Почнува 15. Фестивал на европски филм „Синедејс“ - Канал 5

Култура

Почнува 15. Фестивал на европски филм „Синедејс“

Со српскиот филм „Дневникот на машиновозачот“ во режија на Милош Радовиќ вечер во кино „Милениум“ ќе биде отворен 15. Фестивал на европски филм „Синедејс“ (CineDays). Филмот е добитник на награда од публика на фестивалот во Москва, а на скопската проекција ќе гостува дел од екипата меѓу кои и главниот актер Лазар Ристовски.

Почнува 15. Фестивал на европски филм „Синедејс“
Осум филмови во официјалната програма и шест во селекцијата балкански филмови (СинеБалкан), како и 25 во гала-програмата ќе бидат прикажани на годинашниот „Синедејс“ кој ќе се одржува во кината „Милениум“, „Фросина“ и во Џебното кино на Младинскиот културен центар до 19 ноември кога ќе биде затворен со хравтскиот филм „Устав на Република Хрватска“ на Рајко Грлиќ, во кој копродукциски учествува и Македонија.

Меѓу филмовите во официјалната селекција ќе се натпреварува и германскиот филм „Тони Ердман“ кој е номиниран за европскиот оскар, а во програмата СинеБалкан меѓу другите е и „Добра жена“ - дебитантски филм во режија на актерката Мирјана Карановиќ.

Во гала-програмата, за која има најголем интерес на „Синедејс“, и оваа година се филмови од звучни режисерски имиња, наградувани на најголемите фестивали. Меѓу нив се насловите: „Сол и оган“ на Херцог, „Патерсон“ на Џармуш, „Аве, Цезар“ на браќата Коен, „Комуна“ на Винтерберг, „Убавите денови во Аранхуез“ на Вим Вендерс, „Кафе-друштво“ на Вуди Ален, „Хулиета“ на Алмодовар, „Таа“ на Пол Верховен, „Аргентина“ на Карлос Саура, „Рај“ на Кончаловски...

На „Синедејс“ ќе има и програма „МК во ЕУ“ која ќе има три филма со копродукциско учество на Македонија - романскиот „Сиера Невада“ на Кристи Пуиу, словенечкиот „Ноќен живот“ на Дамјан Козоле и хрватскиот „Устав на Република Хрватска“, како и црногорскиот „Игла под прагот“ (од програмата СинеБалкан) во кој игра Никола Ристановски, а музиката е на Тони Китановски.

Селектор на натпреварувачките програми (Официјалната и СинеБалкан) е Бернд Будер, а за наградите ќе одлучуваат две жирија - Чедомир Колар, Зринко Огреста и Игор Иванов - за осумте филмови од Официјалната програма и Если Ердем, Нина Раковец и Дамир Чучиќ - за шесте филмови од СинеБалкан.

Ќе има и програма на кратки филмови, студентска програма, детска програма со синхронизирани филмови, ЛГБТ филмови, програма за 101 година од раѓањето на Орсон Велс, како и богата придружна програма во која се неколку работилници - за стоп-анимација, драматургија, продукциски дизајн...

Петнаесеттиот „Синедејс“ ќе има и богата музичка програма со десетина музички документарци, меѓу кои биографскиот филм за џез-музичарот Мајлс Дејвис во режија на Дон Чидл, потоа „The Beatles: Eight Days A Week“ на режисерот Рон Хауард и „Gimme Danger“ (филм за Иги Поп) на Џим Џармуш, премиера на „Лимуново дрво“ - документарец на Бранко Радаковиќ за првиот бенд на Милан Младеновиќ од „ЕКВ“, филм за Дејвид Брн...

Како дел од програмата CinEmusic, секоја вечер по завршувањето на филмските проекции ќе биде организирана и придружна музичка програма од концерти и диџеј-сетови. За затворање на фестивалот ексклузивен настап ќе има музичкото дуо „Вуден виздом“ (Wooden Wisdom) во кое членува и холивудската ѕвезда Елјаџа Вуд.

И годинава на „Синедејс“ ќе има конкурс за филмска критика за филмовите на фестивалот, на кој може да учествуваат лица до 35 години. Наградите за трите најдобри филмски критики ќе ги додели тричлено жири. Тие се парични и во износ од 12.000, 9.000 и од 6.000 денари.

Влезниците за проекциите во „Милениум“ ќе бидат по цена од 150 денари, со исклучок на филмот „Кафе-друштво“,на Вуди Ален за кој билетот ќе чини 300 денари. За проекциите во кино „Фросина“ билетот ќе биде 100 денари, а филомовите од програмата во Џебно кино, за Ревијата Орсон Велс, ЛГБТ и Детската програма ќе бидат бесплатни. Средношколците и студентите и оваа година на „Синедејс“ ќе имаат попуст од 50 денари за секој купен билет. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Филипче: Македонија не е на продажба – Мицкоски нема право да ги распродава земјата, рудите и водата!

Македонија не е на продажба, а земјата, рудите и водата не се приватна сопственост на Христијан Мицкоски, порача претседателот на СДСМ, д-р Венко Филипче, на денешната прес-конференција.

Филипче: Македонија не е на продажба – Мицкоски нема право да ги распродава земјата, рудите и водата!

„Мицкоски најавува распродавање на земјата и ги нуди рудните богатства на странски инвеститори. Јасно и гласно му порачувам: не смее да ги распродава националните богатства. За отворање рудници прво мора да бидат прашани граѓаните“, рече Филипче.

Тој нагласи дека жителите на населените места каде што се планираат рудници мора на референдум да одлучат дали прифаќаат такви проекти во близина на своите домови.

„Во време кога илјадници граѓани во Гостивар беа затруени од загадена вода, кога и во Струмичкиот регион има места со неисправна вода, кој може да гарантира дека токсични материи, како антимонот, утре нема да завршат во водата? Такви одлуки не смеат да се носат зад грбот на граѓаните“, рече Филипче.

По целосниот дебакл на економските политики, Мицкоски нема право спасот да го бара во распродажба на природните ресурси, додаде претседателот на СДСМ.

„Тоа што во моментов ја води Владата не значи дека може да располага со националните богатства како да се негова приватна сопственост. Како што водата ја ветил за изградба на дата-центри, така сега сака да ги распродава земјата и рудите за да ги покрие своите лоши економски политики“, истакна Филипче.

Во однос на најавените дата-центри, тој посочи дека власта крие суштински информации: кој ќе ја користи водата од Вардар, што ќе се случи со земјоделството, колку електрична енергија ќе трошат центрите, дали ќе поскапи струјата и каква корист ќе имаат граѓаните од проекти што отвораат само неколку работни места.

„Ние не сме против технолошкиот развој на државата. Ние сме против приватните бизнис-интереси на оваа власт да се остваруваат на штета на граѓаните. Водата од Вардар, земјата и рудите им припаѓаат на сите граѓани, а не на приватни компании и луѓе блиски до Мицкоски“, рече Филипче.

„Македонија не е на продажба. Граѓаните мора да одлучат дали ќе има рудници во близина на местата каде што живеат. Мицкоски нема право да ги распродава земјата, рудите и водата“, порача претседателот на СДСМ, д-р Венко Филипче.

YouTube video

Филипче: Граѓаните на референдум да одлучат дали сакаат рудници во близина на своите домови

Граѓаните треба на референдум да одлучат дали сакаат рудници во близина на своите домови, порача претседателот на СДСМ, Венко Филипче, на денешната прес-конференција, по најавите на премиерот Мицкоски за изградба на рудници и експлоатација на рудното богатство. Филипче посочи дека националните богатства не се приватна сопственост на премиерот и дека за вакви прашања мора да се слушне гласот на граѓаните.

„Премиерот Христијан Мицкоски најавува распродавање на земјата. Вчера го слушам, кажува како ние сме биле богати со руда, надевајќи се дека ќе привлече инвеститори кои што тука ќе градат рудници. Сакам јасно и гласно да му порачам - не смее да ги распродава националните богатства. Прво, за рудници треба да се прашаат граѓаните“, рече Филипче.

Тој додаде дека граѓаните мора да имаат право директно да одлучат дали во нивната непосредна околина ќе има рудници, особено во услови кога веќе постојат сериозни проблеми со квалитетот и безбедноста на водата.

„Треба граѓаните во средините во кои што живеат да се изјаснат на референдум дали сакаат или не сакаат, близу до нивните места на живеење, да се градат рудници.Сега кога имаме случај на загадување на водата, сега кога после толку месеци и пет илјади отруени луѓе во Гостивар кои што пиеја вода загадена со фекалии, сè уште немаме податок дали водата е чиста на хартија. Да се види тоа, сега кога секојдневно се отвораат сега и во струмичкиот регион, неколку места во кои што водата не е исправна, дали е потребен дополнителен ризик од загадување со екстремно токсични материи, како што е антимонот, и кој би гарантирал тој процес, дека ќе биде безбеден, и дека утре антимон нема да се најде во водата, ако се отворат такви рудници, без да се прашаат граѓаните“, рече Филипче.

Претседателот на СДСМ нагласи дека Владата не смее националните богатства да ги користи како излез од сопствените економски проблеми и неуспеси.

„Нема право премиерот, кога има сега целосен дебакл во сферата на економските политики, да мисли дека може да ја распродава земјата. Тоа не е негова приватна сопственост. Тоа што тој во моментов ја води владата, не значи дека треба да располага со националните богатства на земјата за да се спаси во делот на лошите економски политики. Така како што очигледно дека ги има ветено водите за изградба на дата центри, така сега сака да ја распродаде и земјата. Јасно и гласно кажуваме - граѓаните треба да одлучат на референдум дали ќе има или ќе нема рудници близу до местата каде што живеат“, рече Филипче.

Скопје, 18.09.2026

СДСМ

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Пукање во училиште на Филипините: Загинаа три деца, а осум се повредени

Тројца ученици загинаа денес при пукање во училиште во градот Банга, во јужниот дел на Филипините, вклучително и 16-годишникот осомничен за извршување на нападот , додека осум други лица се повредени, соопшти градоначалникот на градот.

Пукање во училиште на Филипините: Загинаа три деца, а осум се повредени

„Сите жртви се ученици на возраст од 14 до 17 години. Четворица од повредените се во критична состојба“, изјави за Ројтерс Алберт Паленсија, градоначалникот на Банга.

Медиумите претходно известуваа, повикувајќи се на локални претставници, дека најмалку едно лице загинало, а четворица биле ранети.

Инцидентот се случил во Националното средно училиште „Банга“ во провинцијата Јужен Котабато, на југот на Филипините, според гувернерот на Јужен Котабато, Реиналдо Тамајо.

Наредникот на полицијата Реџи Фадерон претходно изјави дека има повеќе повредени и оти полицијата ги утврдува деталите.

Пред точно еден месец, најмалку две лица загинаа, а девет беа повредени при пукање во училишниот комплекс во градот Замбоанга, на југот на Филипините – поточно во кампусот на средното училиште при Универзитетот „Атенео де Замбоанга“.

Според градоначалникот, осомничениот, ученик во седмо одделение, влегол во училиштето на 18 август вооружен со пушка и пиштол, отворил оган врз учениците и наставниците, а потоа си го одзел животот.

Тагови: пукање Филипините

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Србија го објави составот: Душан Тадиќ се враќа во репрезенатцијата

Селекторот на најдобрата фудбалска селекција на Србија, Вељко Пауновиќ, го објави спидсоко на фудбалери  за претстојните четири натпревари во елитната А група од Лигата на нации на УЕФА. 

Селекторот на Србија го објави составот: Душан Тадиќ се враќа во репрезенатцијата

Србија најпрво ја очекуваат два натпревара на домашен терен во Белград против Грција и Холандија, по што следуваат исклучително тешки гостувања против Германија во Минхен и повторно против Холандија во Ајндховен.

Главна вест во врска со составот е официјалното враќање на поранешниот капитен Душан Тадиќ во националниот тим, како и повикувањето на бројни дебитанти и целосна реконструкција на нападот.

Нови имиња на списокот се Петар Шукачев и Лазар Николиќ од Војводина Нови Сад, како и Стефан Џодиќ од шпанска Алмерија.

Во нападот, повикани се помладите играчи Михајло Цветковиќ и Јован Милошевиќ, заедно со повратникот Дејан Јовељиќ.

Селекторот Пауновиќ ќе се потпре на следните играчи за претстојните репрезентативни предизвици:

Голмани: Вања Милинковиќ-Савиќ, Ѓорѓе Петровиќ, Филип Станковиќ.

Одбрани: Страхиња Павловиќ, Страхиња Ераковиќ, Срѓан Бабиќ, Никола Симиќ, Коста Недељковиќ, Алекса Терзиќ, Петар Шукачев, Лазар Николиќ.

Играчи од средниот ред: Александар Станковиќ, Немања Максимовиќ, Сергеј Милинковиќ-Савиќ, Саша Лукиќ, Немања Гудељ, Вања Драгојевиќ, Лазар Самарџиќ, Андрија Живковиќ, Филип Костиќ, Стефан Џодиќ, Василије Тасвиќ, Душин Костов.

Напаѓачи: Душан Влаховиќ, Лука Јовиќ, Дејан Јовељиќ, Михајло Цветковиќ, Јован Милошевиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер