Почина академик Илбер Ортајли, историчар од Турција, член на МАНУ надвор од работниот состав - Канал 5

Македонија

Почина академик Илбер Ортајли, историчар од Турција, член на МАНУ надвор од работниот состав

Во 79. година од животот почина  академик Илбер Ортајли (1947 – 2026), историчар од Турција и член на Македонската академија на науките и уметностите надвор од работниот состав од 27 мај 2009 година, наведува МАНУ во соопштение.

Почина академик Илбер Ортајли, историчар од Турција, член на МАНУ надвор од работниот состав

Македонската академија на науките и уметностите со жалење ја известува јавноста дека на 13 март 2026 г., во 79-тата година од животот, почина акад. Илбер Ортајли, член на МАНУ надвор од работниот состав.

Акад. Илбер Ортајли е еден од најистакнатите турски историчари и интелектуалци. Роден е во 1947 во Брегенц, Австрија, во семејство на кримски Татари, жртва на Сталиновите чистки и прогонства. Основно и средно образование завршил во Истанбул, каде се преселило неговото семејство. Во 1968 дипломирал на Одделот за историја на Универзитетот во Анкара, а магистрирал на Универзитетот во Чикаго, под менторство на познатиот османист Халил Иналџик. Во 1974 докторирал на Универзитетот во Анкара, на Факултетот за политички науки, каде бил избран за вонреден професор.

Во 1982 година поднел оставка од својата позиција во знак на протест против политиката кон универзитетите и продолжил да предава на други универзитети во Европа, Америка и Русија.

Во 1988 се вратил во Турција. Во 1989 станал професор на Факултетот за политички науки на Универзитетот во Анкара, каде во периодот од 1989 до 2002 година бил раководител на Одделот за историја. Во периодот од 2002 до 2005 бил професор гостин на неколку универзитети во Турција. Во 2005 станал директор на Музејот на Топкапи сарајот и на оваа позиција останал до пензионирањето во 2012 година.

Илбер Ортајли освен што беше член на научни редакции на бројни меѓунродни списанија, тој беше и член на одборот на директори на Меѓународниот комитет за османлиски студии, на Европското друштво за ирански студии и на Австро-турскиот форум на науки. Течно зборуваше германски, англиски, француски, руски, италијански, персиски и одлично ги познаваше османлискиот и латинскиот јазик.

Добитник е на повеќе домашни (турски) и меѓународни награди (Италија, Франција, Русија, Австрија) и автор е на бројни монографии и статии кои се однесуваат на османлиската и на руската историја, посебно за историјата на јавната администарција, дипломатијата, културната и интелектуалната историја. Некои од неговите најважни дела се преведени и на македонски јазик.

За член на МАНУ надвор од работниот состав е избран на 27 мај 2009 година.

Заминувањето на Илбер Ортајли претставува голема загуба не само за турската историографија, туку и за МАНУ која изгуби почитуван член и искрен пријател. Неговото научно и интелектуално наследство остануваат инспирација за идните генерации историчари и проучувачи на минатото.

Македонска академија на науките и уметностите

Тагови: Илбер Ортајли

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Холивудски актер ослабе 90 килограми, многумина не го препознаваат на фотографијата

Додека многу познати личности се потпираат на лекови за слабеење, холивудскиот актер Џон Гудман ја постигна својата трансформација на телото на сосема поинаков начин.

Холивудски актер ослабе 90 килограми, многумина не го препознаваат на фотографијата

Неодамнешната фотографија на Инстаграм предизвика бројни реакции бидејќи 74-годишниот актер, најпознат по улогите во серијата „Roseanne“ и филмот „The Borrowers“, изгледа речиси непрепознатливо. Гудман не го припишува својот успех на популарните лекови како Оземпик, туку на низа одлуки за начинот на живот поврзани со исхраната и здравјето.

Изненадување на социјалните мрежи

Фотографијата со Гудман ја објави актерот Дејвид ДеЛуиз, кој го нарече легенда и важен дел од неговото детство. Повеќето коментари под објавата беа поврзани со променетиот изглед на Гудман. „Го сакам Џон Гудман! Да, изгледа многу поинаку, но се обложувам дека се чувствува одлично“, „Дали е тоа Џон Гудман? Тој е непрепознатлив“ и „Тој е многу послаб отколку што го паметам“, се само дел од реакциите на корисниците.

Одлуката што промени сè

Гудман не користел лекови „GLP-1“, но донел уште една голема животна одлука - престанал да пие. Закрепнувањето од алкохолизам, со кој се борел 30 години, започнало во 2007 година и било клучно за неговата трансформација. Со текот на годините, тој постепено ослабел и се проценува дека вкупно е полесен за 90 килограми.

Во интервју за „The Guardian“ во 2012 година, тој ја објаснил својата одлука да престане да пие. „Сè стана премногу. Тоа беше 30-годишна болест која ги исцрпуваше сите околу мене и ми стануваше сè потешко и потешко. Стана прашање на живот и смрт. Време беше да престанам“, рече тој во тоа време.

Медитеранска исхрана и дисциплина

Актерот претходно изјави дека со тежина од над 180 килограми, ја трошел својата креативна енергија размислувајќи што да јаде следно. Својата исхрана ја базира на медитеранскиот модел, кој вклучува многу овошје, зеленчук, интегрални житарки и здрави масти како што е маслиновото масло. Тој, исто така, воспоставил строга рутина за вежбање. Тој вежбал со личен тренер шест дена во неделата и одел помеѓу 10.000 и 12.000 чекори дневно. Својот пристап го објаснил во интервју од 2016 година со радио водителот Хауард Стерн. „Го правев тоа полека. Само сакав да го променам мојот начин на живот“, рече Гудман, додавајќи дека тоа бил процес што траел цел живот.

Извор: Индекс.хр

Тагови: актер СЛАБЕЕЊЕ Џон Гудман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос кај Оман: Непознат проектил погоди брод

Центарот за поморски трговски операции на Велика Британија (UKMTO) денес објави дека непознат проектил погодил брод на околу 33 километри од брегот на Оман, во близина на градот Касаба.

Хаос кај Оман: Непознат проектил погоди брод

Според „UKMTO“, кој се повикува на доверлив извор, бродот бил погоден од непознат проектил, по што избувнал пожар.

Пожарот е изгаснат, а бродот и сите членови на екипажот се безбедни, се вели во соопштението на „UKMTO“.

Досега нема извештаи за какви било последици по животната средина.

Надлежните органи го истражуваат инцидентот, а на бродовите им е советувано да бидат внимателни додека пловат и да пријават каква било сомнителна активност до „UKMTO“.

Тагови: Оман

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем шумски пожар избувна кај најголемото езеро во Италија, евакуирани повеќе од 200 луѓе

Голем шумски пожар избувна на западниот брег на езерото Гарда во Италија, а локалните власти евакуираа повеќе од 200 луѓе, вклучувајќи многу туристи, како мерка на претпазливост.

Голем шумски пожар избувна кај најголемото езеро во Италија, евакуирани повеќе од 200 луѓе

Езерото Гарда, најголемото езеро во Италија и една од најпознатите туристички дестинации во земјата, привлекува голем број посетители секоја година поради својата природна убавина, планинската околина и бројните летни одморалишта. Токму во оваа популарна област, која е особено популарна во ова време од годината, пожарот предизвика загриженост кај жителите и туристите.

Пожарот избувна вчера во општината Тињале и брзо се прошири низ ридестиот предел над езерото во текот на вечерта и ноќта.

Пожарникарите сè уште се борат со пожарот денес, но пожарот сè уште не е под контрола. Бројни противпожарни екипи, како и авиони и хеликоптери, учествуваат во гаснењето.

Пожарникарите ги штитат домовите

„Напорите во моментов се фокусирани на запирање на противпожарните фронтови и заштита на неколку станбени згради“, изјавија пожарникарите.

Досега нема извештаи за повредени.

Областа на езерото Гарда, најголемото езеро во Италија, е една од најпопуларните туристички дестинации во земјата.

Топлотниот бран продолжува да ја погодува Италија

Пожарот избувна во време кога Италија, како и поголемиот дел од Европа, се соочува со продолжен топлотен бран.

Температурите во делови од земјата надминуваат 40 степени Целзиусови во последните денови, а се очекува високите температури да продолжат до средината на месецот.

Извор: Индекс.хр

Тагови: Италија шумски пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер