Шоу биз

Почина легендарниот актер Шон Конери

На 90 годиишна возраст почина славниот шкотски актер Шон Конери, соопшти неговото семејство.

Конери се прослави по улогата на Џејмс бонд ,а британскиот шпион го глумеше во дури во седум филмови. Неговата актерска кариера траеше со децении, го освои оскарот, две награди Бафта и три Златни глобуси,потсетува Би-Би-Си..

Шон Конери беше и политички активен и се залагаше за независност на Шкотска.Од филмското платно се повлече во 2011 година.

Кралицата Елизабета Втора го прогласи за витез во 2000 година. Во август годинава го прослави 90 роденден.

Томас Шон Конери е роден во Единбург на 25 август 1930 година, како син на работник во фабрика и домашна чистачка. Татко му бил католик,а мајка му протестантка.Тој израснал во потстанарска просторија со заеднички тоалет и без топла вода.

Го напуштил училиштето на 13-годишна возраст и започнал да работи, а подоцна се приклучил на Кралската морнарица. Три години подоцна,бил ослободен од службата поради здравјето. Во Единбург, тој се здобил со репутација на „силен човек“ кога шест члена на бандата се обиделе да му го украдат палтото. Конери самиот им се спротивставил.

Во слободното време се занимавал со боди-билдинг. Работел разни работи за да заработи за живеење, и бил и многу добар фудбалер. Но, тој ја одбил фудбалската кариера затоа што заклучил дека е премногу кратка и решил да бара иднина на филмската и театарската сцена. Подоцна рече дека тоа е еден од неговите најинтелигентни потези. Тој исто така се натпреварувал за титулата Мистер универзум.

Тој ги направи своите први актерски чекори во театарот, а првпат се појавил во филмот во 1954 година, како статист во Lilacs in the Spring. После тоа, добил некои помали улоги на телевизија. Во 1957 година ја добил својата прва главна улога во „Blood Money “, во кој играл боксер чија кариера пропаѓа.

И тогаш дојде Бонд.

Бонд глумеше во продолженијата Од Русија со љубов (1963), Голдфингер (1964), Тандербол (1965) и Само двапати се живее (1967). По 1967 година, на Конери му здосади улогата, но продуцентите успеале да го убедат да се врати во 1971 година за продолжението на „Дијамантите се засекогаш“.

Конери се појави и во филмовите на Индијана Џонс, а во 1988 година доби Оскар за улогата во „Недопирливите“. Во 2006 година тој ја одби улогата на Гандалф во филмот „Господар на прстените“. Тој тогаш рекол дека е „уморен од глума“ и дека е „уморен од идиоти кои сега прават филмови во Холивуд“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Почина легендарниот хрватски пејач Мишо Ковач

На 85 годишна вораст попладнево Почина легендата на балканската музичка сцена, хрватскиот пејач Мате Мишо Ковач –, човек кој продаде над 20 милиони носачи на звук во текот на кариерата што траеше речиси половина век.

Веста за неговата смрт за хрватските медиуми ја потврдија извори блиски до пејачот. Мишо починал околу 15:30 часот во својот дом во Сплит. Пред смртта, тој изразил желба да биде погребан во Загреб.

Покрај неговите безвременски хитови и бројни успеси, личниот живот на Мишо Ковач беше одбележан со голема трагедија. Деведесеттите години од минатиот век донесоа најтежок период за прочуениот пејач.

Во 1992 година, неговиот шеснаесетгодишен син Еди почина во Загреб под нејасни околности. По смртта на Еди, Мишо Ковач одржа голем концерт насловен „Ноќ на свеќи“ (*Noć svijeća*) на стадионот „Пољуд“ во Сплит. Настапи пред 50.000 луѓе, а по концертот изјави дека повеќе нема да настапува. Сепак, тој не го одржа зборот.

Покрај синот, во 1990-тите години тој ги загуби и мајка си и помладиот брат. По неколкугодишна борба со депресијата, Мишо се обиде да изврши самоубиство во Загреб во 1999 година, но преживеа.

Подоцна, тој се врати со концерт во Спортскиот центар, сними нови албуми и дуети со својата ќерка Ивана, а повторно победи и на Сплитскиот фестивал. Од тој период најмногу се издвојува песната „Далматино“. Во 2012 година, тој ја доби наградата „Порин“ за животно дело.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Кои се елитните севернокорејски хакери што ја извршија најголемата кражба на криптовалути во историјата?

Две водечки фирми специјализирани за анализа на технологија поврзана со криптовалути објавија дека поседуваат цврсти докази што го поврзуваат хакерскиот напад врз Binance, во кој беа украдени 6,3 милијарди долари, со група поддржана од Северна Кореја.

Како што пренесува BBC, TRM Labs и Chainalysis – со висок степен на сигурност – ја идентификуваа групата „Лазарус“ (севернокорејски хакерски колектив, познат и како TraderTraitor) како најверојатен извршител на нападот врз најголемата берза за криптовалути во светот. Овој напад далеку го надминува претходниот рекорден грабеж – инцидент од 2025 година поврзан со берзата Bybit, при што беа украдени 1,5 милијарди долари.

Овој инцидент е најновиот во низата напади поврзани со Северна Кореја – една од најсиромашните земји во светот, каде што пристапот до интернет е строго ограничен.

Експертите ја обвинуваат владата на Ким Џонг Ун дека се потпира на сајбер-криминал за финансирање на државата – обвинување што Пјонгјанг долго време го негира.

Според извештаите, земјата систематски ги развива своите сајбер-операции. За таа цел, таа регрутира елитни студенти и ги насочува кон хакерски групи што се под надзор на севернокорејската разузнавачка служба.

Анализите на технолошките компании покажуваат дека дел од овие операции се одвиваат во соседна Кина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Ангел на ВС како „подарок“

Најсекси ангелот на Викторија Сикрет, Кендис Свонпул уште еднаш ја покажа харизмата на вистинска заводничка. Нејзината најнова модна кампања маѓепса многумина.

Супермоделот Кендис Свонпул е заштитното лице на најновата новогодишна колекција на брендот „Викторијас сикрет“.

По спектакуларниот настап на неодамнешната модна ревија на брендот, не е изненадувачки што таа сега е во центарот на нивната нова модна кампања.

Кендис гордо позира во атрактивни модни парчиња – поточно, долна облека од тантела во електрично сина боја, која совршено ја истакнува нејзината прекрасна фигура.

Изгледот го заокружи со дијамантски ѓердан околу вратот, како и со високи потпетици што ги нагласуваа нејзините витки нозе.

За да ја долови новогодишната магија, една од најпознатите манекенки во светот позираше покрај огромни подароци, украсени со ленти.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.