Министерството за внатрешни работи информира дека на 18.09.2026 во 07:45 часот, полициски службеници од ОВР Струга во струшкото село Враништа, од слобода го лишија Љ.М.(60) од истото село, кој се сомничи дека на 16.09.2026 во 12:30 часот, предизвикал пожар на сува трева и стрниште на отворен простор во атарот на селото Враништа. Во пожарот, нема повредени лица, а интервенирала Територијалната противпожарна единица од Струга. По целосно документирање на настанот, против Љ.М. ќе биде поднесена соодветна пријава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Сириски извори кои разговарале со „Turkish Today“ изјавија дека Саудиска Арабија во последните месеци барала борци за да ги задоволи своите воени потреби во Јемен, но дека сириската влада „љубезно“ го одбила барањето за организирање и распоредување сириски сили против Хутите.

„Ова прашање е исцрпено и завршено. Саудиското барање беше упатено пред неколку месеци. Сирија учтиво го одби, наведувајќи дека е фокусирана на сопствениот процес на организирање на армијата и дека нема намера да се вклучи во конфликтот како трета страна“, изјави еден од изворите.

Изворот наведе дека сириската влада не ги спречува поединците да патуваат надвор од Сирија и да учествуваат во конфликтот, но нагласи дека Дамаск нема да преземе одговорност за таквиот поединечен ангажман.

Турските извори исто така ги отфрлија тврдењата дека Турција одиграла улога во префрлањето или организирањето на Сиријци за распоредување во Јемен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според Европската комисија, полнењето на резервоар од 50 литри со бензин сега чини околу 103 евра, а дизелот 108 евра. Високите рафинериски маржи значително придонесуваат за зголемувањето на цените, а експертите од Европската централна банка проценуваат дека маржите на дизелот ќе достигнат врв дури во октомври, што укажува дека цените би можеле да останат високи, пишува „Еуроњуз“.

Цените на горивата на бензинските пумпи нагло пораснаа од почетокот на конфликтот на Блискиот Исток, зголемувајќи ги инфлациските притисоци. Европската централна банка објави дека инфлацијата на енергијата во еврозоната скокнала на 14,3 проценти во август, во споредба со 10,3 проценти во јули.

Просечната цена на литар бензин во ЕУ на 14 септември изнесуваше 2,063 евра, а на дизелот 2,159 евра. Ова се највисоките цени забележани откако Комисијата почна да ги следи податоците во 2005 година. Претходната рекордна цена на бензинот беше забележана во 2022 година, додека дизелот последен пат се приближи до сегашното ниво во април оваа година.

Цените значително варираат меѓу земјите-членки. Бензинот е најевтин во Малта, каде што чинеше 1,34 евра за литар, додека најскапиот беше во Данска, каде што чинеше 2,56 евра. Дизелот беше исто така најевтин во Малта, каде што чинеше 1,21 евра за литар, а најскап во Финска, каде што чинеше 2,51 евра.

Податоците доаѓаат од неделниот билтен за нафта на Европската комисија, објавен на 17 септември, и се однесуваат на цените евидентирани на 14 септември, со вклучени даноци и акцизи.

Зголемувањето на цената трае со месеци, од почетокот на војната со Иран кон крајот на февруари, што го наруши протокот на енергија низ Ормутскиот теснец. Цената на референтната сурова нафта од типот Брент надмина 126 долари за барел во екот на конфликтот, а во петокот барел за испорака следниот месец се тргуваше за повеќе од 104 долари. Пред војната, цената беше околу 72 долари.

Снабдувањето на Европа е дополнително отежнато бидејќи „Сауди Арамко“ информираше најмалку две европски рафинерии дека нема да добијат договорени испораки на нафта во октомври. Според „Блумберг“, кој се повикува на добро информирани извори, одлуката важи за сите европски клиенти и е донесена по нападот врз клучниот саудиски нафтовод што води до Црвеното Море.

Од почетокот на 2026 година, просечната цена на бензинот во ЕУ се зголеми за приближно 29 проценти, а дизелот за речиси 40 проценти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.