Почна големиот лов на богатство во САД - бизнисмен сокрил 2 милиони на пет локации (ВИДЕО) - Канал 5

Живот

Почна големиот лов на богатство во САД - бизнисмен сокрил 2 милиони на пет локации (ВИДЕО)

Џон Колинс-Блек со години кога бил помлад сонувал да најде богатство, а денес тој е оној кој низ САД сокрил пет кутии со богатство вредни два милиони долари и сака луѓето да ги најдат.

Почна големиот лов на богатство во САД - бизнисмен сокрил 2 милиони на пет локации (ВИДЕО)

Колинс-Блек, музичар кој стана претприемач во Калифорнија, изјави за Business Insider дека заработил значителна сума пари од раните инвестиции во биткоин. За време на пандемијата на коронавирус, тој започнал проект за собирање богатство за да го скрие и да ги испрати луѓето во потрага, надевајќи се дека ќе уживаат во авантурата.

Колинс-Блек откри дека сокрил пет ковчези - една голема кутија и четири помали - низ Америка. Тој рече дека ниту една од кутиите не била закопана или ставена на приватен имот, а пронаоѓањето на кутиите не барало опасни напори.

Тој ги запишал сите потребни индиции за да ги пронајде кутиите со богатство во книгата наречена „Внатре има богатство“. Колинс-Блек изјави дека пронаоѓањето на индициите ќе бара внимателна анализа на текстот и отворен, но остар ум.

Тој во последните пет години собира богатства, главно на аукции и од трговци со антиквитети. Меѓу предметите се „Casascius bitcoin“ (првиот физички биткоин некогаш создаден), зелен колумбиски смарагд, картичка „Shining Charizard“ Pokemon од 2002 година, антиквитети од бродолом и чаша на Џорџ Вашингтон. „Бизнис инсајдер“ ги прегледале потврдите за набавките на аукција.

Колинс-Блек рече дека има „флексибилен буџет“ за вредноста на богатството. Врз основа на цените што ги платил на аукциите, тој проценува дека вкупната вредност на богатството моментално се движи меѓу 2 и 3 милиони долари. Сепак, вредноста на ковчезите може да варира поради флуктуирачки ставки како Биткоин.

„Се обидував да ја измерам вистинската големина -- колку треба да биде ова без да биде преголемо. Не сакав луѓето да полудат“, рече Колинс.

Сите кутии со богатство се исто така мистериозни кутии, рече Колинс-Блек, но тие содржат упатства за нивно отворање, така што пронаоѓачите нема да мора да ги уништат.

Само тој знае каде се кутиите, па сослушувањето на членовите на неговото семејство или издавачот нема да помогне. Сем ги поставил кутиите низ целата земја, поминувајќи повеќе од сто километри за време на неговите патувања.

YouTube video

„Ако биткоинот достигне 500.000 долари или 1 милион долари или ова богатство вреди 10 милиони долари за пет до седум години, мислам дека ќе славам и ќе бидам среќен поради тоа“, додаде тој и продолжи:

„Дефинитивно имаше неколку предмети каде што луѓето ми рекоа: „Дали си сигурен дека сакаш да го ставиш тоа во богатството?“. Но, на крајот на денот, мислам дека ќе бидам возбуден за секој што ќе го најде тоа."

Колинс-Блек не издвоил омилен предмет од колекцијата, но рече дека има посебна наклонетост кон смарагдот, за кој тврди дека е „прекрасна работа за гледање“.

Ловот на богатство отсекогаш ги фасцинирал луѓето - можете дури и да преземете апликација за „geocaching“ за да го користите вашиот GPS уред за да пребарувате за вистински скриени предмети.

Во 2010 година, колекционерот на уметнички дела Форест Фен сокрил багажник исполнет со злато, накит и други вредни предмети во Карпестите Планини, а Колинс-Блек тргнал да го пронајде. Тој не успеа во својот лов. По десетгодишна потрага, ковчегот на Фен конечно бил пронајден во 2020 година.

Иако Колинс-Блек направил сѐ за да ги скрие кутиите, тој не сака овие мистерии да го надживеат. За осум или десет години тој може да објави дополнителни индиции.

„Немам желба да бидам одамна мртов, а легендата за богатството на Џон Колинс-Блек да остане. Не сакам ова да трае вечно“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Средба на Министерството за финансии, УЈП и Царинската управа – буџетските приходи за 8% повисоки од лани

Буџетските приходи заклучно со август изнесуваат околу 3,75 милијарди и се за 8 проценти повисоки во однос на истиот период лани, додека даночните приходи бележат раст од 8,2 проценти.

Средба на Министерството за финансии, УЈП и Царинската управа – буџетските приходи за 8% повисоки од лани

Овие податоци биле разгледани на средба на министерката за финансии Гордана Димитриеска-Кочоска со директорите на УЈП и Царинската управа, Елена Петрова и Бобан Николовски.

Од Министерството оценуваат дека буџетот засега се реализира согласно планираната динамика, без позначајни отстапувања.

Средбата доаѓа само неколку дена откако Димитриеска-Кочоска не ја исклучи можноста за нов ребаланс или прераспределба на средства поради случувањата на глобалните пазари и влијанието на кризата врз цените на енергентите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Крвав напад во Пакистан- најмалку 16 загинати во експлозија во џамија (ВИДЕО)

Најмалку 16 лица, вклучувајќи пет полицајци, беа убиени во напад врз џамија во северозападен Пакистан откако возило натоварено со експлозив се удри во неа. 

Крвав напад во Пакистан- најмалку 16 загинати во експлозија во џамија (ВИДЕО)

Висок полициски службеник во Пешавар ја потврди веста, според Би-Би-Си.

Борби на местото на настанот

Нападот се случил во округот Кохат, во покраината Хајбер Пахтунхва, каде што сè уште се водат престрелки меѓу напаѓачите и безбедносните сили. Еден официјален претставник изјави дека еден напаѓач е убиен и дека се во тек спасувачки операции.

Пакистанскиот претседател Асиф Али Зардари испрати „најдобри желби за брзо закрепнување на повредените во експлозијата“ во официјално соопштение.

Никој сè уште не ја презеде одговорноста за нападот. Премиерот Шехбаз Шариф, исто така, ја осуди експлозијата.

Активноста на милитантите во граничните области на Пакистан нагло се зголеми во последните месеци, а цел беа армијата и полицијата.

Исламабад тврди дека милитантите користат безбедни засолништа во Авганистан за обука и планирање напади во Пакистан. Талибанската влада во Авганистан ги негира обвинувањата и вели дека милитантното насилство е внатрешен проблем на Пакистан.

Тагови: Пакистан џамија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Том Круз открива за што разговарал со Тејлор Свифт: „Таа е брилијантна“

Том Круз откри за што разговарал со Тејлор Свифт откако заедно го гледаа натпреварот со кој тимот „Канзас Сити Чифс“ ја започна сезоната, претходно оваа недела.

Том Круз открива за што разговарал со Тејлор Свифт: „Таа е брилијантна“

Актерот гостуваше во емисијата на Џими Фалон во четвртокот и раскажа како музичката ѕвезда го учела на правилата на американскиот фудбал додека навивале за Тревис Келси од трибините.

Лекција по американски фудбал

Водителот Џими Фалон го праша 64-годишниот актер за што разговараат најголемата филмска ѕвезда и најголемата музичка ѕвезда во светот кога ќе се најдат еден до друг. Круз, кој го промовира својот нов филм „Digger“, одговори: „Таа ме учеше за американскиот фудбал“.

На изненадување на Фалон, актерот потврди дека зборува сериозно. „Таа навистина го познава спортот. Како прво, таа е генијалец. Ја следам уште од времето кога беше дете. Сите што беа таму, сите нивни пријатели... тие се прекрасен пар и магични се сами по себе. Целата екипа во таа ложа“, рече Круз.

Тој додаде дека дружењето на стадионот „Ароухед“ било посебно искуство за него. „Не бев бил на натпревар уште од пред пандемијата бидејќи постојано работев. Беше навистина забавно да се дружиме таму и да го доживеам тој момент. Таа навистина се разбира во тоа“, изјави тој.

„Брилијантен текстописец и музичар“

Круз и Фалон исто така спомнаа како 36-годишната Свифт претходно признала дека не знаела ништо за американскиот фудбал кога првпат го запознала Келси. „Таа рече: 'Знаеш, тој е толку трпелив'“, раскажа Круз. „Јас одговорив: 'Верувам дека е така'. Мислам дека секој би бил многу трпелив со неа“.

Актерот истакна дека пејачката сега целосно ја разбира играта и дека разговарале и за музика и за филмови. „Таа е духовита. Има одлична смисла за хумор. Плус, таа е брилијантен текстописец. Брилијантен музичар и режисер. Таа е многу талентирана“, заклучи Круз говорејќи за пејачката која стои зад албумот „Opalite“.

Извор: Индекс.хр

Тагови: Том Круз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер