Култура

Почна реставрацијата на најпознатото ремек-дело на Рембрант

Во светски познатиот музеј „Рајкс“ во Амстердам започна реставрацијата на познатото ремек-дело на Рембрант „Ноќна стража“ (1642).

Прво, сликата ќе биде извадена од дрвената рамка, објави вчера музејот во Амстердам. Платното потоа ќе се истегне на специјална алуминиумска рамка за да се направи затегнатоста на платното порамномерна.

Овој третман се очекува да трае два до три месеци и е втора фаза од она што музејот го нарече „Операција Ноќна стража“. Ова најголемо реставрирање на ремек-делото започнало во летото 2019 година и ќе се спроведе во изложбениот салон, Галеријата на честа, пред јавноста.

Меѓутоа, во моментов музејот е затворен поради пандемија на коронавирус. Колку долго ќе трае реновирањето и што треба да се направи се уште е нејасно.

„Сега ќе го искористиме сето знаење што го собравме во текот на изминатите две и пол години од истражувањето на „Ноќна стража“ за да ја доведеме сликата до најдобра форма, за луѓето долго време да можат да уживаат во ремек-делото “, рече директорот на музејот Тако Дибитс.

„Ноќна стража“ ја прикажува гардата на Амстердам, висока е околу 380 сантиметри и широка 453 сантиметри. Тоа е најпознатото дело на холандскиот мајстор Рембрант ван Рајн (1606-1669).

Македонија

Заедничка литургија на поглаварите на македонската и српската црква во Белград

Литургијата на помирување започна утрово во 9 часот во храмот Свети Сава во Белград, на која служеа Српскиот патријарх Порфириј и Архиепископот охридски и македонски Стефан.

Во присуство на голем број граѓани по 55 години со литургијата на помирувањето ќе се обнови литургиската и канонската заедница на двете сестрински цркви, согласно одлуката на парламентот на Српската православна црква.

Македонските владици се надеваат дека Српската православна црква на крајот на мај ќе го испрати предлогот за автокефален статус на МПЦ-ОА.

Во Белград пред храмот Свети Сава е Михајло Видимлиски.

Во видеото погледнете го целиот извештај.

Свет

Бајден денеска ќе биде домаќин на лидерите на Финска и Шведска

 Американскиот претседател Џозеф Бајден денеска во Белата куќа ќе ги пречека лидерите на Финска и Шведска, Саули Нинист и Магдалена Андерсон, откако двете нордиски земји аплицираа за членство во НАТО.

Соединетите Американски Држави ги поддржуваат напорите на двете земји за приклучување кон Северноатлантската алијанса, а доколку нивната апликација за членство помине, Алијансата ќе брои 32 членки.

Сепак, Турција се противи на влезот на Хелсинки и Стокхолм во НАТО, обвинувајќи ги дека се рај за антитурските екстремисти.

Британија и неколку земји од НАТО им понудија безбедносни гаранции на Финска и Шведска додека се разгледуваат нивните апликации, ветувајќи им дека ќе им помогнат во случај на агресија. -Срдечно ги поздравувам и силно ги поддржувам историските апликации на Финска и Шведска за влез во НАТО, рече Бајден.

Македонија

ВМРО-ДПМНЕ: Над 2400 дечиња чекаат за прием во градинка во Скопје

Над 2400 дечиња чекаат за прием во градинка во Скопје, места нема затоа што СДСМ 5 години не направи ниту еден нов објект.

Градоначалниците на ВМРО-ДПМНЕ во скопските општини затекнаа состојба во која стотина дечиња од секоја општина се на листа за чекање за прием во градинка.

Места нема затоа што СДСМ 5 години не направи ниту еден нов објект.

Ситуацијата со недостаток на места за сместување не може да се реши преки ноќ. Градоначалниците од ВМРО-ДПМНЕ во сите скопски општини веќе засилено работат на нови градинки, и се очекува проблемот за година дена од сега да биде помал.

Работата на градоначалниците од ВМРО-ДПМНЕ на полето на градинките ја опструира централната власт, од каде не даваат согласност за нови вработувања и го кочат процесот во целост.

СДСМ ја злоупотребува централната власт да им прави сопки на градоначалниците од ВМРО-ДПМНЕ. Затоа и ова е една од причините поради која мора да имаме предвремени парламентарни избори час поскоро. Со влада на ВМРО-ДПМНЕ Македонија ќе се насочи на раст и развој и нови проекти, наместо на стагнација и криминал како до сега.

Со почит,

Центар за комуникации на ВМРО-ДПМНЕ

притисни ентер