и ќе го прашав што може да направам за него (ВИДЕО)

Американскиот претседател Доналд Трамп синоќа изјави дека САД нема да го бомбардираат Иран ако Техеран веќе има нуклеарно оружје, но лично ќе го повика врховниот лидер на Иран и ќе го праша дали САД можат да направат нешто за него.

Трамп: Да имаше Иран нуклеарно оружје, ќе му се јавев на лидерот и ќе го прашав што може да направам за него (ВИДЕО)

Трамп го кажа ова за време на републиканската конвенција во Далас, каде што ја бранеше војната на САД против Иран и повторно инсистираше дека Техеран не смее да добие нуклеарна бомба.

„Би го повикал врховниот лидер“

Зборувајќи за тоа зошто верува дека Иран не смее да развива нуклеарно оружје, Трамп направи многу отворена споредба помеѓу ставот кон нуклеарно вооружена и ненуклеарна држава. „Доколку имаа нуклеарно оружје, би го повикал Врховниот лидер и би рекол: „Господине Врховен лидере, како сте? Дали има нешто што можеме да направиме за вас?“, наместо да ги бомбардирам до смрт“, рече Трамп.

Веднаш потоа, тој повтори дека токму затоа САД мора да го спречат Иран да добие такво оружје. „Не можеме да дозволиме Иран да има нуклеарно оружје. Многу е едноставно. Не можеме да им дозволиме да имаат нуклеарно оружје“, рече тој.

Изјавата на Трамп е особено импресивна бидејќи практично го опиша нуклеарното оружје како алатка што значително ќе го промени начинот на кој Вашингтон ќе дејствува кон Иран, наместо воени напади, тој зборуваше за директен и помирувачки разговор со иранското раководство.

Ја бранеше војната

За време на говорот, Трамп ја бранеше воената кампања на САД против Иран тврдејќи дека нејзината клучна цел е да се спречи Техеран да развие нуклеарно оружје. Во исто време, војната значително ги зголеми цените на енергијата и стана важно прашање на кампањата за изборите за Конгресот во САД.

Американскиот претседател во последните месеци постојано тврдеше дека Иран не смее да добие нуклеарна бомба. Само вчера, одговарајќи на новинарите, тој рече дека е лесно да се објасни војната на американската јавност со едно прашање: дали на Иран треба да му се дозволи да има нуклеарно оружје. Неговиот одговор беше „не“.

Неговата последна изјава доаѓа во време кога Меѓународната агенција за атомска енергија повторно го засили притисокот врз Техеран во врска со неговата нуклеарна програма. Комитетот на МААЕ го пријави Иран во Советот за безбедност на ООН за недоволна соработка во истрагата за траги од ураниум на непријавени локации. Иран тврди дека неговата нуклеарна програма е мирна.

Тагови: Доналд Трамп Иран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Осло ги забранува „паметните очила“ во училиштата: Децата нема да бидат статисти на Мета

Градските власти во главниот град на Норвешка, Осло, ги забранија паметните очила во училиштата, велејќи дека не сакаат децата да станат „додатоци во собирањето податоци на Мета“. 

Осло ги забранува „паметните очила“ во училиштата: Децата нема да бидат статисти на Мета

Забраната важи во текот на целиот училишен ден и се однесува на сите образовни нивоа, објави градската администрација.

„Ние, политичките претставници, мора да имаме храброст да бидеме искрени за тоа за што всушност станува збор: една од најбогатите компании во светот издаде производ чиј бизнис модел е целосно базиран на фактот дека е невозможно да се знае кога некој ве снима“, рече заменик-градоначалничката за образование, Џули Ремен Мидгарден.

„Во Осло, не прифаќаме нашите деца да станат додатоци во собирањето податоци на Мета“, додаде Џули Ремен Мидгарден во соопштението.

Критика до владата за бавноста

Мидгарден, локален конзервативен функционер, ја критикуваше левичарската влада за разгледување на забрана за препознавање лица на вакви очила. Владата најави формирање експертска група која треба да смисли начини за заштита на јавноста.

„Овие очила се продаваат во Норвешка денес, се користат во норвешките училишни дворови денес и проблемот е присутен сега. Анализирањето на проблемот не значи дејствување“, рече таа. Забраната во училиштата во Осло стапи на сила на 27 август, но објавата беше одложена до денес поради политичко затишје договорено од норвешките партии по смртта на кралот Харалд V на 28 август.

Паметните очила можат да снимаат фотографии и видеа, да пуштаат музика, да овозможуваат телефонски повици, да преведуваат титлови на странски јазици, да прикажуваат текст или мапи во видното поле и да овозможуваат користење на вграден асистент за вештачка интелигенција. Мета, исто така, наводно развила функција за препознавање лица што би можела да се вгради во своите паметни очила.

Тагови: Мета паметни очила

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер