Почна гостувањето на „Танц фест 2016“ во Велес - Канал 5

Култура

Почна гостувањето на „Танц фест 2016“ во Велес

На големата сцена на Народниот театар „Јордан Хаџи Константинов-Џинот“ во Велес втора година гостува „Танц фест“. Организатор е Скопје танцов тетар, кој годинава прославува пет години од своето постоење.

Почна гостувањето на „Танц фест 2016“ во Велес
Пред велешани беше изведена танцовата претстава „Стапнувајќи на земја“. Како што појасни пред присутната публика Рисима Рисимкин, уметничка директорката на „Танц фест“, станува збор за танцова претстава која е составена од три кореографии. Првата „Кој и да е“ е во кореографија на Андријана Андреева, втората „Најди некој“ на Матеа Киселичка и третата „Тишината на пчелите“ во кореографија на гостинката од Холандија, кореографката Џоан Ван Дер Маст, за која музиката специјално ја напишала италијанската композиторка Сара Замбони.

Рисимкин додаде дека се работи за кореографското истражување во кое животот на пчелите е главната тема на инспирација
- Пчелите воспоставуваат катарза на планетата Земја и уште од античко време се почитувани како свети инсекти. Функционираат во беспрекорно организиран систем на репродукција и одржување на животниот циклус на планетата. Загадувањето на Земјата го уништува нивниот природен процес на дејствување, рече Рисимкин.

Кореографката Џоан Ван Дер Маст изјави дека е многу задоволна од претставата. Според неа, е многу важно за танчерите што повеќе да танцуваат. Истакна дека по првата претстава во Скопје, тие сега во Велес се подобри и очекува оти и во иднина ќе бидат уште подобри.
- Велес треба да биде горд на еден ваков современ театар со многу професионална техничка екипа, со извонредна техника која во многу придонесе за одличната изведба на претставата, оцени Ван Дер Маст.


За велешката публика даде позитивна оценка.
- Се надевам дека публиката што беше вечерва тука ќе ги пренесе одличните впечатоци и оти понатаму се повеќе и повеќе публика ќе доаѓа на вакви современи танцови претстави. Знам дека за публиката е тешко да се прифати нешто ново, но доколку тоа се сподели со останатите, мислам дека овој театар во иднина ќе има одлична публика, рече Ван Дер Маст.

Рисимкин нагласи дека е задоволна од настапот и оцени оти имаше одлична публика.

- Велес има одбрана публика која го почитува театарот, така што имаме убава можност во овој убав театар да прикажеме четири претстави на годинашниот „Танц фест“ 2016. Ние годинава славиме пет години од постоењето и сме единствената танцова компанија во земјава и сметам дека е многу важно што повеќе луѓе во Македонија да не видат. Имаме повеќе гостувања на танцови театри од странство, како од Турција и Франција, рече Рисимкин.
На 12 април во Велес, во рамки на „Танц фест 2016“ е „Боите на танцот“ во изведба на Националниот балет од Измир - Турција. На 19 април „Strates Rualite Dance Company“ од Париз – Франција и на 21 април „4 Чакони“, премиера на Скопје Танцов Театар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Бугарија остана без селектор по само две кола во Лигата на нации

Фудбалската репрезентација на Бугарија ќе мора да бара нов селектор откако Александар Димитров поднесе неотповиклива оставка по разочарувачкиот старт во Лигата на нации.

Бугарија остана без селектор по само две кола во Лигата на нации

Бугарите освоија само еден бод од првите два натпревара, кои се одиграа во Пловдив. Најпрво беа изненадени од Луксембург и славеа со 2:1, а потоа одиграа нерешено без голови против Естонија.

Димитров ја соопшти својата одлука веднаш по вториот натпревар, незадоволен од играта и од фактот што неговиот тим не успеа да го спроведе подготвениот план.

„Игравме многу хаотично. Нашиот план не беше спроведен и не успеавме да создадеме притисок во нападот. Тоа значи дека ја изгубивме довербата на играчите. Со ваква игра и вакво издание, завршуваме. Ѝ благодариме на Фудбалската федерација за укажаната можност“, изјави Димитров.

Тој ја предводеше бугарската репрезентација на десет натпревари, при што оствари три победи, две нерешени средби и пет порази. Бугарија сега ја очекуваат два последователни натпревари на гостински терен.

Во сабота ќе играат против Исланд во Рејкјавик, додека три дена подоцна ќе гостуваат во Луксембург. Исланд го зазеде првото место во групата со победа од 3:0 над Луксембург.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: 60 милиони евра за автобуси со помал капацитет — за чии интереси ВМРО-ОКГ го крои тендерот?

Криминална власт на Мицкоски под радарот договора тендер вреден речиси 60 милиони евра за автобуси во Скопје. 

СДСМ: 60 милиони евра за автобуси со помал капацитет — за чии интереси ВМРО-ОКГ го крои тендерот?

Скопјани чекаат превоз, а власта им ги намалува и местата во автобусите!

Според анализата на Центарот за граѓански комуникации, наместо првично бараните 76, во следните постапки се бараат 66 патници по автобус.

Тоа е 20 места помалку од последно купените автобуси на Град Скопје и 30 помалку од донираните од ЕУ.

Две поевтини понуди биле отфрлени. Значи поскапи.

Класичен рецепт за корупција и шеми со местење тендери.

Очигледно намерно тендерот се повторувал трипати за да се наместат условите и да се усогласат играчите.

Омилените компании на ВМРО од Унгарија и Кина од остри конкуренти преку ноќ станале „партнери“ со заедничка понуда.

Наместо да го реши ѓубрето во Скопје, наместо да го реши проблемот со јавниот превоз, Орце мисли на провизии и дилови и со автобусите.

Помалку места за Скопјани повеќе пари за арамиите.

Вака функционира организирана криминална група.

Ќе отвори ли истрага Јавното обвинителство или екскурзијата уште трае?

Скопје, 30.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: На ВМРО-ДПМНЕ му одговара филмот кој Филипче го продава секој ден затоа што тоа е филм кој носи порази на СДС

На ВМРО-ДПМНЕ му одговара филмот кој Филипче го продава секој ден затоа што тоа е филм кој носи порази на СДС, нам ни останува да се грижиме за граѓаните и државата.

Петрушевски: На ВМРО-ДПМНЕ му одговара филмот кој Филипче го продава секој ден затоа што тоа е филм кој носи порази на СДС

Контрашот Венко Филипче полека, но сигурно се губи на политичката сцена. Секојдневно исти приказни, лажна загриженост, ширење паника во јавноста и секако не поминува ден без лаги.

Филипче треба да разбере дека овој негов филм не поминува кај граѓаните.

А зошто не поминува? Затоа што фактите постојано го демантираат. Фактите укажуваат на сосема поинаква слика од онаа која ја има во неговиот филм. На кратко, во најголемата енергетска криза дизелот има најниска цена во Македонија. Пензиите растат. Платите во сите сектори од образование, здравство, МВР се покачуваат редовно според планот.

Талогот од СДС знае само за марихуана економија, а истата им носи добивка само на неколкумина или на контрашот Филипче, неговиот учител Заев кој продаде се што можеше да се продаде од државата.

И да нема дилема кај Филипче, тој може да продолжи со неговиот филм. На ВМРО-ДПМНЕ тој филм му одговара затоа што овој филм на Филипче го носи СДС кон порази. И да е јасно, секако, тоа не е добро за државата, затоа што е потребна здраво поставена опозиција. Но, работата на ВМРО-ДПМНЕ е да се грижи за граѓаните и државата и да повика да се консолидира опозицијата.

Бране Петрушевски, пратеник на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер