Почна 48. традиционална манифестација „Македонија во чест на свети Кирил“ - Канал 5

Култура

Почна 48. традиционална манифестација „Македонија во чест на свети Кирил“

Со отворање на изложбата „Св. Климент Охридски и неговите претстави во ликовната уметност“ и концертот на гитаристот Дарко Багески вечерва во Рим почна 48. традиционална манифестација „Македонија во чест на свети Кирил“.

Почна 48. традиционална манифестација „Македонија во чест на свети Кирил“
Изложбата која е поставена во Понтификалниот универзитет „Урбанијана“, ја отворија претседателот на Собранието на Република Македонија Трајко Вељаноски, а се обрати и министерката за култура Елизабета Канческа Милевска.

Изложбата е во организација на Заводот и музеј од Охрид, а е посветена на ликот и делото на свети Климент Охридски. Содржи 38 дела, односно вредни икони поврзани со ликот и делото на свети Климент, копии од фрески од повеќе цркви и манастири во Македонија, како и фотографии од објекти во кои се изложени моштите на охридскиот заштитник. За изложбата е изработен и двојазичен каталог со пригоден текст за св. Климент Охридски и неговото значење за македонскиот народ, како и за неговите ликовни претстави во Македонија и на балканските простории.

Со изложбата се одбележуваат 1100 години од упокојувањето на светителот Климент.

Манифестацијата посветена на светите браќа сесловенските и рамноапостолни просветители Кирил и Методиј според претседателот на Собранието на Република Македонија е повод за кој сите сме собрани во Рим и се спојуваат патиштата. Празнувањето на оваа манифестација, смета Вељановски е особено значајно поради единственото историско културолошко и епохално значење на светите Кирил и Методиј произлезено од нивната просветителска мисија.

- Значењето на Свети Климент Охридски кој го продолжи делото на светитите Кирил и Методиј е огромно. Неговиот живот е исполнет со значајни дела за кои денес сме благодарни. Тој учествувал во значајната моравска мисија од каде подоцна пристигнува во Рим за да сведочи благословот и потврдата на делото на неговите учители. Својата најзначајна работа ја започнува со доаѓањето во Охрид. Свети Климент подигнал цркви и манастири и ја основал охридската книжевна школа претворајќи го Охрид во центар на македонската и сесловенска писменост, рече Вељаноски.

Меѓудругото, потенцира тој, за Свети Климент се вели и дека е еден од првите и најистакнати писатели на старата словенска литература, и дека е еден од првите и најистакнати писатели на старата словенска литература.

- Тој во своите пишани зборови и толкување на евангелијата високо ја вреднува милостината советувајќи „гладен да нахраниш, жеден да напоиш, патник да прибереш и гол да облечеш, чест на презвитери да правиш...“. Неговите зборови и денес можат да се применат во секојдневието на нашето современо живеење како начин да се достигне благост, рече Вељаноски отворајќи ја изложбата „Св. Климент Охридски и неговите претстави во ликовната уметност“.

Министерката за култура Елизабета Канческа Милевска рече дека изложбата е несомнено еден придонес во непроценливото наследство што го оставија светите браќа Кирил и Методиј и нивните следбеници свети Климент и свети Наум, наследство, како што рече, кое и денеска се огледува во живиот и динамичен јазик и култура кои опстојуваат од Западна Европа до крајниот Исток на евроазиското тло.

- Историјата потврдува дека Македонија уште во далечниот деветти век и даде извонреден пример на Европа докажувајќи дека старата медитеранска култура и цивилизација може своето акумулирано знаење да го пренесе низ големите отворени пространства на континентот, истакна Канческа Милевска.

Изложбата содржи книжевно богаство од над 350 илјади книги напишани на повеќе од 530 светски јазици.

Пред присутните се обрати и амбасадорот на Републка Македонија во Ватикан, Звонимир Јанкуловски, кој оцени дека изложбата е повеќе од уметност и на посетителите нуди духовно доживување.

Присутните ги поздрави и ректорот на Универзитетот каде што е поставена изложбата Алберто Тревизиол.

Во текот на изминатите години, во рамки на традиционалното чествување на делото на светите браќа Кирил и Методиј во Рим, со поддршка од Министерството за култура беа претставени вредни изложби, меѓу кои: „Македонски бронзи“, „Антички теракотни фигурини од Македонија“, архивската изложба „Македонија низ вековите“, „Словенски ракописи од Македонија од 13 до 19 век“ кои беа презентирани во престижните Ватикански музеи, изложбата на „Македонска резба“ која беше поставена во монументалниот простор на комплексот Виторијано во Рим. Со годинашната изложба на Заводот и музеј од Охрид насловена „Св. Климент Охридски и неговите претстави во ликовната уметност“, Република Македонија го продолжува континуитетот во претставувањето на високите вредности на македонското културно наследство и творештво пред европската и светската јавност.

Во рамки на манифестацијата, утре македонската црковно-државна делегација ќе присуствува на Молебен на гробот на свети Кирил во базиликата „Сан Клементе“ во Рим со која ќе чиноначалствува митрополитот Тимотеј.

Традиционалниот прием на македонската делегација кај папата во рамки на оваа манифестација годинава се одржа на 16 мај поради обврски на папата Франциско.

Овој празник традиционално се одбележува со посета на државна делегција од Македонија од 1960 година. Денот во Македонија првпат е одбележан на 11 мај 1860 година во црквата Света Богородица, а црквата во 11 век го прогласила 24 мај, односно 11 мај по стар стил за ден на светите Кирил и Методиј. Датумот е избран бидејќи го означува почетокот на Моравската мисија.


Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Илјадници демнонстранти во Мадрид бараат оставка од Санчез поради мигрантите на Сеута

Илјадници луѓе, носејќи шпански знамиња, се собраа денес во центарот на Мадрид за да протестираат против начинот на кој левичарската влада на премиерот Педро Санчез ја управува ситуацијата во шпанската енклава Сеута во Северна Африка.

Илјадници демнонстранти во Мадрид бараат оставка од Санчез поради мигрантите на Сеута

Илјадници луѓе, носејќи шпански знамиња, се собраа денес во центарот на Мадрид за да протестираат против начинот на кој левичарската влада на премиерот Педро Санчез ја управува ситуацијата во шпанската енклава Сеута во Северна Африка, каде што пред два месеци влегоа 72.000 мигранти од Мароко.

Демонстрантите, собрани од конзервативната платформа Sociedad Civil Española под слоганот „За достоинство и одбрана на Шпанија“, побараа оставка од премиерот и распишување предвремени избори. Лидерите на десничарските опозициски партии Partido Popular (PP) и Vox учествуваа на состанокот.

„Сеута е сè уште окупирана затоа што Санчез е сè уште марокански слуга“, рече шефот на Vox, Сантијаго Абаскал. Демонстрантите го поздравија со аплауз и извици „Претседател, претседателе!“. „Денес сме на улица заедно со граѓанското општество“, рече тој додека се обраќаше пред медиумите.

Околу 8.300 мигранти се сместени во различни прифатни центри во Сеута

Демонстрантите се упатија кон Триумфалната капија, која се наоѓа во близина на владината зграда. Маршот се одржа во време на заострена политичка и социјална дебата за ситуацијата во градот Сеута, каде што сè уште има голем број мигранти кои влегоа во градот за време на масовниот прилив на крајот на јули.

Околу 8.300 мигранти се сместени во разни прифатни центри во Сеута, додека околу 4.000 сè уште живеат на улиците и плажите. На почетокот на септември, на официјалниот Ден на Сеута, илјадници луѓе учествуваа во протести низ цела Шпанија во поддршка на локалните жители.

Тагови: Мадрид Сеута

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Ријана позира во црвена чипка од својата нова колекција на долна облека (ФОТО)

Ријана продолжува да ја промовира својата линија долна облека Savage X Fenty. 

Ријана позира во црвена чипка од својата нова колекција на долна облека (ФОТО)

Пејачката и претприемачка објави серија нови фотографии на Инстаграм на кои позира во црвен чипкаст ансамбл од свој бренд.

На фотографиите, таа носи црвен чипкаст градник и соодветни гаќички. Станува збор за модели во нијанса Timeless Red, а градникот е направен од еластична чипка, нема постава и има прилагодливи ремени и копче на задната страна.

Колку чини комплетот?

Цените на производите на Savage X Fenty варираат во зависност од членството и тековните промоции. Сличен црвен чипкаст модел од понудата на брендот, кој е означен и како „Rihanna's Pick“ на нивната страница, чини 56,95 евра за клиенти кои не се членови, додека новите членови моментално можат да го купат за 22,78 евра.

Таа постојано ја промовира својата облека на Инстаграм

Новите фотографии се само продолжение на промотивната стратегија на Ријана. Таа редовно ги претставува своите колекции долна облека лично, па неодамна објави фотографии во црно-бел сет со огрмушки, како и во жолто летно издание. Пред тоа, таа позираше во неглиже со животински принт и сет од три дела во корално црвена боја со цветен дезен.

Нејзините објави редовно го привлекуваат вниманието на нејзините следбеници. „Токму тоа ни требаше“, е еден од коментарите. Други напишаа: „Го испуштив телефонот! Ни треба предупредување за оваа голема жештина!“ и „Кралицата се врати“.

Тагови: Ријана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Андоновски: Уште едно исполнето ветување, нов Центар за услуги за граѓаните на Кочани

Министерот за дигитална трансформација, Стефан Андоновски, денеска е во работна посета на Општина Кочани, каде што заедно со градоначалникот Влатко Грозданов го промовираше новиот Центар за услуги – ЕТУ Кочани. 

Андоновски: Уште едно исполнето ветување, нов Центар за услуги за граѓаните на Кочани

Со отворањето на центарот, жителите на Кочани и околината добиваат можност на едно место да пристапат до електронските услуги и да добијат поддршка при нивното користење.

Во изјавата за медиумите, Андоновски ја истакна важноста на приближувањето на дигиталните услуги до граѓаните, особено до оние на кои им е потребна помош при поднесувањето електронски барања.

„Со овој Центар за услуги им го олеснуваме пристапот на граѓаните на Кочани до услугите на институциите. Овде ќе можат да добијат помош за користење на Националниот портал uslugi.gov.mk, да поднесат барање за потребниот документ и полесно да ги завршат своите административни обврски. Нашата цел е дигитализацијата да биде достапна за секого и да носи конкретни придобивки во секојдневниот живот“, истакна Андоновски.

Преку новиот центар, граѓаните ќе имаат пристап до електронските услуги достапни на Националниот портал uslugi.gov.mk, меѓу кои се издавање извод од матичната книга на родените, документи од казнената и кривичната евиденција, како и услуги од Агенцијата за катастар на недвижности, Фондот на ПИОМ и други институции.

Министерот им се заблагодари на градоначалникот Грозданов и на Советот на Општина Кочани за поддршката и соработката во реализацијата на проектот, нагласувајќи дека заедничкиот ангажман на централната и локалната власт е значаен за подобрување на услугите за граѓаните.

„По бесплатните Wi-Fi зони што ги доби Кочани, денес реализираме уште едно ветување кон граѓаните. Благодарност до градоначалникот и до Советот на Општината што ја препознаа важноста на овој проект и придонесоа за неговата реализација. Со ваква соработка создаваме услови граѓаните побрзо и поедноставно да доаѓаат до услугите што им се потребни“, посочи Андоновски.

Градоначалникот Влатко Грозданов му се заблагодари на министерот Андоновски за соработката и за исполнувањето на ветувањата кон граѓаните на Општина Кочани, истакнувајќи го значењето на новиот центар за жителите на општината и околината.

Во рамки на работната посета, предвидено е министерот Андоновски да оствари средби и со претставници на компании од ИТ-секторот, како и со членовите на СТЕМ-клубот за роботика од Кочани.

Стефан Андоновски,

Министер за дигитална трансформација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер