Почина првата Американка со речиси целосно трансплантирано лице

Жена од САД, која стана првата Американка што го трансплантирала  речиси целото лице, почина на 58-годишна возраст.

Клиниката Кливленд каде Кони Кулп била подложена на историска трансплантација во 2008 година, вчера ја потврди веста.

„Кони беше неверојатно храбра, жена и инспирација за многумина“, изјави д-р. Френк Папај, претседател на Клиничкиот институт за дерматологија и пластична хирургија. „Нејзината сила беше очигледна во фактот дека таа беше најдолго живиот пациент со трансплантација на лице досега“, рече Папај.

„Таа беше одлична пионерка и нејзината одлука да поднесе застрашувачки чин е траен подарок за целото човештво“.

Лицето на Кулп било сериозно деформирано во 2004 година, кога нејзиниот сопруг Том ја застрелал со пушка во нивниот стан во Хопдејл, Охајо. Стотици фрагменти од истрелот ги смачкале образите, горната усна и едното око.

Нејзиниот сопруг тогаш се обидел да си пресуди, но преживеал, иако со значително помалку повреди од неа. Тој подоцна е осуден на седум години затвор.

Во меѓувреме, Кулп претрпела 30 операции на лицето, вклучително и операции каде лекарите земале делови од ребрата за да и ги направат образите и да ја обликуваат горната вилица од коската на едната нога.

Конечно, за време на 22-часовната операција во декември 2008 година, лекарите замениле 80 проценти од лицето со коски, мускули, нерви, кожа и крвни садови на друга жена која штотуку починала.

„Претпоставувам дека дојдовте да ме видите денес“, им рече таа на новинарите за време на презентацијата на своето ново лице. „Мислам дека е уште поважно да се фокусираме на семејството на донаторката што го направи ова лице.“, додаде таа.

Подоцна рече дека му простила на својот поранешен сопруг. „Секогаш ќе го сакам“, рече таа во 2009 година. „Мислам, имам две деца со него. Но, знаете што? Не можам повеќе да бидам со него“.

МВР: 378 прекршоци за неносење лична заштита на лице

Во текот на изминатото деноноќие (07/08.08.2020 година) на територијата на Република Македонија по однос на мерката за неносење лична заштита на лице регистрирани се 378 прекршоци. 

Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со Ковид -19.

ВМРО-ДПМНЕ: СДСМ со својата влада изминативе години донесе само корупција, криминал и хибриден режим

  Наместо СДСМ да ги лаже граѓаните преку бледи и стерилни соопштенија, нека одговори со кои партии ќе обезбеди мнозинство и кој ќе биде премиер.

На граѓаните преку глава им е од лагите на СДСМ.

Граѓаните на Република Македонија знаат дека СДСМ нема да обезбеди подобра иднина.

СДСМ со својата влада изминативе години донесе само корупција, криминал и хибриден режим.

Лагите на Заев веќе не поминуваат, прочитани се.

Заради тоа што Заев и власта беа фрлени на криминал Македонија секој ден тонеше се повеќе и повеќе.

Граѓаните не ги заслужуваат овие погубни политики на СДСМ и Заев. Граѓаните заслужуваат многу подобро.

Центар за комуникации на ВМРО-ДПМНЕ

Одрони на патот Делчево – Македонска Каменица – Кочани под браната Калиманци

Дождот што во текот на вчерашниот ден паѓаше на територијата на општините во пијанечкиот регион повторно предизвика одрони на патниот правец Делчево – Македонска Каменица – Кочани. 

Како што јавуваат возачи, поголеми одрони во моментот има во близина на првиот мост под браната Калиманци.

-Одроните се на десниот дел од коловозот од патот Делчево – Македонска Каменица – Кочани, веднаш под браната Калиманци. Едната сообраќајна лента е слободна за движење, но треба да се внимава бидејки одроните се на место пред свиок, велат возачи.

Додаваат дека на останатиот дел до Кочани патот е чист освен ситни камчиња во близина на некогашниот голем одрон кај месноста Саваро.

Екипи на подружницата на ЈП „Македонија пат” се запознаени за случајот и најавуваат брзо расчистување на одроните. Долж целиот патен правец асфалтот е сув и возачите возат по суви коловози.

притисни ентер