Почна уредувањето на Скопското Кале – за неколку години треба да „светне“ во полн сјај - Канал 5

Македонија

Почна уредувањето на Скопското Кале – за неколку години треба да „светне“ во полн сјај

Конечно започна уредувањето на дворната површина на скопското Кале. Иако такво нешто беше најавено дека ќе се случи на почетокот на летото, сепак екипите на терен беа ангажирани на една недела пред празникот Илинден.

Почна уредувањето на Скопското Кале – за неколку години треба да „светне“ во полн сјај

Од тоа што го забележа камерата на Канал 5 и претходно, тревата е целосно исушена, а дворот со години беше во ужасна состојба. Нешто на што странскте туристи во повеќе наврати реагираа.

Министерот за култура, Зоран Љутков кажа дека се обезбедени финансиски средства за целосно средува на дворот и обновување на двата музеи кои се наоѓаат на тврдината.

Првиот човек на ЗЕЛС, Орце Ѓорѓиевски кажа дека жално е што симболот на нашата историја, со години е девастиран и не му се дава никакво внимание.

И додека се средува дворот на Калето, дел од површините низ Скопје каде што има засадено цвеќиња венеат.

Таква е ситуацијата кај Пластичарска улица. Тука растенијата што беа засадени пред неколку месеци се исушени поради високите температури. Дополнително, просторот е загаден со отпадоци (снимки од исушени растенија).

Продолжуваме кон кружниот тек пред Атвокоманда, каде што е поставен споменикот на народниот херој Михајло Апостолски. И таму дел од цвеќињата кои треба да го разубавуваат просторот, го платиле данокот на топлото време.

Ни просторот пред Владата, една од најзначајните институции во државата, не е во сјајна состојба. Жардиниерите ги нападнала суша и по некоја пластична ќеса.

Мега паркот кај Оштина Карпош пак е приказна за себе. Иако таму беше предвидено зеленило, паркинг и паркови за миленици, и после 10 месеци работата застанала во место.

Ова е мега-паркот во Општина Карпош чија изградба започна уште лани есента. Дрвцата кои тогаш беа посадени сега се исушени, а тревата воопшто речиси и да не постои.

Упативме прашања и до Град Скопје, зошто цветните површини и паркот кај Карпош се запоставени. Сепак, до ова информативно издание, не добивме одговор.

YouTube video

Тагови: скопско кале

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Сергеј Трифуновиќ и неговата сопруга приведени по инцидент во продавница?

Актерот Сергеј Трифуновиќ и неговата сопруга Исидора Мијановиќ наводно се нашле во центарот на инцидент во познат белградски трговски центар, што ја принудило полицијата да интервенира. 

Сергеј Трифуновиќ и неговата сопруга приведени по инцидент во продавница?

Драмата се одвивала во популарна продавница кога во Исидора се посомневало обезбедувањето, кое потоа сакало да ја претресе, пишува Телеграф.

Нејзиниот сопруг Сергеј, јавуваат српските медиуми, реагирал бурно на ова и не им дозволил да ги претресат нејзините работи, што ескалирало во вербален конфликт. Обезбедувањето потоа повикало полициска патрола која го однела парот во полициската станица.

Таа се огласи откако ја напуштила полициската станица

Исидора подоцна сама ја напуштила полициската станица, додека Сергеј, како што се испоставило, си заминал порано. Таа накратко им се обратила на собраните новинари пред станицата.

„Само дојдов да ги земам документите“, рекла кратко, одбивајќи да биде снимена, пренесува Телеграф.

Фото: ВИ

Тагови: инцидент Сергеј Трифуновиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Кина отвора мегацентар за вештачка интелигенција. Ќе троши два гигавати (ВИДЕО)

Кина отвори индустриски парк за вештачка интелигенција во северниот регион Внатрешна Монголија, за кој инвеститорот тврди дека е најголем во светот.

Кина отвора мегацентар за вештачка интелигенција. Ќе троши два гигавати (ВИДЕО)

Комплексот „Envision Galaxy Campus“, сместен во градот Уланкаб, започна со работа во четврток. Компанијата за зелена технологија „Envision Group“ вели дека е најголемиот поединечен центар за податоци со вештачка интелигенција во светот во однос на капацитетот за обработка на токени, објави „Global Times“.

Капацитет и технички спецификации

Новиот комплекс е исто така најголемиот индустриски парк за вештачка интелигенција во Кина, со планиран капацитет од два гигавати. Зафаќа површина од 120.000 квадратни метри и е дизајниран да ја поддржи компјутерската моќ до еден милион единици за графичка обработка (GPU) кои можат да работат истовремено.

Зелена енергија и глобална иницијатива

Компанијата вели дека повеќе од 80 проценти од електричната енергија потребна за работа на центарот доаѓа директно од обновливи извори. Проектот е водечки развоен напор како дел од иницијативата „Mission Gobi“. Со оваа иницијатива, „Envision“ планира да изгради пет гигавати капацитет за зелено пресметување со вештачка интелигенција во пустински и сушни региони низ целиот свет до 2030 година. Планот комбинира големи центри за податоци со обновливи извори на енергија и системи за складирање.

Извор: Индекс.хр

Тагови: Кина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ги комбинира минатото и иднината: V12 хибрид инспириран од една од најголемите икони.

Само 99 примероци и 1.015 КС: Новото „Lamborghini“ оддава почит на „Miura“ (ФОТО)

„Lamborghini“ ја претстави специјалната серија „Revuelto Miura 60° Homage“, која ја одбележува 60-годишнината од лансирањето на легендарниот модел „Miura“.

Премиерата ќе се одржи за време на настанот „Monterey Car Week“, а производството ќе биде ограничено на само 99 примероци.

Специјалното издание е развиено од одделот „Ad Personam“, одговорен за персонализација на возилата.

На клиентите ќе им бидат понудени девет бои на каросеријата инспирирани од оригиналната „Miura“, со контрастни детали во златна или сива боја, ексклузивни тркала и значки „Miura 60“ на праговите.

Внатрешноста има седишта со мотиви инспирирани од оригиналната „Miura“, дополнителен кожен тапацир, вез „Miura 60“ и плочка што потврдува дека е еден од само 99 произведени автомобили.

Нема промени под хаубата. „Revuelto Miura 60° Homage“ е напојуван од познатиот „plug-in“ хибриден систем кој комбинира атмосферски 6,5-литарски V12, три електрични мотори и осумстепен менувач со двојна спојка.

Вкупната моќност е 1.015 КС (747 kW), што му овозможува на овој хипер автомобил да забрза од 0 до 100 км/ч за само 2,5 секунди, додека максималната брзина надминува 350 км/ч.

Компанијата вели дека специјалната серија претставува комбинација од богатата историја на брендот и модерните опции за персонализација по кои е познат „Lamborghini“ денес.

Извор: Б92

Тагови: Lamborghini

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер