Почна судирот на нашата со друга галаксија , веќе се создаваат нови ѕвезди - Канал 5

Технологија

Почна судирот на нашата со друга галаксија , веќе се создаваат нови ѕвезди

Кога ќе слушнеме за судир на нашата галаксија Млечен пат со некоја друга, веднаш размислуваме за Андромеда- голема спирална галаксија која треба да се судри со нашата за околу четири милијарди години.

Почна судирот на нашата со друга галаксија , веќе се создаваат нови ѕвезди

Но, ова не е единствената галаксија што ќе се судри со Млечниот пат. Магеланските облаци, или две неправилни џуџести галаксии кои орбитираат околу нашата, веќе почнаа да ни приоѓаат, и се чини дека во извесна смисла започна судирот помеѓу нашата галаксија и Големата и Малата Магеланска маглина. Имено, како последица од овој судир веќе се раѓаат нови sвезди.

Поточно, новите sвезди обично се формираат при спојување на галаксиите, а астрономите неодамна забележале млад sвезден кластер на периферијата на нашата галаксија во близина на Магеланската маглина. Областа е дом на најстарите sвезди во нашата галаксија, а експертите откриле дека ѕвездите на овој сет се составени од материјал од Магеланската маглина.

Со други зборови, претстојниот судир на нашиот Млечен пат со Магеланскиот облак веќе е започнат.

Научниците проценуваат дека LMC во моментов е оддалечена околу 163,000 светлосни години и се движи со брзина од 400 километри во секунда. Но, симулациите на астрофизичарите од универзитетот Дурам покажуваат дека Големиот Магелански облак ќе забави во еден момент, ќе се сврти кон нас и ќе се судри со нашата галаксија. Судирот треба да се случи за околу 2,5 милијарди години.

Во случај човештвото да преживее толку долго, го чека вистински спектакл.

Постои веројатност дека судирот ќе активира црна дупка во центарот на нашата галаксија и ќе започне да голта сè околу неа, зголемувајќи се за десет пати.

Научниците веруваат дека тогаш ќе има „прекрасен вселенски огномет“.

„Бидејќи се храни со околниот гас, црната дупка ќе испушти големи млазеви на радијација“, рече водачот на студијата, космологот Мариус Каутун.

„Иако овие млазеви нема да влијаат врз нас, постои мала веројатност (1-3%) дека при судир на две галаксии, нашиот Сончев систем ќе биде фрлен во меѓуesвезден простор“, додаде научникот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Чешка дозволи брзина од 150 км/час, но само под еден услов

Чешка ја зголеми максималната дозволена брзина на делница од автопатот D3 од 130 на 150 км/ч, но возачите нема да можат да ја користат оваа дозволена брзина во секое време.

Чешка дозволи брзина од 150 км/час, но само под еден услов

Новото правило е дел од пилот-проект во кој ограничувањето се менува во реално време во зависност од условите на патот.

Тестот се спроведува на делница од 47 километри што ја поврзува Прага со австриската граница. Државата инвестираше околу два милиони евра во нова сигнализација, паметни знаци и систем за следење на условите за возење на оваа рута.

Паметните сензори одлучуваат кога е безбедно да се вози со 150 км/ч

За разлика од традиционалните ограничувања на брзината, овој систем автоматски го прилагодува ограничувањето на брзината врз основа на податоците од метеоролошките станици, камерите и сензорите вградени во асфалтот.

Возачите ќе можат да возат со 150 км/ч само кога се исполнети сите услови: целосно сув пат, одлична видливост и низок интензитет на сообраќај.

Во случај на дожд, магла или голем број возила на патот, системот автоматски ќе ја намали дозволената брзина за да се одржи безбедноста.

Чешките власти веруваат дека овој пристап може да овозможи побрзо возење без да ги загрози учесниците во сообраќајот, бидејќи брзината се прилагодува на реалната ситуација на патот.

Заштедата на време не е голема, но тестот продолжува

Според теоретските пресметки, зголемувањето на брзината од 130 на 150 км/ч заштедува околу шест минути на 160 километри континуирано возење.

Иако временската разлика не е огромна, чешките власти сакаат да соберат што е можно повеќе податоци за однесувањето на возачите и влијанието на поголемите брзини врз безбедноста во сообраќајот.

Пилот-проектот на автопатот Д3 требаше да заврши порано, но Чешка одлучи да го продолжи до крајот на 2026 година за да добие подетална анализа.

Првичните резултати покажуваат дека возачите генерално ги почитуваат променливите ограничувања и дека досега нема докази за значително зголемување на бројот на сериозни сообраќајни несреќи.

Доколку тестот се покаже како успешен, можно е сличен модел да се примени во иднина и на други европски автопати каде што временските услови често го менуваат нивото на ризик.

Тагови: брзина Чешка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во сообраќајка во Уганда загинаа над 20 деца- светот е во шок од состојбата на автобусот (ВИДЕО)

Најмалку 20 ученици и еден возрасен загинаа откако автобус што превезувал ученици на екскурзија се урна во источна Уганда, соопштија локалните власти.

Во сообраќајка во Уганда загинаа над 20 деца- светот е во шок од состојбата на автобусот (ВИДЕО)

Како што објави Би-Би-Си, ова е една од најлошите сообраќајни несреќи во земјата во кои учествувале деца во последните години.

Десетици други, вклучително и вработени, беа повредени во несреќата во областа Капчорва во четврток вечерта.

Прелиминарните истраги покажуваат дека автобусот имал механички дефект пред возачот да ја изгуби контролата врз возилото на ридот Чекватит, дел од патот што е место на неколку сериозни несреќи, соопштија локалните власти.

„Возачот наводно ја изгубил контролата врз возилото, кое излетало од патот, удрил во голема карпа покрај патот и се превртел“, соопшти полицијата.

Автобусот, кој превезувал ученици од основното училиште „Крал Дејвид“ во Ндеја, се урна околу 20 часот по локално време (17 часот по Гринич) во селото Чекватит, округот Кавово, соопшти полицијата.

„За жал, 20 деца и еден возрасен, кој беше основач и директор на училиштето, г-дин Тадео Секаде, отидоа да бидат со Господ“, напиша министерот за локална самоуправа Балам Атењи Баругахара на платформата X додека беше на местото на несреќата.

Видеата споделени од очевидци покажаа дека автобусот е тешко оштетен додека локалното население брзаше да им помогне на повредените деца.

Учениците се враќаа од студиско патување, а локалните медиуми објавија дека претходно ги посетиле водопадите Сипи, популарна туристичка област.

Илјадници луѓе умираат во сообраќајни несреќи во Уганда секоја година. Брзината, лошо одржуваните возила и опасните патишта се меѓу главните причини, според сообраќајните власти.

Најновата несреќа се случува во време кога повторно се покрена загриженоста за безбедноста на училишниот превоз, откако во земјата во последните недели беа пријавени неколку сериозни автобуски несреќи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски: Да продолжиме заедно, обединети, храбри и одговорни, за Битола која расте

Вечерва, по повод одбележувањето на роденденот на Општинскиот комитет на ВМРО-ДПМНЕ Битола, имав чест да се обратам пред членовите, ветераните, младите, Унијата на жени и бројните поддржувачи на нашата партија.

Мицкоски: Да продолжиме заедно, обединети, храбри и одговорни, за Битола која расте

Ако постои една лекција што ја научивме низ сите изминати години, тогаш тоа е дека ВМРО-ДПМНЕ е најсилно кога е обединето. Ниту една функција, ниту една позиција и ниту едно лично несогласување не може да биде поважно од довербата што ни ја дава народот. Нашата сила никогаш не била во поединците, туку во заедништвото и чувството дека припаѓаме на нешто поголемо од нас самите. Довербата не е сопственост на ниту една партија и ниту еден политичар, таа е позајмена од граѓаните и трае само додека работиме чесно, посветено и одговорно. Нашата победа има вистинска смисла само ако ја претвориме во подобар живот за граѓаните во нови работни места, повисоки плати и пензии, подобро здравство и образование, посилни институции и држава во која успехот зависи од трудот, знаењето и чесноста.

Верувам во Македонија затоа што верувам во нашиот народ. Верувам во Битола затоа што знам колку сила, талент и достоинство има во луѓето на овој град. Нашите најдобри денови не се зад нас, туку пред нас, доколку останеме блиску до народот, доколку не дозволиме функциите да нè променат и доколку секоја победа ја сфатиме како нова обврска.

Да продолжиме заедно, обединети, храбри и одговорни, за Битола која расте, за Македонија која победува и за иднината што сме должни да ја изградиме, објави на ФБ претседателот на ВМРО-ДПМНЕ и премиер, Христијан Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер