Почна теренската работа за „Гаранција за млади 2025“ – можност за младите да добијат работа, обука или практикантство - Канал 5

Македонија

Почна теренската работа за „Гаранција за млади 2025“ – можност за младите да добијат работа, обука или практикантство

Програмата нуди широк спектар на можности и мерки насочени кон зголемување на вработливоста и професионалниот развој на младите:

Почна теренската работа за „Гаранција за млади 2025“ – можност за младите да добијат работа, обука или практикантство

Национален младински совет на Македонија (НМСМ) и Коалиција СЕГА започнаа со теренската работа за програмата „Гаранција за млади 2025“, национална мерка што има за цел да им овозможи на младите луѓе на возраст од 15 до 29 години во рок од четири месеци по евидентирањето во Агенција за вработување на Република Македонија да добијат конкретна понуда за вработување, продолжување на образованието, обука или практикантство.

Програмата „Гаранција за млади“ претставува системски механизам за поддршка на младите кои се во потрага по својата прва работа или сакаат да ги унапредат своите вештини и конкурентност на пазарот на трудот. Таа особено се однесува на младите кои не се вработени, ниту се во процес на образование или обука (NEET), но е отворена за сите невработени млади лица кои се евидентирани во Агенцијата за вработување.

Што опфаќа „Гаранција за млади“?

Програмата нуди широк спектар на можности и мерки насочени кон зголемување на вработливоста и професионалниот развој на младите:

· Услуги за поддршка: професионална ориентација и кариерно советување, индивидуални и групни обуки, поддршка при барање работа и посредување при вработување.

· Вработување: мерки за субвенционирано вработување, програми за самовработување, стимулации за вработување на млади лица со попреченост.

· Континуирано образование и обуки: обуки за конкретни работни позиции, развој на дигитални вештини, стекнување стручни квалификации, како и програмата „Втора шанса“ за продолжување на образованието.

· Практикантство: можности за домашни и меѓународни практикантски програми, вклучувајќи и европски иницијативи како „Erasmus+“.

Со овие мерки, младите добиваат конкретна поддршка за да направат прв чекор во кариерата, да се преквалификуваат или да стекнат нови знаења и компетенции кои се барани на пазарот на трудот.

Во склоп на теренската работа НМСМ и СЕГА активно работат на информирање, мотивирање и насочување на младите кон користење на можностите што ги нуди „Гаранција за млади“, преку теренска работа, кампањи и соработка со други организации и институции низ целата земја.

Сите заинтересирани млади можат да го пополнат формуларот за вклучување и да направат прв чекор кон својата идна кариера тука. По пополнувањето на формуларот, младите лица кои до сега не се регистрирани во Агенцијата за вработување, ќе бидат контактирани од нашите теренски работници со цел да добијат детални информации за оваа програма, да им се објасни процесот на регистрација и да се поддржат при вклучувањето во оваа програма за вработување.

Национален младински совет на Македонија

Тагови: млади луѓе

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер