Бизарно

Почина „Попај“- во рацете вбризгувал минерално масло и алкохол

Бразилската спортска и фитнес заедница се збогува со Арлиндо де Соуза, бодибилдер кој стана познат низ целиот свет под прекарот „Бразилскиот Попај“, кој почина на 55-годишна возраст во градот Ресифе.

Веста за неговата смрт ја потврди неговото семејство, а според нив, де Соуза бил хоспитализиран од декември поради тешка бубрежна инсуфициенција.

Арлиндо де Соуза доби големо медиумско внимание кон крајот на 2000-тите, кога се појави во бројни телевизиски емисии во Бразил. Во тоа време, тој ја шокираше јавноста со изгледот на своите бицепси, чиј обем беше неверојатни 73 сантиметри, што му ја донесе репутацијата на човекот со најголемите бицепси во земјата и прекарот Попај. Неговиот изглед и големината на рацете беше предмет на фасцинација, но и на сериозни контроверзии.

Имено, де Соуза отворено зборуваше за практиката што го направи славен, но и го загрози неговото здравје, вбризгувајќи мешавина од минерално масло и алкохол директно во мускулите. Ова е исклучително опасен метод, кој претходно го одзеде животот на еден од неговите пријатели, исто така бодибилдер.

- Ми рече: „Земи го ова, ќе пораснеш за неколку дена!“ - изјави Арлиндо за Хафингтон пост во 2014 година.

- Го наполнив шприцот, го инјектирав производот во раката и веднаш пораснав. Искрено, не чувствував ништо. Понекогаш малку ми се вртеше, но ништо повеќе - додаде тој во тоа време.

Иако лекарите постојано го предупредуваа за сериозни здравствени последици и силно го советуваа да престане да зема такви инјекции, де Соуза подоцна призна дека долго време се борел со искушението, иако во еден момент престанал да ја практикува.

Надвор од рефлекторите и вниманието на медиумите, Арлиндо де Соуза водеше скромен живот. Беше сам, без деца, живееше со мајка си и работеше како ѕидар за да сврзе крај со крај.

Тагови: Попај рацете

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Љупчо Пренџов избран за заменик на генералниот секретар на ВМРО-ДПМНЕ

Пратеникот Љупчо Пренџов е избран за заменик на генералниот секретар на ВМРО-ДПМНЕ, Драган Ковачки. Одлуката ја донел партискиот Извршен комитет на седницата одржана на 12 ноември, објави Пренџов на Фејсбук.

Тој му се заблагодари на лидерот Христијан Мицкоски за довербата и на членовите на Извршниот комитет за поддршката, оценувајќи го изборот како ново поглавје во својот политички ангажман.

„Довербата е обврска. Одговорноста е да се оправда со работа и резултати“, напиша Пренџов.

Пренџов претходно беше организациски секретар на Граѓанската опција за Македонија (ГРОМ), а во март 2017 година беше избран за потпретседател на таа партија. Во Собранието влезе во 2020 година како претставник на ГРОМ, од листата на коалицијата предводена од ВМРО-ДПМНЕ.

Драган Ковачки беше избран за генерален секретар на ВМРО-ДПМНЕ на 6 февруари годинава, кога Централниот комитет го избра и новиот состав на Извршниот комитет.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ракомет

Во сабота во малата сала на СЦ „Јане Сандански“ ракометно дерби, Вардар- Алкалоид

Во сабота нè очекува уште едно големо ракометно дерби – Вардар против Алкалоид. Видеолотарија и навивачите со силна подршка на трибините за црвено-црните.

Дерби-натпреварот меѓу Вардар и градскиот ривал Алкалоид, закажан за сабота, 14 ноември, со почеток во 18:30 часот, ќе се одигра во СЦ „Борис Трајковски“, наместо во малата сала на СЦ „Јане Сандански“.

ВЛТ е со Вардар! Ги повикуваме сите навивачи во сабота да бидат дел од црвено-црната енергија и со гласна поддршка да му помогнат на тимот во дербито.

Вардарци, се гледаме во СЦ „Борис Трајковски“!

Тагови: РК Вардар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски панично ја брани Алта банка – Савески веднаш да постапи по кривичната пријава против Славески!

Колку повеќе прашања за одговорност се отвораат за Алта банка, толку по панично Христијан Мицкоски ја брани.

Од што се плаши Мицкоски најмногу? Од вистината.

Од тоа што ќе го покажат документите за влезот на Алта банка во Македонија, што ќе се откие потеклото на капиталот, трансакциите и сметките и ќе ги потврдат неговите врски со криминалниот картел на Вучиќ.

Мицкоски и Трајко Славески ја донесоа Алта банка во Македонија, ја внесоа пералницата на пари на Вучиќ.

Славески јавно призна дека одлуката ја донел по консултации со Мицкоски.

Во Србија има истрага, Алта банка е под стечај, сопственикот е приведен, се истражуваат 380 милиони евра. Дури се споменуваат сомнежи и за печатење пари.

Во Македонија граѓаните не можат да дојдат до своите пари а Мицкоски и Славески сакаат да го заташкаат скандалот за да се спасат од одговорност.

Обвинителот Ненад Савески треба да го прекине молкот и веднаш да постапи по кривичната пријава што ја поднесе СДСМ.

Гувернерот Трајко Славески има директна одговорност.

Основани се сомненијата за несовесно работење во службата и злоупотреба на службената положба и овластување при одобрувањето на преземањето на банката и спроведувањето на надзорот.

Зошто не биле направени потребните проверки на сопственикот Давор Мацура, потеклото на капиталот за кој има инофрмации дека е од криминал и дрога, зошто не се пресметале ризиците?

Савески треба да преземе мерки на претпазливост, вклучително привремена забрана за вршење на должноста на Трајко Славески, за да се спречи влијание врз сведоците, уништување на документацијата и доказите.

Обвинителството мора да покаже дека работи независно и по закон.

Скандалот со Алта банка нема да се заташка. Правдата доаѓа.

Од Мицкоски до Славески – сите ќе одговараат!

Скопје, 13.11.2026 година

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.